VOV4.Xơ Đăng - Leh mơđah tơbleăng Kơphế Ƀuôn Ma Thuột rôh má 9 hơnăm 2025, ƀă inâi ‘Ƀuôn Ma Thuột – Tíu troh dêi kơphế lâp plâi tơnêi”, kô po sap ing hâi lơ 09/3/2025 – 13/03/2025.

VOV4.Xơ Đăng - Tơbâ 70 hơnăm hâi Ƀok thái pơkeăng Việt Nam, kơxo lơ 26/2, a Tíu pêi cheăng Kăn xiâm hnê ngăn Tơnêi têa, pôa Lương Cường, Kăn xiâm hnê ngăn tơnêi têa trâm mâu kăn ki kơhnâ rơkê kơvâ ngăn pơkeăng ƀă diâp inâi “Ƀok thái pơkeăng kuăn pơlê” hơnăm 2024 ăm 46 ngế krê.

VOV4.Xơ Đăng - Kơxo lơ 26/2, tung rôh po Hneăng hôp La ngiâ ASEAN 2025 hiăng po rôh hôp tâi tâng khu râ kăn xiâm ƀă tơdroăng ki veăng hôp dêi pôa Phạm Minh Chính, Ngế pro xiâm hne ngăn Chin phuh, pôa Anwar Ibrahim, Ngế pro xiâm hnê ngăn kong têa Malaysia, pôa Christopher Luxon, Ngế pro xiâm hnê ngăn kong têa New Zealand ƀă pôa Jose Ramos-Horta, kăn xiâm pơkuâ kong têa Timor Leste.

VOV4.Xơ Đăng - Hâi lơ 26/2, pôa Phạm Minh Chính, Ngế pro xiâm hnê ngăn Chin phuh hiăng pêi cheăng ƀă pôa Anwar Ibrahim, Ngế pro xiâm hnê ngăn kong têa Malaysia drêng Ngế pro xiâm hnê ngăn kong têa kố lăm pôu Việt Nam ƀă veăng hôp tơpui tơdroăng tung la ngiâ ASEAN rôh má 2 a Hà Nội.

VOV4.Xơ Đăng - Dak Lak dế ối má môi tung lâp tơnêi têa ‘na pêt loăng plâi sầu riêng, châ lối 33.000 ha chiâk deăng, plâi châ lối 300.000 tâ̆n a hơnăm 2024 nah. La, drêng ai tơdroăng pơkâ ‘na mơnhên, séa ngăn hôm pêi pro krúa lơ ôh plâi kâ, séa ngăn kố rế hía rế pro kơtăng ing mâu kong têa ê ki vâ rôe plâi, malối Sinuâ, kơvâ cheăng kố dêi kong pơlê dế trâm hên pơloăng mơnúa kân. Vâ hlê nhên tâ mâu pơloăng mơnúa mê ƀă tơdroăng vâ pêi pro tro troăng hơlâ ƀă kơvâ cheăng, ngế chêh hlá tơbeăng ai tơpui tơno ƀă pôa Vũ Đức Côn - Kăn hnê ngăn Khu pêt plâi sầu riêng Dak Lak.

VOV4.Xơ Đăng –  Kong pơlê Lâm Đồng dế thâ tah lôi mâu pá puât, tơvâ tơvân, khŏm mơ-eăm mơjiâng pro 2 troăng kân ăm phêp rơxế kơtâu têi, troăng kân Tân Phú – Bảo Lộc ƀă Bảo Lộc – Liên Khương, tơdjêp Đà Lạt ƀă pơlê kong kân Hồ Chí Minh hdrối hâi lơ 30/4 la ngiâ.

VOV4.Xơ Đăng –  Kơxê lơ 25/2, pôa Phạm Minh Chính, Ngế pro xiâm hnê Chin phuh veăng ƀă xông tơpui a roh pơxiâm po Hôp tơpui tơno la ngiâ ASEAN hơnăm 2025.

VOV4.Xơ Đăng - Kơmăng hâi lơ 25/2, a tíu pêi cheăng Xiâm Đảng, pôa Tô Lâm, Kăn xiâm pơkuâ hnê cheăng Đảng hiăng tơdah pôa An War Ibrahim, Ngế pro xiâm ngế ngăn kong têa Malaysia drêng rôh Ngế pro xiâm hnê ngăn kong têa veăng hôp Hneăng hôp tơpui tơdroăng Tung la ngiâ ASEAN rôh má 2 a Hà Nội sap (hâi lơ 25-26/02/2025).

VOV4.Xơ Đăng - Kơxê hâi lơ 25/2, a Hưng Yên, pôa Lương Cường, Kăn xiâm hnê ngăn tơnêi têa, Ngế pơkuâ khu kăn séa ngăn kơxô̆ 1907 dêi Khũ iâm kal kí pơkuâ Hôp tơbleăng Pơkâ, tơdroăng pơkâ pêi séa ngăn dêi Khu xiâm Kal kí hơnăm 2025 ƀă Khu kăn Đảng kong pơlê Hưng Yên.

VOV4.Xơ Đăng - Kơxo lơ 25/2, pôa Phạm Minh Chính, Ngế pro xiâm hnê ngăn Chin phuh hiăng pơkuâ po rôh hôp má môi Khu hnê mơhno, hbrâ mơdât mơhrê liăn ngân.