VOV4.Xơ Đăng - Kơxo lơ 24/6, a Tíu tơbâ ƀă um meăn ƀlêi trâng Đăk Pơ, cheăm An Thành, tơring Đăk Pơ, khu pơkuâ ngăn Đảng, Hô̆i đong hnê ngăn, Vi ƀan hnê ngăn, Vi ƀan Măt trâ̆n Tơnêi têa Việt Nam kong pơlê Gia Lai tơkŭm po kân krip leh tơbâ 70 hơnăm ƀlêi trâng Đăk Pơ.

VOV4.Xơ Đăng - Hâi lơ 24/6, Kuô̆k hô̆i khiăng pêi cheăng măng tĭng má mơ’nui dêi  rôh hôp má 7. Peăng kơxo, Kuô̆k hô̆i têk kŏng tiâ vâ môi tuăn tiô tơdroăng tơbleăng Luât Tơdroăng cheăng Hngêi tơleăng  kuăn pơlê (‘mâi pơhlêh): Klêi mê, tơpui tơno a hngêi hôp kân ‘na tơdroăng Luât hbrâ mơdât, tê mơdró mơngế (‘mâi pơhlêh).

VOV4.Xơ Đăng -  Ƀă troăng hơlâ ôh tá lôi hok tro ki lâi xua tơdroăng rêh ối pá puât mê ôh tá chiâng vâ veăng tơ’noăng mơgêi râ má pái, khu râ kăn pơkuâ 10 tơring, pơlê kong kơdrâm rơtế kơvâ hnê hriâm ƀă hnê mơjiâng kong pơlê Kon Tum hiăng mơ’no liăn ngân kong pơlê ƀă mơhnhôk châ vâ chê 580 rơtuh liăn.

VOV4.Xơ Đăng -  Kơxo lơ 23/6, a pơlê kong kơdrâm Đà Lạt, pôa Trần Lưu Quang, Ngế pro xiâm phŏ hnê ngăn Chin phuh hiăng veăng Hneăng hôp tơbleăng pơkâ pêi pro kong pơlê Lâm Đồng hneăng hơnăm 2021 – 2030, tơmiât pêi troh hơnăm 2050.

VOV4.Xơ Đăng - Kơxo lơ 24/6, pôa Phạm Minh Chính, Ngế pro xiâm hnê ngăn Chin phuh rơtế khu râ kăn xiâm Việt Nam lăm veăng Hneăng hôp WEF (hneăng hôp tơpui tơno cheăng kâ lâp plâi tơnêi) a pơlê kong kân Đại Liên, Sinuâ sap hâi lơ 25 troh lơ 27/6/2024.

VOV4.Xơ Đăng - Troăng kân rơdâ Khánh Hoà - Ƀuôn Ma Thuột cho troăng kân ki apoăng châ pơkâ pêi pro a Tây Nguyên tơdjêp kong ngo ƀă têa kơxĭ. Vâ tơdroăng tơkêa bro kố châ pêi pro tro, mê Khu pơkuâ hnê ngăn Đảng, khu kăn pơkuâ mâu tơring, cheăm a kong pơlê Dak Lak hiăng pêi pro kơtăng khât tung hnê mơhno tối, mơhnhôk, mơjiâng chiâng tơdroăng ki vâ môi tuăn tung mâu khu kuăn pơlê. Ƀai chêh dó inâi “Tuăn tơmiêt dêi Đảng tro ƀă hiâm mơno kuăn pơlê, mê pơlê cheăm hbrâ vâ pleăng tơnêi vâ ăm pro troăng kân rơdâ” dêi Công Bắc, Ngế chêh hlá tơbeăng hiăng lăm troh hlo, châ klê păng ‘nâng tơdroăng kố a tơring Krông Pač, kong pơlê Dak Lak.

VOV4.Xơ Đăng -  Kơxê hâi lơ 21/6, pôa Lê Thành Long - Ngế pro xiâm phŏ hnê ngăn Chin phuh pơkuâ hôp ƀă mâu kăn, mâu khu xiâm, kơvâ cheăng ‘na tơkŭm po tơ’noăng mơgêi hriâm râ má pái phôh thong hơnăm 2024 châ tơkŭm po ƀă tơniăn môi tiah pơkâ hơnăm 2020-2023.

VOV4.Xơ Đăng -  Kơxê hâi lơ 21/6 , pôa Phạm Minh Chính - Ngế pro xiâm hnê ngăn tơnêi têa hiăng tơdah Khu hnê ngăn Tơdroăng má 4, rak liăn ‘măn kơdĭng lâp plâi tơnêi IMF xua pôa Paulo Medas - Ngế pơkuâ djâ khu kăn lăm pôu, pêi cheăng a Việt Nam.

VOV4.Xơ Đăng - Koh tơbâ 99 hơnăm Hâi Hlá tơbeăng Kăch măng Việt Nam, kơmăng hâi lơ 21/6, a Cung Văn hoá Lao động Hữu nghị Việt Xô, pôa Tô Lâm, Kăn xiâm hnê ngăn tơnêi têa hiăng troh ai mâ, tơpui ƀă diâp mơhá a Leh diâp Pri Hlá tơbeăng Tơnêi têa roh má XVIII.

VOV4.Xơ Đăng - Hâi lơ 21/6/20234, a tíu pêi cheăng dêi Khu xiâm pơkuâ hnê ngăn Đảng tơnêi têa, Khu kăn xiâm pơkuâ hnê ngăn Đảng hneăng XIII hiăng hôp, mơnhên ngăn, ăm mâu kăn veăng tơpui tối ‘na hnoăng cheăng kăn ƀô̆.