VOV4.Xơ Đăng - Hơnăm 2024 nếo luâ, cho hơnăm ki hiăng châ chiâng pêi pro hên tơdroăng ki hâk tơngăm ƀă po hên tơdroăng ki pói tơngah kân ƀă kơpong Tây Nguyên. Ki châ chiâng pêi pro mê dêi Tây Nguyên ki hlo nhên má môi ‘na kơvâ chiâk deăng, ƀă tơdroăng ki châ mơ’no tê dêi hên kế tơmeăm ƀă hên tơdroăng ki mơnhông troh tiô troăng ki trâu hơngế. Ki pói tơngah dêi Tây Nguyên cho châ mơ’no liăn gum lơ châ kĭ tơkêa tơdroăng mơ’no liăn mơjing pro mâu troăng prôk ki kân, tơdrăng lĕm, tơkoh pơla mâu kơpong tơbăng Tơdế tơnêi têa ƀă Peăng mâ hâi lo Pá Hdroh, po troăng hơlâ prôk ki nếo mơnhông rĕng ƀă tŭm têk kơvâ cheăng.

VOV4.Xơ Đăng - Hơnăm ton hiăng hluâ, tung lâp tơnêi têa ai hên tơdroăng kal kí, cheăng kâ – rêh ối pơlê pơla ki kal kân păng ‘nâng. Rơ’jíu Việt Nam hiăng rah 10 tơdroăng ki kal, tơdroăng ki xiâm má môi tung tơnêi têa 2024.

VOV4.Xơ Đăng - Kơxê lơ 30/12, a Hngêi Kuô̆k hô̆i, Ƀơrô cheăng Kuô̆k hô̆i Đảng ƀô̆ kơ koan Ƀơrô cheăng Kuô̆k hô̆i rơtế ƀă Công đoàn kơ koan tơkŭm po Rôh hôp mơgêi tơdroăng cheăng pêi hơnăm 2024, tơbleăng tơdroăng cheăng pêi hơnăm 2025.

VOV4.Xơ Đăng - Kơxo lơ 30/12, Vi ƀan hnê ngăn Pơlê kong kơdrâm Đà Lạt, kong pơlê Lâm Đồng tơkŭm po leh pơ-ôu pơ-eăng mâu kŏng nhân cheăng kơpuih văng xok, pro mơgrúa lĕm kong prâi tơnêi tơníu hiăng ai hnoăng pleăng mơjiâng pơlê kong kơdrâm Đag Lạt “ngiât – krúa – lĕm”, veăng gum ƀlêi chiâng tơdjuôm dêi Festival reăng Đà Lạt rôh má 10 hơnăm 2024.

VOV4.Xơ Đăng - Kơxê hâi lơ 30/12, a tíu pêi cheăng Chin phuh, pôa Phạm Minh Chính - Ngế pro xiâm hnê ngăn Chin phuh hiăng tơdah pôa Saleumxay Kommasith - Ngế pro xiâm phŏ hnê ngăn kong têa Kŏng hoa Yân chuh Nhân yân Lếo drêng lăm pôu pêi cheăng a Việt Nam.

VOV4.Xơ Đăng - Kơxê hâi lơ 30/12, a Hà Nội, po Hôp Khu kăn Đảng bô̆ Khô̆i mâu kơ koan xiâm tơnêi têa rôh má 19, vâ mơgêi tơdroăng cheăng hơnăm 2024, tơbleăng tơdroăng cheăng pêi hơnăm 2025. 

VOV4.Xơ Đăng - Vi ƀan kuăn pơlê kong pơlê Dak Lak  pơkâ thế mâu kơ koan khu râ pơkuâ cheăng tơbleăng nhên kơxô̆ hlá mơ-eá mơnhên ăm phêp mâu tíu pêi cheăng  ai tiô tơdroăng pơkâ ăm phêp pêi krúa kế kâ, mơdró hmŏng to tung kong pơlê, hlối pâ thế tăng troăng hơlâ rak ngăn mâu tíu mơjiâng pro, tê mơdró  hmŏng to tung la ngiâ.

VOV4.Xơ Đăng - Kăn xiâm pơkuâ hnê ngăn cheăng Đảng tối nhên khu ki rơkê plĕng cho khu ki teăng mâ ăm khu ki ai tuăn mơno rơkê, khu ki rơkê dêi kuăn pơlê ƀă hdroâng kuăn ngo, cho môi tung mâu tơdroăng ki ƀă ivá mơ-eăm kal má môi pro pơxúa mơnhông tơƀrê ƀă tơdroăng kro mơdrŏng ăm tơnêi têa.

VOV4.Xơ Đăng - Mâu hơnăm achê kố, tơdroăng mơjiâng Đảng tung khu tê mơdró pa kong khu tê mơdró tơnêi têa a kong pơlê Dak Lak ai mâu tơdroăng mơnhông châ tơƀrê hôm. Rêm hơnăm, mâu khu tơrŭm Đảng tung khu tê mơdró pơrá tơ’mot châ ƀă hluâ pơkâ châ pơcháu. Châ tơƀrê kố gum tung tơdroăng mơjiâng khu tê mơdró rế tơniăn, tơdrêng amê mơnhên ivá mơhnhôk dêi Đảng tung mâu khu tê mơdró krê.

VOV4.Xơ Đăng - A pơlê kong kơdrâm Huế, kong pơlê Thừa Thiên Huế nếo tơkŭm po Leh tơbleăng Pơkâ dêi Kuô̆k hô̆i ‘na mơjiâng pơlê kong kơdrâm Huế ối tung tơnêi têa, ƀă tơbleăng Pơkâ dêi Vi ƀan pơkuâ Kuô̆k hô̆i ‘na tơdroăng rah xo tíu cheăng ối tung râ tơring, râ cheăm dêi pơlê kong kơdrâm Huế hneăng hơnăm 2023 – 2025.