VOV4.Xơ Đăng - Kơxo lơ 24/11, khu kăn séa ngăn kơxô̆ 5 Khu hnê mơhno cheăng hôp mơgêi tơdroăng pơkâ 23 dêi khu xiâm Đảng hneăng 9 xua pôa Y Thanh Hà Niê Kdăm, Kăn xiâm hnê ngăn Hô̆i đong kuăn ngo dêi Kuô̆k hô̆i pro xiâm pơkuâ djâ khu kăn hiăng ai rôh pêi cheăng ƀă Khu kăn Đảng kong pơlê Dak Lak. 

VOV4.Xơ Đăng - A Hngêi hơdruê kân Hà Nội, Khu xiâm pơkuâ Khoa hok ƀă Kŏng ngê̆ tơkŭm po Leh diâp ri Hồ Chí Minh, Pri Tơnêi têa ‘na Khoa hok ƀă Kŏng ngê̆ roh má 6 ăm 12 tơmeăm, kơpong tơmeăm châ diâp ăm Pri Hồ Chí Minh ƀă 17 tơmeăm, kơpong tơmeăm diâp Pri Tơnêi têa.

VOV4.Xơ Đăng - Kơxê lơ 24/11, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp ‘no tơdrêng ing troăng hyôh internet lâp tơnêi têa ‘na Khôi hmâ troăng hơlâ, ƀă inâi “Hlê plĕng – Pêi pro – Kơxô̆ liăn”.

VOV4.Xơ Đăng - Kơxê lơ 24/11, Khu xiâm pơkuâ ngăn lêng hôp tơbleăng, mơđah tơdroăng cheăng lêng lâp plâi tơnêi Việt Nam 2022 po sap ing hâi lơ 8 troh lơ 10/12 a tơraih tơƀai Gia Lâm, Hà Nội.

VOV4.Xơ Đăng - Kơxê lơ 24/11, a Tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah Kăn xiâm pơkuâ kong têa Uganda, Kăn xiâm hnê ngăn Đảng Phong trào kháng chiến Tơnêi têa (NRM) Yoweri Museveni lăm pôu pêi cheăng Việt Nam.

VOV4.Xơ Đăng - Ai 30 hlá mơ-éa tơrŭm chôu vế hiăng châ kĭ a Hneăng hôp tơdjêp tơdroăng mơjiâng pro tơmeăm ƀă kal vâ tơmeăm pơla kong pơlê Dak Nông ƀă mâu kong pơlê, pơlê kong kơdrâm tơkŭm po a pơlê kong kơdrâm Gia Nghĩa

VOV4.Xơ Đăng - Kong pơlê Kon Tum ai tâi tâng 567 rơpâu ngế, vâ chê 55% cho kơxô̆ hdroâng kuăn ngo ki iâ mơngế. Mâu hơnăm hdrối mê hía nah, khu thái cô dêi kong pơlê Kon Tum hiăng mơnhông lĕm tro hnoăng cheăng, tuăn tơmiât dêi thái cô kuăn pơlê ƀă hnoăng cheăng kân hngăm “hnê mơjiâng mơngế” a kơpong hdroâng kuăn ngo.

VOV4.Xơ Đăng - Kơxê lơ 23/11, a Manila, Philippines, klêi kơ’nâi châ hlo mơ-éa Kuô̆k hô̆i râ má môi tơbleăng pêi pro Pơkâ kơxô̆ 26, pôa Vương Đình Huệ, Kăn xiâm hnê ngăn Kuô̆k hô̆i hiăng tơpui tơno ƀă pôa Juan Miguel Zubiri, Kăn xiâm hnê ngăn Kuô̆k hô̆i râ má môi kong têa Philippines.

VOV4.Xơ Đăng - Hâi lơ 23/11, Vi ƀan hnê ngăn kong pơlê Dak Lak tơkŭm po rôh hôp “Túa pơkâ kong pơlê Dak Lak hơnăm 2021 – 2030, troăng ngăn troh hơnăm 2050”, xo rơkong tơpui tối dêi mâu khu ki rơkê plĕng, khu ki hriăn ‘na khoa hok, khu ki rak ngăn vâ pêi pro hơ’lêh mâu tơdroăng pơkâ mơnhông.

VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh pêi cheăng ƀă Khu pơkuâ ngăn Đảng Vĩnh Long ‘na cheăng kâ - rêh ối pơlê pơla hơnăm 2022, túa pơkâ, hnoăng cheăng hơnăm 2023.