Hngêi nếo pro cho tơmeăm khoăng ki apoăng dêi Tơdroăng Tơkêa bro 214 xut tah hngêi pơtân, hngêi xi kơchoh xua khu kăn pơkuâ hnê Đảng kong pơlê ƀă Vi ƀan kuăn pơlê kong pơlê Dak  Lak  pơcháu ăm Kŏng an kong pơlê pơkuâ. Mơjiâng hngêi ăm pôa Y Thăn Ksơr, ối a buôn Kmiên, cheăm Ea Drông. Nâ H’En Niê, kuăn kơdrâi pôa Y Thăn  ăm ‘nâi.

“Pâ á tamo hiăng 8 hơnăm kố, nôu a xuân thế ối a hngêi vâ rak ngăn pâ á. Má kơnốu á pêi chiâk, kơnôm to á vâi tăng xo pin lăm ăm vâi, pêi cheăng vâi tăng liăn vâ rôe tơmeăm kâ rêh ối tung rơpŏng hngêi. Hngêi hiăng tơ’nhiê ó, nôkố châ kơjo kum liăn mơjiâng pro nếo, mơhé kuăn la kơnía git, ai tíu hding mêi hding khía mê a xôk ro ‘nâng”.

Tiô tơdroăng tơkêa bro 214 ki kong pơlê pơcháu ăm Kŏng an kong pơlê pêi pro, mơjiâng 4.285 toăng hngêi kơnâ 80 rơtuh liăn. 3 tơdroăng tơkêa bro ki ê kô mơjiâng pro 1.120 toăng hngêi tung hơnăm 2025.