A leh pơxiâm mơjiâng pro ƀă mơhnhôk, Khu hnê mơhno ‘nhê tah hngêi pơtân, hngêi xi kơchoh, pro ăm hngêi nếo kong pơlê Dak Nông hiăng diâp kơxô̆ liăn 300 rơtuh liăn tŏng gum 5 rơpŏng a cheăm tơkăng kong Thuận An vâ mơjiâng nếo krá kâk. Rơtế ƀă tŏng gum kơxô̆ liăn, mâu râ khu râ kăn pơkuâ kong pơlê, mâu khu lêng tung kong pơlê kô tŏng gum mơngế pêi cheăng, tơmeăm vâ gum mâu rơpŏng rĕng pêi kêi đeăng mơjiâng pro hngêi nếo.

Ing kơxô̆ liăn mâu tơdroăng pêi, troăng hơlâ ƀă rêh ối pơlê pơla, sap hơnăm 2020 troh nôkố, kong pơlê Dak Nông hiăng mơjiâng nếo, rơnêu châ lối 1.200 toăng hngêi ăm mâu rơpŏng ai tơdroăng rêh ối pá puât. Lâp kong pơlê nôkố u ối lối 6 rơpâu toăng hngêi pơtân, hngêi xi kơchoh kal pro ăm hngêi nếo. Tung mê vâ chê 1.800 toăng hngêi chiâng vâ po rơdâ pêi pro tŏng gum hngêi ối ing mâu tơdroăng, troăng hơlâ dêi tơnêi têa.

Roh kố, kong pơlê Dak Nông ai 540 rơpŏng châ tŏng gum hngêi nếo tiô Tơdroăng mơhnhôk ‘nhê tah lôi hngêi pơtân, hngêi xi kơchoh pro ăm hngêi nếo dêi Ngế pro xiâm hnê ngăn Chin phuh mơhnhôk ƀă tâi tâng kơxô̆ liăn Tơnêi têa tŏng gum cho 40 rơtal liăn.