Kon Tum hiăng têa tah lối tơdế kơxô̆ hngêi pơtân, hngêi xi kơchoh
Thứ ba, 10:00, 18/03/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Ƀă hên troăng hơlâ ƀă kơnôm mơhnhôk châ hên ngế veăng môi tuăn, veăng gum dêi khu râ pơlê pơla, troh tâi măng tĭng kố Kon Tum hiăng têa tah tâi châ tơdế kơxô̆ hngêi pơtân, hngêi xi kơchoh.
Mê troh nôkố, kong pơlê Kon Tum hiăng gum 1.390 rơpŏng kuăn pơlê hluăn tơdroăng pá puât rêh ối tung hngêi xi kơchoh, tung mê ai 1.079 toăng hngêi châ pro nếo ƀă kơxô̆ hngêi ‘mâi rơnêu 311 toăng. Tiah mê troh nôkố, Kon Tum hiăng têa tah lối tơdế tung tâi tâng kơxô̆ 2.752 toăng hngêi pơtân, hngêi xi kơchoh kal mơjiâng pro nếo ƀă ‘mâi rơnêu dêi kong pơlê. A kơpong tơkăng kong Sa Thầy, Kon Tum, tơring hiăng pro nếo, ‘mâi rơnêu châ 312/346 toăng hngêi.
Pôa Bùi Văn Quang, Kăn phŏ hnê ngăn Vi ƀan Măt trâ̆n tơnêi têa Việt Nam tơring Sa Thầy, ăm ‘nâi, kong pơlê dế mơ-eăm vâ pê klêi têa tah hngêi pơtân, hngêi xi kơchoh tung khế 3 kố.
Viết bình luận