Tung mâu hơnăm hiăng hluâ, kăn ƀô̆, mâu mô đô̆i gâk tơkăng kong kong pơlê Kon Tum hiăng ai hên troăng pêi châ tơƀrê kum kuăn pơlê pơhlêh tơdroăng rêh ối mơnhông cheăng kâ rơpŏng. Sap apoăng hơnăm 2025 troh nôkố drô tơkăng kong xŏn 292 km tơkăng ƀă kong têa pú hmâ Lếo ƀă Kul, kăn ƀô̆, mâu mô đô̆i gâk tơkăng kong Kon Tum dế tơdjuôm ivá ‘nhê tah hngêi pơtân, hngêi xi kơchoh pro ăm hngêi nếo kum kuăn pơlê rêh ối.

Ôh tá xê to veăng kum ivá rơtế khu râ kăn pơkuâ rĕng kêi đeăng pơkâ ‘nhê tah hngêi pơtân, hngêi xi kơchoh pro ăm hngêi nếo, kăn ƀô̆, mâu lêng gâk tơkăng kong ối khŏm mơ-eăm gum mâu rơpŏng kuăn pơlê châ mơjiâng toăng hngêi ƀă ki kơnâ hên tâ kơxô̆ liăn Tơnêi têa tŏng gum. Ki nhên, cho mơhnhôk tơdroăng veăng kum kơxô̆ liăn dêi kăn ƀô̆, mô đô̆i, mâu khu tê mơdró, mâu khu tŏng gum mơngế pá puât veăng tơlo, pro ti lâi rêm toăng hngêi kơnâ sap ing 85 - 90 rơtuh liăn tơngi klêng.