VOV4.Sêdang - Vâ khoh ai tơnêi pro troăng sap ing peăng mâ hâi lo troh peăng mâ hâi luô, pơlê kong kơdrâm Buôn Ma Thuột, kong pơlê Dak Lak, ai hên rơxế kân ki chơ kế tơmeăm lối hngăm hiăng pro tơ’nhê troăng prôk troh a pơlê Ko\ Mleo, cheăm Hòa Thắng. Tơdroăng rêh ối, pêi cheăng kâ dêi 300 rơpo\ng tung pơlê hiăng tro tơdjâk troh hên tơdroăng ing kơtâk, ngôi tơnêi kơlung kơlăng, idrâp ki pơ’lok pơ’lâ [ă tơ’lêi trâm tơdroăng tơklâm rơxế drô troăng.

VOV4.Sêdang - Pái khế achê pơla kố, ai hr^ng rơpo\ng kuăn pơlê rêh ối a tôh kơpho# 3 [ă tôh kơpho# 4 pơlê kân Liên Sơn, tơring Lăk, kong pơlê Dak Lak hêng hôu ó ‘nâng xua rêm khế xuân athế nâp liăn đi đo vâ go#m ok xok la athế rêh ối tung tơdroăng ki tro hrik ngôi on, xú ‘mêi ing tíu ki chôu xok achê tíu rêh ối dêi kuăn pơlê.

VOV4.Sêdang - Lối rơpâu ha klo#ng tr^ng a Dak Lak xuân dế ối lôi tê kơtê a chiâk deăng, maluâ hiăng mot tung rơnó lâk xo hiăng châ lối 2 khế kố. Yă klo#ng tr^ng bu dâng 20% tâng vâ ngăn [ă hơnăm nah, tung pơla mê, mung vâi veăng pui lâk mơhá liăn kơnâ ó, pro kuăn pơlê ôh tá hêng vâ lâk xo dêi. Hương Lý, ngế chêh hlá tơbeăng ai chêh tối tơdroăng ki ai khât kố a tơring Ea Kar, kong pơlê Dak Lak, tíu ki pêt lối 1.400 ha. ​

VOV4.Sêdang - Tiô tơdroăng ăm ‘nâi ki ai lối 500 ngế thái cô a tơring Krông Păch, kong pơlê Dak Lak châ tối pơtâng athế pơtê tơdroăng hnê la tá hâi teăm tâi tơdroăng ô khe\n la hiăng ai nếo tơdroăng ki môi tiah mê a kong pơlê Gia Lai. Tơdroăng ki phá a kố, tung pơla a kong pơlê Dak Lak tah lôi tơdroăng tơkêa hnê hriâm xua rơlối mâu thái cô, la a Gia Lai tah lôi mâu thái cô tung pơla ôh tá ai tu\m kơxo# thái cô hnê. Tơdroăng ki tah lôi mâu thái cô mê pro hngêi trung [ă mâu thái cô trâm hên pá puât. ​

VOV4.Sêdang – Kơvâ pêt kơtếo pro xik a tơnêi têa pin hiăng trâm hên tơdroăng pá puât drêng rak vế, pêi pro mâu tơdroăng cheăng tung tơru\m pơla rơnó ko kơtếo pơla sap hơnăm 2017-2018. A Tây Nguyên, kơpong ki xiâm dêi kơtếo dêi lâp tơnêi têa, pơla hdrối mê hía nah mâu hngêi kơmăi hiăng ai roh tơbriât rôe mâu kơtếo. Thăm nếo, a mâu tơring peăng mâ hâi lo pá hdroh kong pơlê Gia Lai, ối ai hngêi kơmăi ôh tá vâ rôe kơtếo châ rơpâu ha dêi kuăn pơlê, pro hên ngế tê dêi kơtếo môi tiah ăm xo xo.

VOV4.Sêdang - Hneăng ki tơ’nhê ‘na pêi kâ dêi Ko\ng ti pêi cheăng tiô rơnó môi tung khu cheăng Hoàng Sang, pơlê kân Ia Kha, tơring Ia Grai, kong pơlê Gia Lai tung măng t^ng hdrối hiăng pro ai nếo tơdroăng ki kuăn pơlê ô eăng [ă kơxo# ki riân ngăn tơ’nhê apoăng dêi kuăn pơlê a kơpong kố hiăng châ 30 rơtal liăn. Ing túa ki tơru\m tơpui kâ, pơtroh dế kơphế vâ xo liăn, la pêi pro ôh tá tiô luât pơkâ, mê khoh pro hên kuăn pơlê chiâng tro lu\p dêi hên h^n kế tơmeăm, liăn ngân xua tơdroăng ki loi tơngah hmâng to lo vâ kố. Têa mâ dêi kuăn pơlê pêi chiâk ki kơtiê a tơring Ia Grai dế ối lo, la nôkố hiăng hrá ó, xua mâu roh ki mâu khu mơdró kâ a kong pơlê Gia Lai kơtâu hdâ xua ôh pá ai liăn vâ mơdrếo ki kuăn pơlê, xuân môi tiah tung kơpong Tây Nguyên, pá vâ tơngah ai liăn mơdrếo kế tơmeăm, liăn ngân ăm tơná kuăn pơlê.

VOV4.Sêdang - Pêi pro tiô tơdroăng tơ’noăng ‘’Droh rơtăm Ko\ng an kuăn pơlê hriâm tâ, pêi pro 6 tơdroăng Pôa Hồ hnê, hơnăm ối nếo Ko\ng an kong pơlê Dak Nông ôh ti xê to mơdêk tuăn hiâm mơhno\ng pleăng tung hnoăng cheăng pêi dêi tơná mê ối mơhno\ng pleăng, tơdjuôm ivá xua tơdroăng rêh ối pơlê pơla. Ing mê, veăng kum mơjiâng, pro le\m tơ’nôm um méa ‘’Ko\ng an kuăn pơlê xua tơnêi têa piu dêi tơná, xua kuăn pơlê mê pêi dêi tơdroăng cheăng’’.

VOV4.Sêdang - Tơnêi tơníu cho kế tơmeăm ki pêi cheăng kâ xiâm dêi hên kuăn pơlê hdroâng kuăn ngo a Gia Lai. Laga, tung pơla hdrối kố nah, lối rơpâu rơpo\ng a kố hiăng ăm ngế ki ê mung tơnêi dêi tơná, mê nếo ngế ki ăm vâi mung tơnêi chiâng lăm pêi cheăng ăm khu ki châ mung tơnêi, pro tơdroăng rêh ối dêi vâi đi đo ôh tá tơniăn, kơtiê xơpá.

VOV4.Sêdang - Xok ki hvât hmâng vâ cho tơdroăng ki tô tuăn tơchuôm tá a pơlê kong kân xuân môi tiah a thôn pơlê dêi kong pơlê Gia Lai. Tung pơla a kơpong kơpho# tơdroăng ki vâ pro mơgrúa xuân ai hên tơdroăng ai tá a thôn pơlê, tơdroăng ki hvât mâu xok hmâng to lo vâ dế hlo ai hên h^n, ing mê, chiâng khoh ai mâu kơpong ki ok xok, pro ‘mêi troh hyôh kong prâi, tơnêi tíu [ă ki le\m ro dêi kơpong kong kế.

VOV4.Sêdang - A kơpong tơkăng kong Tây Nguyên, mâu tơdroăng ki khăm pơlât kuăn pơlê ối trâm hên xơpá. Tơdroăng ki ai mâ dêi Hngêi pơkeăng khu lêng [ă kuăn pơlê tơru\m dế hlo mơdêk châ tơ-[rê khât tung tơdroăng rak ngăn ivá châ chăn, khăm pơlât ăm kuăn pơlê.