VOV4.Bahnar - Đơ\ng ro\ng kơ lơ xơnăm gô chang, yơ\ng âu ki, kon pơlei tơ\ pơlei Mêra, xăh Quảng Tân, apu\ng Tuy Đức, dêh char Dak Nông hlôi đei xơng unh hơyuh teh đak. Âu jing pơlei mă hơtuch Đ^ đăng kơ apu\ng Tuy Đức đei dui unh hơyuh. Đei unh hơyuh gô pơm trong hiôk ăn kon pơlei lơ\m hơto\k mu\k drăm duh nhen hơto\k tơdrong erih ăn kon pơlei.

Erih jang xa tơ\ pơlei Mêra, xăh Quảng Tân, apu\ng Tuy Đức đơ\ng xơnăm 2006, đơ\ng ro\ng hloh 10 xơnăm gô chang dang ei unh hơyuh teh đak hlôi truh hăm unh hnam yă Hoàng Thị Dương păng kơ hre\ng unh hnam lơ\m pơlei. Go\ por pai hăm unh hơyuh, go\ đak to# jing dôm tơmam kăl mă unh hnam yă ‘nao răt đei. Gơnơm đei unh hơyuh mă mong đei lơ jơ ‘năr hloh pơtêng hăm adrol âu ki: “Tam mă đei unh noh nhôn yua unh hăm hơyuh măt ‘năr vă tơ\k hơdăh, dang ei đei unh hơyuh bơih noh pai por, [ôm đak, đơ\ng năr unh hơyuh [ôh tơdrong erih hiôk hloh, vih vơ\t đei unh hơdăh, mu\k drăm hơto\k, jang yă kiơ duh [ôh hơto\k ngăl”

Duh nhen unh hnam yă Dương, [ok Điểu Brăng, oei tơ\ pơlei Mêra chơt hơ iă [ơ\t đei unh hơyuh teh đak dui truh tơ\ pơlei. {ok Điểu Brăng ăn tơbăt, đei unh noh tơdrong hơpơi đơ\ng đunh xơ\ đơ\ng kon pơlei dang ei hlôi jing tơpă. Dang ei kon pơlei đei lăng tivi, hơ ioh đei ho\k hăm unh hơdăh. Kon pơlei bu bu adoi chơt hơ iă, xơđơ\ng pơm jang, xut le# pơngot tơjur hin dơnuh. {ok Điểu Brăng, oei tơ\ pơlei Mêra, xăh Quảng Tân ăn tơbăt: “Đei unh hơyuh noh đei lơ tơdrong pơyua ăn unh hnam, adrol ki tam mă đei unh teh đak noh nhôn răt unh hơyuh măt ‘năr, dang ei đei unh hơyuh bơih nhôn xo# hơ\k, răt đei go\ pai por hăm unh hơyuh, ning mônh kơnh dui unh hơyuh [ôm đak xo\ nhă ăn unh hnam, bơnê kơ teh đak tôch lơ”

Tơdrong dăng tơlei unh hơyuh ăn pơlei Mêra lơ\m tơdrong jang 2081 đơ\ng Thủ tướng teh đak pơkăp axong unh hơyuh ăn tơring pơxe\l đơ\ng unh hơyuh teh đak tơre\k hăm xăh xơlam teh păng tơring tơnap tap đơ\ng xơnăm 2015-2020. Tơdrong dăng je# 7km trong tơlei unh trung áp, 8km trong tơlei unh hạ áp, 4 anih tơ[ăk tơjur 220kV unh axong ăn 135 unh hnam lơ\m pơlei.

‘Nho\ng Lê Đình Thanh, Kơdră khul jang unh hơyuh xăh Quảng Tân- Đắk R’tih, apu\ng Tuy Đức ăn tơbăt, đơ\ng ro\ng kơ đei unh hơyuh teh đak, kon pơlei kăl hlôh vao hơdăh găh unh hơyuh, yua unh hơyuh gơh xơđơ\ng. Yuơ noh, lơ\m khei năr blu\ng, khul jang unh hơyuh xăh Quảng Tân – Đăk R’ tih hơnơ\ng năm tơ\ tơring vă pơtho kon pơlei băt trong yua unh hơyuh xơđơ\ng tơnăp: “Mih ma duch nă tơ\ âu tơnăp tap găh unh hơyuh, đơ\ng xơ\ truh dang ei đe tam mă yua unh hơyuh lai yơ noh tam mă juăt, dang ei đei unh hơyuh ‘măng mă blu\ng noh ưh băt. Noh pơlăp unh tơ\ hnam, pơtho ăn đe yua unh xơđơ\ng, pơkom [iơ\ păng ‘nho\ng oh hơnơ\ng pơtho ăn kon pơlei băt”

Pơlei Mêra jing pơlei tơnap tap hloh kơ xăh Quảng Tân, apu\ng Tuy Đức. Pơlei ataih đơ\ng anih tơm apu\ng hloh 40km, dang ei đei hloh 135 unh hnam kon pơlei erih jang xa, mă lơ noh kon pơlei kon kông, trong nơnăm tơnap tap. Adrol kơ đei unh hơyuh, rim unh hnam kon pơlei tơ\ âu yua unh hơyuh măt ‘năr vă tơ\k hơdăh. Ăh đei unh hơyuh teh đak, kon pơlei chơt hơ iă, unh hơyuh hơ ‘nhăk tơdrong pơyua kăp g^t lơ\m tơdrong erih rim kơ năr, pơtru\t hơto\k mu\k drăm păng hơto\k tơdrong erih ăn kon pơlei tơ\ âu. {ok Bùi Đức Thắng, Bí thư Chi bộ pơlei Mêra, xăh Quảng Tân ăn tơbăt: “ Đei tơdrong tơgu\m đơ\ng đảng păng teh đak hlôi pơm trong hiôk ăn minh pơlei oei hin dơnuh, tơnap tap truh dang ei kon pơlei hlôi đei unh hơyuh yua. Đơ\ng năr đei unh hơyuh truh dang ei noh kon pơlei hăt hot năm răt tơmam yua lơ\m unh hnam, hlôh vao hloh, mơ\ng đei tơdrong tơroi pơtho đơ\ng đài đơ\ng tivi. Đơ\ng năr đei unh hơyuh noh lơ unh hnam kon pơlei hlôi [ôm đak ruih cà phê păng tiu, tơgu\m tơjur [iơ\ jơhngơ\m jang, đei jơ ‘năr jang dôm tơdrong jang nai, hơto\k mu\k drăm unh hnam”

Unh hơyuh vih truh pơlei Mêra, xăh Quảng Tân hlôi tơgop xut le# pơlei ưh đei unh hơyuh teh đak lơ\m apu\ng xơlam teh Tuy Đức. ‘Nâu jing hơyak tơgu\m tơring pơm kiơ\ [lep pơkăp xut le# pơngot tơjur hin dơnuh, hơto\k tơdrong erih ăn kon pơlei, vă atu\m jơhngơ\m pơjing tơring pơxe\l ‘nao.

Lan chih păng rapor