VOV4.Bahnar - ‘Năr brei 4/4, An^h jang đảng dêh char Dak Nông pơ gơ\r hop ako\m yao [an kiơ\ khei găh tơ drong krao hơ vơn kon pơ lei, Mặt trận, dôm khul gru\p lơ\m 3 khei blu\ng păng tơ le\ch tơ drong jang lơ\m 3 khei đơ\ng ro\ng dơ\ng kơ sơ năm 2017.

Lơ\m hop ako\m, kơ dră che\p kơ\l An^h jang đảng dêh char Dak Nông tơ che\ng ‘lơ\ng jơ hngâm đon jang tơ năp đơ\ng khul kăn [o#, bơ ngai jang lơ\m gru\p păng tơ drong đei yoa đơ\ng dôm tơ drong pơ jei băl vang ato\k tơ iung mu\k drăm tơ pôl lơ\m dêh char.

An^h jang đảng Dak Nông athei, tơ\ hơ năp kơnh, Gru\p krao hơ vơn kon pơ lei, Mặt trận păng dôm khul gru\p tơ pôl hơ nơ\ng hơ to\k tơ drong jang tơ\ tơ ring vă băt hơ dăh rim tơ drong, hơ to\k tơ drong tơ gu\m ăn dôm bơ ngai mơ mat tat.

Pơ lung kon pơ lei adrin jang xa, vei kơ jăp tơ drong sơ đơ\ng chinh tr^, sơ đơ\ng lơ\m tơ pôl tơ\ dôm tơ ring, hơ nơ\ng hơ to\k tơ drong jang tơ bôl hăm dêh char Mondulkiri (Campuchia), tơ iung jơ hngâm đon pơm po# [an, tơ guăt pôm [ơ\r đon, jang hơ doi đơ\ng kon pơ lei 2 păh.

Dơ\ng: Tơ blơ\