Dang ei EVNGENCO1 tŏk bŏk oei vei lăng păng pơm jang lơ hnam kơmăi unh hơyuh kăp gĭt tơ̆ Lâm Đồng nhen Đại Ninh, Đồng Nai 3, Đồng Nai 4, Đa Nhim, Hàm Thuận - Đa Mi păng unh hơyuh jơ̆ng 'năr tơ̆ kơpal dơnou đak Đa Mi, hăm tơdrong pơm tơlĕch đei 1.615 MW. Pơtoi sơkơ̆t trong hơtŏk unh hơyuh sơđơ̆ng 'lơ̆ng, EVNGENCO1 pơtơm asong jang 3 tơdrong tơlĕch jang unh hơyuh jơ̆ng 'năr kơpal dơnou đak tơ̆ Lâm Đồng gồm: ming man Hnam kơmăi Unh hơyuh jơ̆ng 'năr kơpal dơnou đak Đại Ninh pơm tơlĕch đei pơhlom 96 MW, hăm kơsô̆ jên asong jang pơhlom 1.600 tih hlj; ming man Hnam kơmăi Unh hơyuh jơ̆ng 'năr kơpal dơnou đak Hàm Thuận ah jăl 1 kĕ pơm tơlĕch pơhlom 100 MW, hăm kơsô̆ jên asong jang pơhlom 1.650 tih hlj păng ming man Hnam kơmăi Unh hơyuh jơ̆ng 'năr kơpal dơnou đak Đa Mi ah jăl 2 kĕ pơm tơlĕch pơhlom 70 MW, hăm kơsô̆ jên asong jang pơhlom 1.150 tih hlj.

Dôm tơdrong tơlĕch jang đei hơlen kiơ̆ trong iŏk yua dơnou đak kơ dôm hnam kơmăi unh hơyuh oei đei, trŏ hăm tơchơ̆t hơtŏk unh hơyuh ưhd dei tơpăr hơyuh 'mê̆ đơ̆ng Jơnŭm pơgơ̆r teh đak păng sơkơ̆t trong tơplih unh hơyuh sơđơ̆ng 'lơ̆ng.