VOV4.Bahnar – Hăm tơdrong tơle\ch jang ăn kon pơlei mơng teh pơm jang tơ\ hơla tơm kơxu ‘nao pơtăm, dôm xơnăm kơ âu, Anih jang 75, Binh đoàn 15, Anih tơm linh hlôi tơgu\m ăn kơ rơbâu unh hnam kon pơlei tơ\ hloh 30 xăh kơ apu\ng xơlam teh Đức Cơ păng Ia Grai, dêh char Gia Lai xơđơ\ng tơdrong erih, tơgop hơto\k mu\k drăm tơpôl tơ\ tơring.

            Jing unh hnam hin dơnuh hloh tơ\ pơlei Ngol Rông, xăh Ia Krel, apu\ng Đức Cơ, noh 4 xơnăm kơ âu, unh hnam pơmai Rơ Mah Lôm đei Anih jang 75, Binh đoàn 15 axong mơng teh pơm jang. Pơmai Lôm ăn tơbăt, 7 măt bơngai lơ\m unh hnam gơnơm lơ\m 2 sao teh pơtăm tơm điều noh io\k yua ưh kơ măh vă chă erih xa. Mă lei đơ\ng đei mơng 4 sao teh păng pơ ‘nam jang kiơ\ kih thuơ\t mă anih jang 75 pơtho, rim xơnăm unh hnam pơmai Lôm đei yua đơ\ng 6 truh 7 tă [a, tơdrong erih dar deh đei xơđơ\ng: “Unh hnam inh ưh đei teh pơm jang. Unh hnam hin dơnuh dêh, athei jang thuê kơ đe vă io\k jên răt phe. Anih jang axong ăn unh mơng teh vă pơm jang. Minh xơnăm io\k yua đei 10 kơ[ao [a, da [iơ\ kơ tơnap hloh”  

Ngol Rông đei 136 unh hnam kon pơlei Jarai păng jing pơlei hin dơnuh hloh xăh Ia Krel, apu\ng Đức Cơ. Hăm tơdrong ‘meh tơgu\m kon pơlei tơ\ tơring, minh păh noh xơđơ\ng tơmam xo\ng xa, hơto\k mu\k drăm, đơ\ng xơnăm 2013 truh dang ei, Anih jang 75 hlôi axong ăn rim unh hnam kon pơlei tơ\ pơlei Ngol Rông mơng đơ\ng 3 truh 4 sao teh ‘nao pơtăm kơxu vă jang [a. Jang atu\m hăm tơdrong tơguăt unh hnam bơngai Yuăn păng bơngai kon kông, Anih jang pơtho ăn kon pơlei băt kih thuơ\t pơtăm, jang [a vă hơto\k io\k yua. Gơnơm đơ\ng noh, rim ha teh mơng đơ\ng Anih jang 75 đei io\k yua hloh 1 tân [a. Đơ\ng ro\ng 3 xơnăm mơng teh jang xơđơ\ng, kơxo# unh hnam pơngot tơ\ pơlei Ngol Rông tơjur đơ\ng 50 unh hnam oei pă hloh 20 unh hnam. ‘Nho\ng RơLan Thi, kơdră pơlei Ngol Rong ăn tơbăt: “Anih jang tơgu\m kon pơlei pơm jang xut le# pơngot tơjur hin dơnuh, hơto\k mu\k drăm. Dang ei, unh hnam yơ lơ\m pơlei duh xơđơ\ng hơto\k mu\k drăm bơih. Adrol ki, rim unh hnam adoi tơnap tap, por xo\ng tơ[ăng xa, hơbe\n ao hru\k hrơ\p ưh kơ măh. Oei hrei âu, unh hnam yơ duh đei kon hơ ioh năm ho\k tơnăp ngăl”

Atu\m hăm pơlei Ngol Rông, xăh Ia Krel, dang ei, Anih jang 75 to\k bo\k oei tơle\ch ăn hloh 30 pơlei pơla nai tơ\ apu\ng Đức Cơ păng apu\ng Ia Grai mơng teh vă pơm jang tơ\ pơgar kơxu ‘nao pơtăm tơ ‘măl, hăm hơgăt xă hloh 1000 ha. Kiơ\ kơ noh, tơdrong axong mơng teh mă blu\ng noh hăm kon pơlei kon kông, unh hnam hin dơnuh tơ\ dôm tơring. Tơchơ\t mă tơm kơ tơdrong jang âu noh vă xơđơ\ng vă xơđơ\ng tơmam xa, tơgop xut le# pơngot tơjur hin dơnuh tơ\ dôm tơring tơnap tap. Păng tơpă đơ\ng ro\ng kơ 5 xơnăm tơle\ch jang kiơ\ pơkăp âu, tơdrong erih kon pơlei tơ\ tơring xơđơ\ng hlôi tơgu\m ăn tơpôl tơ\ tơring xơlam gơh xơđơ\ng kơjăp hloh. ‘Nho\ng Phan Văn Đông, Tơgu\m jang găh hơvơn pơtho kon pơlei kơ lăm jang Ch^n tr^, lơ\m Anih jang 75 ăn tơbăt: “Trong pơkăp jang đơ\ng anih jang noh xut le# pơngot, tơjur hin dơnuh ăn kon pơlei lơ\m pơlei hăm trong axong mơng teh. Mă kăl noh 36 pơlei pơla tơ\ apu\ng Đức Cơ, bơngai Yuăn noh măh mai [iơ\ bơih, mă kăl noh tơgu\m ăn kon pơlei kon kông. Rim khul pơm jang, jang hadoi hăm rim pơlei pơla vă hơto\k mu\k drăm, vei xơđơ\ng tơpôl lơ\m tơring.”

            Axong ăn kon pơlei tơ\ tơring mơng teh tơ\ hơla tơm kơxu ‘nao pơtăm tơ ‘măl vă pơtăm ‘long pơm pơnăn xa jing minh tơdrong jang kăp g^t ‘mêm bơnat, kơlih hăp tơgu\m kon pơlei tơ\ tơring ke\ hơto\k mu\k drăm hiôk hloh, xơđơ\ng tơdrong erih. Atu\m hăm noh, tơdrong pơkăp jang duh tơgop kơhret tơbôl tơroh đơ\ng Binh đoàn 15 hăm kon pơlei tơ\ tơring xơlam teh găh tu Tây Nguyên.

Lan chih păng rapor