VOV4.Bahnar - Atu\m hăm Anih jang hơlen bri dôm dêh char tơring to\k bo\k păng Tây Nguyên, Anih jang hơlen bri tơring 4, vei hơlen hơgăt bri tih xă hloh kơ ja#p teh đak hăm je# 8 triu 730 rơbâu  ha. Dôm xơnăm kơ âu, gơnơm jang tơnăp tơdrong jang hadoi kiơ\ dôm trong pơkăp vei hơlen bri, noh tơdrong phă bri, tơgar io\k teh bri tơ\ tơring âu hlôi tơjur hơdăh. 

            Minh pơgê blu\ng pơyan phang tơ\ tơring dơnơm kơ Bri teh đak pơkăp vei hơlen Yok Đôn (dêh char Dak Lak), đei gre aloa rapor đơ\ng Anih jang hơlen bri tơring 4 hăm lơ kơmâu pa-nô, áp-phích, nơ\r chih tơbang... hlôi pơm ăn lơ kon pơlei Drang Phốc, xăh Krông Na, apu\ng xơlam Buôn Đôn măh chre\ng kơ măt. Tơring âu, mă lơ noh kon pơlei kon kông erih jang xa, tơguăt hăm khôi chă muih xoh jơmu\l pơtăm, rôp hơnguang kon bri brăh... noh tơdrong bơh [ơm mơ\t tơ\ bri đei [ôh lơ. Mă lei, yuơ anih jang kơpal hơnơ\ng pơtho tơroi, tơbăt  noh tơdrong tơnăp lơ\m vei hơlen bri kơ kon pơlei đei hơto\k. {ok Y Nô Huyn, Kơdră pơlei Drang Phốc, xăh Krông Na, apu\ng Buôn Đôn ăn tơbăt: "Găh kang [o# jang hơlen bri năm truh ho\k hôp kon pơlei, tơroi vă kon pơlei băt ne\ chă phă bri pơm mir, ne\ chă rôp hơnguang kon bri brăh. Lơ\m tơdrong jang hadoi chă hơlen, mih ma duch nă [ôh băt bơngai tơtông koh phă bri noh athei tơroi hloi ăn Anih jang hơlen bri, jang atu\m kơjăp vă rôp vei khul tơtông bri."

Đơ\ng blu\ng xơnăm truh dang ei, anih jang hlôi jang atu\m hăm  6/11 Anih hơlen bri tơ\ tơring to\k bo\k pơbăh păng Tây Nguyên, tơle\ch jang hadoi hơlen vei bri tơ\ dôm tơring đei lơ kon pơlei kon kông erih jang xa. Trong tơroi mă kăl noh hăm gre aloa rapor, ako\m ho\k hôp kon pơlei, axong hlak hla bar chih tơbang, pơgơ\r pơlong hơlen băt găh Kơluơ\t vei hơlen păng Hơto\k bri tơ\ dôm hnam trưng THPT dân tộc no#i tru\... {ok Lê Công Thành, Pho\ kơdră Anih jang kơxo# 3, lơ\m Anih jang hơlen bri tơring 4 ăn tơbăt: "Đơ\ng lơ ‘măngc hă tơroi tơbăt đơ\ng nhôn noh hlôi tơre\k truh mih ma duch nă tơ\ tơring ataih yaih băt vei hơlen bri. Kiơ\ đơ\ng noh đe ye\t hlôh vao găh trong pơkăp jang, dôm tơdrong ka#m kon pơlei jang hli pơrăm truh tơ\ bri; păng dôm tơdrong mă đei Đảng, teh đak tơgu\m pơkăp vei hơlen bri lơ\m pơlei pơla. Gơnơm đơ\ng noh, kon pơlei pơtơm băt vao hơdăh ơăng hơto\k hlôh vao hloh găh vei hơlen bri."

{ok Phạm Tuấn Linh, Pho\ kơdră Bri teh đak pơkăp vei hơlen Yok Đôn, dêh char Dak Lak ăn tơbăt, lơ\m dôm xơnăm kơ âu, anih jang hlôi đei Anih hơlen bri tơring 4 tơgu\m găh tơdrong jang vei bri, lơ\m noh tơdrong tơroi pơtho jing kăp g^t. Kiơ\ đơ\ng tơdrong tơroi pơtho hlôi tơgu\m ăn kon pơlei băt hơdăh hloh găh kơjă tih tên đơ\ng bri, đơ\ng noh vang jang tơnăp hloh lơ\m vei hơlen bri: "Đơ\ng blu\ng xơnăm truh dang ei, Anih jang vei bri tơring 4 hlôi tơgu\m ăn kơ nhôn 5 ‘măng, rim ‘măng đei 4 ‘nu jang păng gre năm jang hadoi hăm nhôn chă hơlen rim tơring bri, dôm anih mă hơnơ\ng đei đe tơtông bri tơroh hăm apu\ng Ea Súp - Dak Lak păng apu\ng }ư\ Ju\t - Dak Nông, kiơ\ đơ\ng noh tơgop kăp g^t vă tang găn dôm tơdrong phă bri."

Kiơ\ Anih jang hơlen bri tơring 4, đơ\ng blu\ng xơnăm truh dang ei, tơring pơbăh to\k bo\k păng Tây Nguyên đei je# 3.500 ‘măng phă bri, tơjur 440 ‘măng pơtêng hăm khei năr âu xơnăm 2016, mă lei hơgăt [ơm phă pơrăm noh to\k truh 350 ha, hơto\k hloh tong ane# pơtêng hăm khei năr âu xơnăm xơ\. Dak Nông, Bình Định, Quảng Ngãi, Lâm Đồng jing 4 dêh char đei phă bri lơ hloh. Lơ\m noh, Dak Nông [ơm phă hloh 245 ha; Bình Định, Quảng Ngãi, Lâm Đồng adoi đei lơ tơdrong phă bri tih, hăm hơgăt bri [ơm phă pơrăm đơ\ng 10 truh hloh 40 héc ta. Vă tang găn tơdrong âu, Anih hơlen bri tơring 4 gô jang tơnăp hăm dôm Anih hơlen bri, anih jang kơpal kơ rim tơring vă hơto\k hloh dơ\ng tơdrong vei bri. {ok Tô Xuân Đam, Pho\ kơdră Anih vei bri tơring 4 ăn tơbăt: "Anih hơlen bri tơring 4 atu\m hăm anih hơlen bri dôm dêh char janga tu\m pơih lăm ho\k ăn khul jang hơlen bri tơ\ dôm tơring ă vei hơlen bri, tang găn păng p^t unh xa bri. Lơ\m xơnăm âu ki, hlôi jang atu\m kơjăp rôp đei lơ tơdrong pơm yoch, pơtho ăn rim tơring pơtho hơvơn truh rim pơlei pơla jangtơnăp tơdrong jang vei bri, tang găn păng p^t unh xa bri, vă tang găn tơdrong pơm glăi truh tơ\ bri."

Hloh 3 xơnăm kơ âu, Anih jang vei bri tơring 4 hlôi pơih lơ lăm ho\k pơhrăm tơdrong jang, hăm pơhlom 600 kang [o# jang vei bri tơ\ dôm tơring năm ho\k, vă jang tơnăp tơdrong vei hơlen bri, tang găn păng p^t unh xa bri. Atu\m hăm noh, tơdrong tơroi pơtho đei hơto\k, noh kon pơlei erih tơje# bri hlôh vao hơdăh tơdrong kăp g^t đơ\ng vei hơlen bri. Hăm dôm trong jang âu, je# 9 triu ha bri lơ\m tơring to\k bo\k pơbăh păng Tây Nguyên gô đei vei xơđơ\ng păng ke\ hơto\k tơ iung hloh dơ\ng.

Lan chih păng rapor