VOV4.Bahnar – Apu\ng Cư Jut, de#h char Dak Nông khei ‘năr âu ki ling lang bơ ngơ\t tru\h pơ jing tơ drong hiôk tơ gu\m bơ ngai dơ nu\h hin, u\nh hnam đei tơ drong ar^h sa mơ mat tat, rim tơ drong hiôk hian vă hơ to\k tơ iung my\k drăm to\k klăih đơ\ng dơ nu\h hin lơ\m no\h đei tơ drong jang hơ vơn lơ kon jên vă man asong hnam oei ăn kơ u\nh hnam dơ nu\h hin, u\nh hnam vă je# dơ nu\h hin mơ mat tat găh hnam oei.

Tơ drong jang pơm hnam Tơ goăt 1 jơ hngơ\m đon asong ăn kơ hnam dơ nu\h hin to\k bo\k đei kơ dră đảng, kơ dră tơ ring păng Mặt trận tổ quốc Việt Nam kơ apu\ng Cư Jút ako\m bơ\ jang kiơ\ đei jơ nei ‘lơ\ng. Kiơ\ kơ ‘no\h,An^h jang Mặt trận tổ quốc Việt Nam apu\ng Cư Jút jing gơng pơ ro\h đơ\ng rim an^h jang mơ dro sa, rim bơ ngai đei jơ ngơ\m đon ‘mêm mơ mat hăm bơ ngai dơ nu\h. Hăm trong jang tơm [lep bơ ngai, tơ păt, rơ đăh, An^h jang Mặt trận Tổ quốc Việt Nam apu\ng Cư Jút hlôi jang ‘lơ\ng tơ drong krao hơ vơn ming man hnam Tơ goăt 1 jơ hngơ\m đon tơ gu\m jên mong yua kơ bơ ngai dơ nu\h hin. Jo# đơ\ng blu\ng sơ năm 2015 ding tru\h dang ei, An^h jang Mặt trận Tổ quốc Việt Nam apu\ng Cư Jút hlôi hơ vơn đơ\ng rim bơ ngai đei jơ hngơ\m đon ‘mêm mơ nat man ‘nao đei 5 to\ hnam Tơ goăt  1 jơ hngơ\m đon asong ăn kơ bơ ngai dơ nu\h hin.

{ok Y Đêng Niê – Pho\ kơ dră An^h jang Mặt trận tổ quốc Việt Nam apu\ng Cư Jút, de#h char Dak Nông tơ roi tơ băt:

“Khei ‘năr âu ki hăm tơ drong che\p kơ\l pơ gơ\r đơ\ng an^h jang đảng apu\ng kơ an^h jang Mặt trận tổ quốc Việt Nam apu\ng Cư Jút pơ gơ\r tơ le\ch jang man hnam Tơ goăt 1 jơ hngơ\m đon kơ ku\h chơt hơ iă Hop ako\m Đảng apu\ng ‘măng mă 6, dang ei nhôn hlôi tơ le\ch jang pơm 6 to\ hnam đei kơ jă 1 pôm hnam 35 triệu hlak jên tơ\ xăh Nam Dong, thị trấn Tâm Thắng”

Mo\ Nông Thị Ương 1 u\nh hnam dơ nu\h hin tơ\ thôn 9, xăh Nam Dong, apu\ng Cư Jút, de#h char Dak Nông, tơ roi: Klo lôch hro#ih, kơ d^h kâu ‘no\h đei j^ dơ\ng, pă ke\ bơ\ jang, kon oei ‘lơ\p, hnam lăp răp gô lơ\m 7 sao te\h pơ tăm bơ\n [a [um hơ [o kơ na io\k yua rim sơ năm ư\h kơ măh hơ met ăn tơ drong ar^h sa, tơ drong mơ mat, tơ drong dơ nu\h hin no\ng kơ dru\h kiơ\ hơ nơ\ng. ‘Nao âu, mo\  Nông Thị Ương đei asong hnam Tơ goăt 1 jơ hngơ\m đon. Mo\ tôch kơ chhôk hơ iă yua kơ đơ\ng dang ei đei hnam kơ jăp, rơ hơi, ư\h pă đei hiăh hiok, hngăt bơ\ih:   

“ Tơ drong ar^h sa u\nh hnam ^nh tôch kơ mơ mat tat, klo lôch hro#ih, kon oei ‘lơ\p, rim sơ năm io\k yua ư\h kơ sơ đơ\ng, ^nh ap^nh pơ tru\h nơ\r bơ nê kơ apu\ng hlôi ăn kơ ^nh hnam ‘nâu”.

Kiơ\ kơ [ok Y Đêng Niê – Pho\ kơ dră an^h jang Măt trận tổ quốc Việt Nam apu\ng Cư Jút, an^h jang to\k bo\k hơ drin jang hơ dai hăm an^h jang kơ pal, khu\l gru\p tơ pôl, rim xăh, thị trấn tru\h tơ\ rim tơ ring kon pơ lei oei krao hơ vơn kon pơ lei kiơ\ lơ\m jơ hngơ\m đon ‘mêm kơ eng, vang tơ gu\m bơ ngai dơ nu\h hin, vang tơ gop tơ gu\m Jên mong yua kơ bơ ngai dơ nu\h hin păng man hnam Tơ goăt 1 jơ hngơ\m đon asong ăn kơ u\nh hnam dơ nu\h hin mơ mat tat găh hnam oei.  

Vă pơ jing đei tơ drong drơ\ng lăp An^h jang Mặt trận tổ quốc Việt Nam apu\ng Cư Jút hlôi pơ gơ\r mặt trận Tổ quốc xăh, thị trấn athei tơ roi tơ băt rơ đăh lơ\m tơ drong io\k yua jên mong, mă loi ‘no\h io\k yua jên mong [lep tơ drong, [lep bơ ngai.

Kiơ\ trong tơ le\ch jang đơ\ng dang ei tru\h đ^ sơ năm 2015, An^h jang Mặt trận tổ quốc Việt Nam apu\ng gô hơ nơ\ng jang hơ dai hăm khu\l kơ dră rim xăh thị trấn, man dơ\ng 8 to\ hnam Tơ goăt 1 jơ hngơ\m đon asong ăn kơ u\nh hnam dơ nu\h hin hăm kon jên mong yua kơ bơ ngai dơ nu\h hin.

{ok Y Đêng Niê - Pho\ kơ dră an^h jang Măt trận tổ quốc Việt Nam apu\ng Cư Jút, de#h char Dak Nông tơ roi tơ băt dơ\ng:

“ Hơ drin tru\h hơ tuch sơ năm 2015, 1 xăh, thị trấn man đei to\ se\t hlo\h 8 to\ hnam hlôi oei lơ\m trong tơ le\ch vă jang”.

Hăm tơ drong bơ ngơ\t tru\h đơ\ng rim kơ dră đảng, khu\l kơ dră rim tơ ring păng tơ drong jang hơ dai kơ jăp đơ\ng rim an^h jang, khu\l gru\p, khei ‘năr tru\h gô đei dơ\ng lơ hnam Tơ goăt 1 jơ hngơ\m đon vă tơ gu\m ăn kơ dôm u\nh hnam dơ nu\h hin mơ mat tat de#h hlo\h đei an^h oei sa sơ đơ\ng, pơ jing tơ drong ‘lơ\ng tơ gu\m đe sư hơ drin yak hlo\h lơ\m tơ drong ar^h sa.

Thuem tơ blơ\