VOV4.Bahnar - Tơ\ pơ lei tơm Đà Lạt (Lâm Đồng) ‘nao pơ gơ\r Hop ako\m hơ len năng tơ drong jang kiơ\ Luơ\t Hơp tak xăh (HTX) 2012 lơ\m tơ drong cho\h jang xa tơ ring Tây Nguyên tơ ring tơ ter đak dơ s^ găh Pơ băh tơ ring To\k bo\k. Hop ako\m yoa Phó Thủ tướng Vương Đình Huệ, Kơ dră An^h pơ gơ\r jang tơ plih ‘nao, ato\k tơ iung mu\k drăm atu\m pơ gơ\r, hăm tơ drong vang ako\m đơ\ng bơ ngai tang măt dôm an^h tơm, an^h jang kơ pal kơ Trung ương, khul kơ dră tơ ring, dôm HTX păng an^h te\ch mơ dro.

Kiơ\ hla ar tơ roi lơ\m Hop ako\m, hlo\h 4 sơ năm bơ\ jang kiơ\ luơ\t HTX, dôm HTX jang găh tơ drong cho\h jang xa tơ\ tơ ring Tây nguyên păng tơ ring tơ ter đak dơ s^ găh Pơ băh Tơ ring To\k bo\k đei lơ tơ drong tơ plih ‘lơ\ng, mă loi j^ dôm HTX chăl ‘nao, pơm lăp hăm tơ drong ‘me\h hơ met ming tơ drong cho\h jang xa păng pơ jing tơ ring tơ rang ‘nao. Lơ\m no\h, lơ HTX tơ mât yoa ki thuơ\t, kơmăy kơ mo\k ‘nao lơ\m tơ drong cho\h jang xa, kơ măy ‘măn răk tơ mam, atu\m hăm ‘no\h năng kăl tơ drong jang xa tơ klep hăm dôm tơ mam drăm tơm tơ\ tơ ring, bơ\ jang kiơ\ trong jang hơ doi, pơih xă an^h te\ch mơ dro tơ mam, hơ to\k tơ drong đei yoa đơ\ng HTX.

Hop ako\m HTX tơ\ Lâm Đồng

Mă tơ pă jang kiơ\ Luơ\t HTX sơ năm 2012 ku\m oei [ôh lơ tơ drongmơ mat tat, ưh kơ ‘lơ\ng, ‘no\h j^: dôm hla ar vă pơ jing HTX oei lơ, hla ar pơ tho jang kiơ\ oei tam rơ đăh, hơ găt găh tơ drong pơ truh tơ mam, pơ vih pơ văn ăn tơ moi ưh đei jang lơ\m HTX tam mă lăp, găn trong jang xa, tam đei nơ\r hơ găt găh kơ so# jên păng trong pơm hla ar tơ gu\m tơ mât jên jang ato\k tơ iung an^h jang, trong nơ năm ăn HTX choh jang xa. Mă loi, lơ HTX oei ưh kơ măh jên vă jang xa, te\ch mơ dro, ưh tam io\k đei nơ\r roi tơ [ôh đơ\ng kăn [o# ki thuơ\t păng tơ drong vei lăng jang xa oei tam mă pơm lăp hăm ‘me\h vă... ‘Nâu j^ dôm tơ drong găn trong tih pơm ăn tơ drong jang kiơ\ Luơ\t HTX sơ năm 2012 tơ\ tơ ring Tây nguyên păng tơ ring tơ ter đak dơ s^ găh Pơ băh Tơ ring To\k bo\k tam mă đei yoa ‘lơ\ng.

Vă hơ met pơ ‘lơ\ng dôm tơ drong mơ mat tat, ưh kơ lăp, Hop ako\m ‘măn jơ pơ ma nuh, tơ blang păng tơ le\ch lơ trong jang. Kiơ\ [ok Trần Châu, Pho\ Kơ dră vei lăng kon pơ lei dêh char Bình Định, ‘ngoăih kơ jên to\k io\k, tơ drong mơ mat hlo\h hrei ‘nâu đơ\ng dôm HTX ‘no\h j^ te\h vă jang ato\k tơ iung: “Gơ\h pơ ma đeơ\ng đei trong jang tơ plih ‘nao kiơ\ Luơ\t HTX, tơ drong mơ mat hlo\h đơ\ng dôm HTX j^ tơ drong te\h. Pơ ma truh tơ\ te\h cho\h jang xa ‘no\h pơ truh tơ\ yơ tơ\ no\h athei thuê ngăl, kơ na vă pơih xă tơ drong jang xa đơ\ng dôm HTX tơ [âp lơ tơ drong mơ mat tat. Yoa thoi no\h, nhôn ap^nh Khul kơ dră te\h đak athei đei trong tơ gu\m ăn dôm HTX cho\h jang xa pơih xă hơ găt te\h, athei đei trong tơ gu\m atu\m vă tơ gu\m te\h ăn HTX”. {ok Trần Châu akhan thoi no\h.

Pơ ma lơ\m hop ako\m, Phó Thủ tướng Vương Đình Huệ pơ ma tơ păt, tơ drong ato\k tơ iung HTX păng trong jang hơ doi tơ\ tơ ring Tây Nguyên păng tơ ring tơ ter đak dơ s^ găh Tơ ring To\k bo\k oei đei lơ tơ drong tam mă ‘lơ\ng, kơ so# HTX jang đei lăp to\ se\t đe\ch pơ têng hăm kơ so# jo# atu\m lơ\m te\h đak. Kơ so# HTX lơ\m tơ ring lăp đei 11,8% pơ têng hăm kơ so# HTX lơ\m te\h đak, lơ\m no\h lăp đei 16,5% HTX jang hơ doi hăm an^h te\ch mơ dro, 1/3 tơ mam jang đei te\ch kiơ\ bơ ngai pơ dro, hăm kơ jă te\ch reh hlo\h 2/3 pơ têng hăm te\ch mơ dro tơ\ ‘ngoăih.

Yoa thoi no\h, vă tưk tơ iung HTX chăl ‘nao jang to\k athei hơ to\k tơ drong tơ roi tơ băt, hơ to\k đon hlôh vao ăn rim an^h jang chinh tr^, kăn [o#, đảng viên păng kon pơ lei găh an^h dơ\ng, tơ drong jang đơ\ng HTX chăl ‘nao. Tơ drong nai dơ\ng, tơ drong tơ iung, hơ met kơ jăp khul bơ ngai jang vă bơ\ jang đei yoa ‘lơ\ng tơ drong hơ met ming cho\h jang xa athei năng kăl ‘năi. Phó Thủ tướng Vương Đình Huệ tơ tă ăn kăn [o#, an^h jang kơ pal păng tơ ring tơ rang athei ako\m jơ hngâm sek tơ lang dôm tơ drong ưh ‘lơ\ng, tơ drong tơ hlăk tăk mưh bơ\ jang kiơ\ Luơ\t HTX, sek tơ lang ke\h dôm HTX chih măt tơ plih ‘nao păng dôm HTX hlôi pơ dơ\h jang vă ‘măn an^h ăn dôm HTX chăl ‘nao, đei pơ jing:

“Inh athei dôm dêh char, dôm an^h jang kơ pal ako\m jơ hngâm sek tơ lang vă jang ato\k tơ iung HTX kiơ\ 2 tơ drong tih, adrin hơ met pơ ‘lơ\ng dôm tơ drong tơ hlăk tăk, mơ mat tat: mă 1 j^ tơ drong to\k io\k jên păng te\h jang xa; mă 2 j^ hơ to\k tơ drong vei lăng tơ\ dôm HTX, ako\m ăn tơ drong pơ tho pơ hrăm kăn [o#.  Atu\m hăm ‘no\h, hơ nơ\ng hơ met pơ ‘lơ\ng trong tơ gu\m păng dôm hla ar pơ tho jang kiơ\ Luơ\t HTX, chă dăr hơ len năng vă tơ le\ch hla ar pơ tho jang kiơ\ luơ\t HTX hrei ‘nâi mă lăp [iơ\. Đang kơ ‘no\h hơ nơ\ng pơ tho tơ [ôh trong jang, pơm hla ar tơ plih HTX jing khul gru\p jang xa nai; athei tơ le\ch dơ\ng tơ drong tơ gu\m ‘măn răk tơmam jang đei, tơ mât yoa kơ măy kơ mo\k ‘nao, pơm kiơ\ dôm nơ\r hơ găt rơ go\h ‘lơ\ng tơ mam xa lơ\m Luơ\t HTX. ”

Phó Thủ tướng Vương Đình Huệ oei pơ tho ăn dôm an^h jang kơ pal păng tơ ring tơ rang hơ to\k hlo\h dơ\ng tơ drong vei lăng te\h đak, mă loi tưk tơ iung hơ năp jang vei lăng đơ\ng An^h pơ gơ\r jang mu\k drăm atu\m păng HTX tơ\ tơ ring vă pơ jing đei hơ yak to\k pran ‘lơ\ng ăn tơ drong jang ato\k tơ iung mu\k drăm atu\m păng HTX tơ\ hơ năp kơnh.

Quang Sáng: Chih

Dơ\ng: Tơ blơ\