VOV4.Bahnar - Đơ\ng ‘năr 01/07/2001, tơ drong tơ roi pơ ma nơ\r K’ho đei pơih lơ\m Radio nơ\r pơ ma Việt Nam tơ\ tơ ring Tây Nguyên. 17 sơ năm âu ki, tơ drong tơ roi đei lơ kon pơ lei mơ\ng păng tơ gop lơ nơ\r tôch hơ iă, tơ gu\m ăn dôm bơ ngai jang lơ\m tơ drong tơ roi pơ ma nơ\r K’ho đei đon adrin hlo\h dơ\ng vă jang ‘lơ\ng tơ drong tơ roi tơ băt dôm trong jang đơ\ng Đảng, te\h đak truh hăm kon pơ lei. Lơ\m ‘măng tơ [âp bơ ngai mơ\ng bro\ ‘nao âu, bơ ngai chih hơ met Lơ Mu K’Yến tơ [âp, pơ ma nuh, chih io\k lơ nơ\r pơ ma đơ\ng bơ ngai mơ\ng bro\ tơ gop ăn tơ drong tơ roi nơ\r K’ho kơ Radio nơ\r pơ ma Việt Nam.

{ok Lơ Mu Ha Thiêng, tơ\ thôn 1, xăh Lộc Phú, apu\ng Bảo Lâm, dêh char Lâm Đồng, tơ roi, [ok băt hơ dăh jơ pơih tơ drong tơ roi nơ\r K’ho đơ\ng n^h radio nơ\r pơ ma Việt Nam tơ\ Tây Nguyên. Hơ dai hăm răp mơ\ng tơ drong kơ tơ\ng ang, [ok oei tôch ‘me\h mơ\ng tơ drong hơ ri, tơ drong tơ roi hơ ‘mon dơ\ng. Hơ nơ\ng che\p ba bro\ ie\, 1 ‘nu boăl juăt ưh đei tơ ple\h rim năr, [ok Lơ Mu Ha Thiêng ăn tơ băt:

“Đai oei pơih tơ drong kơ tơ\ng ang hăm nơ\r K’ho yoa Lơ Mu K’Yến păng Ndong Brawl pơ re… Inh tôch ‘me\h mơ\ng tơ drong kơ tơ\ng ang, mă j^ tơ drong hơ ri kơ hơ dre\ch nhôn, hơ pơi ‘me\h tơ drong tơ roi pơih mă đunh [iơ\, mă loi j^ năr pơ\h. ‘Ngoăih kơ tơ drong kơ tơ\ng ang, tơ drong tơ roi yak hơ doi hăm kon pơ lei cho\h jang xa, ‘no\h athei tơ roi mă lơ [iơ\ găh tơ drong jo\h ayo\ kơ do\ xoang, pơih lơ [ai hơ ri păng tơ drong tơ roi hơ ‘mon nhen tòng bơr, hơ ri tam pơt, hơ ri mă tôch, mă loi j^ hăm [ai hơ ri tam pơt kơ bơ ngai Mạ… Inh hơ pơi ‘me\h Đai chih ako\m lơ tơ drong hơ ‘mon kơ bơ ngai Mạ vă tơ roi lơ\m bro\.”

Hăm [ok Liêng Hót Ha Siêng, tơ\ plei Srê Đăng, xăh N’Thol Hạ, apu\ng Đức Trọng, dêh char Lâm Đồng, tơ drong tơ roi hăm nơ\r K’ho tơ gu\m ăn [ok roi hlôh vao [iơ\ trong vei rong ‘long pơ tăm, trong vei lăng jơ hngâm pran, tơ drong kơ tơ\ng ang tơ\ jơ\p tơ ring, mă loi j^ găh dôm hơ dre\ch kon kông lơ\m hơ dre\ch hơ drung Việt Nam:

“Mơ\ng radio nơ\r pơ ma Việt Nam hăm nơ\r K’ho inh băt lơ tơ drong tôch đei yoa. Ngôi 1 [ôt mă lei kiơ\ đơ\ng mơ\ng bro\ inh băt truh lơ hơ dre\ch ‘nho\ng o\h nai arih xa lơ\m te\h đak Việt Nam bơ\n, kiơ\ đơ\ng no\h vă tơ guăt pôm [ơ\r đon hlo\h dơ\ng lơ\m tơ drong arih ku\m nhen tơ gu\m băl lơ\m tơ drong jang xa, vă te\h đak roi đunh roi ‘lơ\ng ro\.”

Oei hăm yă Lơ Mu K’Jai, tơ\ plei Srê Đăng, xăh N’Thol Hạ, apu\ng Đức Trọng, dêh char Lâm Đồng, ưh đei ôn tơ drong hơ iă mưh đei tơ [âp dôm bơ ngai jang lơ\m tơ drong tơ roi pơ ma nơ\r K’ho kơ tă tơ\ pơ lei:

 “Hơ iă dêh, inh mơ\ng păng băt truh tơ drong tơ roi hăm nơ\r K’ho đơ\ng Radio nơ\r pơ ma Việt Nam, mơ\ng tôch hơ iă, mă loi j^ tơ drong kơ tơ\ng ang, hơ ri tòng bơr, tơ roi hơ ‘mon, pơ tho trong jang xa..”.

Tơ drong hơ iă ‘no\h kon pơ lei bơ ngai Mạ tơ\ dôm tơ ring ju\m dăr kơ dêh char Lâm Đồng ku\m mơ\ng păng hlôh vao dôm tơ drong tơ roi hăm nơ\r K’ho đơ\ng Radio nơ\r pơ ma Việt Nam:

“Inh j^ K’Lôi, oei tơ\ xăh Quảng Khê, apu\ng Dak Glong, dêh char Dak Nông. Tơ ring nhôn oei đei pơih tơ drong tơ roi đơ\ng đai apu\ng, dêh char păng mơ\ng tơ drong tơ roi hăm nơ\r K’ho đơ\ng Radio nơ\r pơ ma Việt Nam hai. Dang ei, kiơ\ đơ\ng Radio nơ\r pơ ma Việt Nam inh hơ pơi ‘me\h Đảng, Te\h đak pơih tơ drong tơ roi hăm nơ\r Mạ, vă jơ hnơr mơ lôh chă mơ\ng, băt vao lơ trong jang đơ\ng Đảng, khôi luơ\t te\h đak. Hơ pơi ‘me\h Radio pơih lơ tơ drong hơ ‘mon, hơ ri kră sơ\, mă ưh ‘no\h [ai tôn ch^ng, te\h hơ gơ\r kơ hơ dre\ch hơ drung nhôn, mă loi j^ tơ drong hơ ri vă pơ tho ăn kon sâu đơ\ng ro\ng.”

Tơ drong tơ roi hăm nơ\r K’ho đơ\ng Radio nơ\r pơ ma Việt Nam đei pơih đơ\ng ‘năr 01/07/2001, truh dang ei tơ\l 17 sơ năm. Tơ drong ‘mêm băt, hưch hanh đơ\ng bôl boăl mơ\ng bro\ tơ\ pơ lei pơ la nhen thoi tơ iung dơ\ng jơ hngâm ‘nă hal ăn dôm bơ ngai chih tơ blơ\, pơ re nơ\r vă adrin bơ\ jang, pơ răm dơ\ng nơ\r pơ ma, vă tơ drong tơ roi roi đunh roi hơ iă hlo\h dơ\ng. K’Brọp, Pho\ kơ dră vei lăng An^h pơ re nơ\r kon kông, pơm hloi bơ ngai vei lăng khul jang lơ\m tơ drong tơ roi hăm nơ\r K’ho pơ ma:

“Inh tôch hơ iă j^ 1 lơ\m dôm ‘nu ‘nho\ng o\h jang lơ\m tơ drong tơ roi nơ\r K’ho đơ\ng Radio nơ\r pơ ma Việt Nam tơ\ Tây Nguyên. Tơ\l 17 sơ năm âu ki, nhôn io\k đei lơ nơ\r tơ gop g^t kăl đơ\ng bơ ngai mơ\ng bro\ [ơm truh nơ\r pơ re, chư chih vă lăp hăm tơ drong pơ ma xa kơ hơ dre\ch nhôn… Rim bơ ngai hơ pơi ‘me\h tơ drong tơ roi nơ\r K’ho mơ\ng roi đunh roi [ôh hlôh. ‘No\h j^ nơ\r pơ lung vă nhôn jang ‘lơ\ng hlo\h dơ\ng, tơ blơ\ [ônh hlôh hlo\h dơ\ng, pơ ma ‘moi kiơ\ nơ\r kon pơ lei, vei kơ jăp tơ drong juăt hơ ri hơ xoang đơ\ng sơ\ păng che\p vei ‘lơ\ng nơ\r pơ ma K’ho. Dôm bơ ngai jang lơ\m tơ drong tơ roi nơ\r K’ho vă adrin hlo\h dơ\ng vă gơ\h jing buăl juăt tôch tơ găl hăm bơ ngai mơ\ng bro\, ‘no\h j^ kon pơ lei K’ho bơ\n”.

            Lơ Mu K’Yến: Chih

Dơ\ng: Tơ blơ\