VOV4.Bahnar – ‘Măng hop ako\m mă 2, Kuo#k ho#i jăl 14 đei pơ gơ\r tơ\ Hà Nội. Hăm dôm ‘măng tơ [âp bơ ngai tăh hla adrol kơ hop ako\m, bơ ngai tăh hla Tây Nguyên chă pơ ma truh lơ tơ drong oei tơ to\ lơ\m te\h đak, nhen tơ drong jang ato\k tơ iung mu\k drăm tơ pôl, vei sơ đơ\ng mu\k drăm lơ\m te\h đak, kơ jă tơ mam đơ\ng cho\h jang xa, pơm lăp găh tơ drong ‘me\h vă ho\k pơ hrăm păng chă tơ drong jang ăn kon hơ ‘lơ\p ‘nao ho\k đang… Kiơ\ đơ\ng răp mơ\ng, lăng ‘măng hop ako\m lơ\m radio, tivi, bơ ngai tăh hla dôm dêh char Tây Nguyên tơ [ôh đon hơ pơi Kuo#k ho#i, Khul kơ dră te\h đak đei lơ trong jang mă ‘lơ\ng [iơ\ vă ato\k tơ iung mu\k drăm tơ pôl, pơm hơ to\k tơ drong erih xa ăn kon pơ lei.

Rim năr chă mơ\ng lăng ‘măng hop ako\m mă 2, Kuo#k ho#i jăl 14 hăm radio, tivi, bơngai tăh hla Lê Khôi Nguyên oe\i tơ\ phương Tân Lập, pơ lei tơm Buôn Ma Thuột, dêh char Dak Lak ăn tơ băt, [ok tôch tơ re\k tru\h tơ drong chih pơ jing khôi luơ\t. Kiơ\ kơ [ok, tơ drong chih tơle\ch hla ar khôi luơ\t kăl lăng tru\h lăng tơ\ anăp kơnh, mă kăl ‘no\h khe\i ‘năr jang kiơ\ luơ\t đơ\ng ro\ng tơ le\ch, ve\h ver tơ drong khôi luơ\t đei tơ le\ch ư\h kơ tro\ hăm yan au dăh mă ‘nao chih tơ le\ch mă le\i tă vă hơ met ming dơ\ng.

{ok Lê Khôi Nguyên pơma: “&nh lăng tru\h rim khôi luơ\t kơ yuơ dôm tơ drong tơ chơ\t kơ luơ\t ‘no\h j^ tơ drong tơm, tơ drong kăl vă che\p kơ\l pơ gơ\r te\h đak, vă ve\i lăng năng tông tơ pôl. Kơ yuơ lơ lo\h, đ^ đăng khôi luơ\t mă đơ\ng hlôi tơ le\ch ăn kon pơ lei băt, kon pơ lei vang tơ gop nơ\r bơih ră mă le\i kăl kơ lăng tru\h tơ drong tơ\ anăp kơnh, khôi luơ\t ‘no\h đei yoa lơ\m dôm sơ năm păng dôm sơ năm đơ\ng ro\ng athei chih hơ met ming”.

Đơ\ng răp mơ\ng hla ar tơ roi đơ\ng Thủ tướng te\h đak tơ\ hơ năp Kuo#k ho#i găh tơ drong jang ato\k tơ iung mu\k drăm tơ pôl, bơ ngai tăh hla Vi Hoa Lư, tơ\ tô 2, phường Nghĩa Tân, th^ xăh Gia Nghĩa, dêh char Daknông hơ pơi ‘me\h: Khul kơ dră te\h đak athei che\p kơ\l kơ tang hlo\h dơ\ng hăm tơ drong jang vei lăng bri, vă găn [iơ\ dôm tơ drong răm đơ\ng hơ yuh plenh te\h tơ plih:

 “Thủ tướng Nguyễn Xuân Phúc tơ roi dôm tơ drong jang đei tơ\ hơ năp Kuo#k ho#i, sơ năm âu ki te\h đak đei lơ tơ drong răm đơ\ng to\ phang, đak [o\h mât, tơ je# âu ‘no\h ‘mi tih đak lơ\p tơ\ 4 dêh char tơ ring To\k bo\k. Mă đơ\ng đei lơ tơ drong mơ mat thoi no\h ră mă lei Khul kơ dră te\h đak hlôi che\p kơ\l pơ gơ\r, bơ\ jang pran kơ tang, nơ\r pơ ma năm hơ doi hăm bơ\ jang. Hăm dêh char Daknông ‘no\h hơ pơi ‘me\h Khul kơ dră te\h đak đei trong jang mă tơ păt ‘năi, ưh ăn đei tơ drong ko\h phă bri, athei vei kơ jăp bri ‘long, inh [ôh dôm sơ năm tơ je# âu ko\h phă bri đei tơ\ lơ tơ ring. Sơ năm 2016, Thủ tướng Nguyễn Xuân phúc đei nơ\r pơ tho kơ tang ưh ăn đei tơ drong ko\h phă bri...” Bơ ngai tăh hla Vi Hoa Lư pơ ma thoi no\h.

Oei bơ ngai tăh hla Nguyễn Khắc Huệ, Kơ dră vei lăng Khul linh so phương Lê Lợi, pơ lei tơm Kontum tơ che\ng ‘lơ\ng tơ drong pơ gơ\r jang đơ\ng Khul kơ dră te\h đak, atu\m hăm ‘no\h tơ [ôh đon hơ pơi Kuo#k ho#i, Khul kơ dră te\h đak đei trong jang tơ gu\m ăn kon pơ lei kon kông tơ\ dôm tơ ring mơ mat tat lơ\m dêh char pơm hơ to\k tơ drong etrih xa.

Bơ ngai tăh hla Nguyễn Khắc Huệ pơ ma: “Inh [ôh Thủ tướng te\h đak pơ gơ\r jang tôch kơ tang găh jang to\k mu\k drăm. Mă đơ\ng tơ drong jang to\k mu\k drăm lơ\m te\h đak oei hiơ\ ră mă lei Khul kơ dră te\h đak hlôi bơ\ jang tôch tơ năp. Inh [ôh ‘nâu j^ tơ drong tôch hơ iă. Mă lei tơ drong erih xa kơ kon pơ lei, mă loi j^ kon pơ lei kon kông oei mơ mat dêh. Bơ ngai tăh hla nhôn hơ pơi ‘me\h Kuo#k ho#i hăm tơ drong jang dăr lăng, pơ gơ\r jang đơ\ng Khul kơ dră te\h đak ‘no\h athei tơ le\ch đei trong tơ gu\m ăn kon pơ lei kon kông, mă loi j^ tơ\ dôm tơ ring mơ mat tat đei tơ drong erih xa ‘lơ\ng [iơ\”.

Hăm lơ tơ drong kăl tơ\ tơ ring, lơ\m dôm ‘măng tơ [âp adrol kơ Hop ako\m mă 2, Kuo#k ho#i jăl 14, bơ ngai tăh hla tơ\ apu\ng Cư Mgar, dêh char Dak Lak, tơ roi truh lơ tơ drong ưh hơ iă nhen: Lơ jăl trong tơ\ Trong gre 14 pơm kle\ch tơ ring pơm kơ ne# truh tơ\ pơ nang đak ro, pơm ăn đak lơ\p mưh đei ‘mi tih. Tơ drong hru\ ‘mong mưh chưk pơ ‘ngoăih te\h vă pơm trong ver th^ xăh Buôn Hồ tam mă lăp. Tơ drong [ơk the [ao hiêm y te# ăn dôm u\nh hnam te\h đak tơ gu\m oei hiơ\. Lơ hnam trưng so so\ch, lăm ho\k ưh kơ măh, oei kơ so# ho\k tro ‘no\h to\k hre\nh.

Yă Trần Thị Bạch Yến, bơ ngai tăh hla tơ\ xăh Cuôr Đăng, apu\ng Cư Mgar đei nơ\r pơ ma: “Vă vei kơ jăp đei tơ drong pơ tho pơ hrăm tơ\ jơ\p tơ ring, pơ jing tơ drong ‘lơ\ng ăn đ^ đăng hơ io\h đei năm ho\k ngăl, mă loi j^ hăm đe ho\k tro kon kông, te\h đak athei đei dơ\ng tơ drong tơ gu\m ăn đe o\h. Mă 2 ‘no\h tơ re\k truh tơ mam drăm, lăm ho\k, tơ mam pơ tho ho\k vă sơng đei o\h năm ho\k păng pơm ‘lơ\ng hăm trong jang đơ\ng Đảng, te\h đak găh tơ plih ‘nao tôm tơ drong lơ\m tơ drong pơ tho pơ hrăm.”

            Bơ ngai tăh hla oei pơ ma truh tơ drong bơ\ jang kiơ\ nơ\r pơ tho đơ\ng Thủ tướng te\h đak găh tơ drong vei lăng gre ko\ng no\ng kơ dâu tơ\ trong, kăl đei trong jang păng tơ drong tơ gu\m mă lăp, mă loi hăm kon pơ lei kon kông.

Bơ ngai tăh hlai Y Lý Niê, tơ\ xăh  Ea Drơng, apu\ng Cư Mgar, dêh char Dak Lak, đei nơ\r pơ ma: “Inh hơ pơi đei trong jang mă rơ đăh mưh vei lăng dôm kơ loăi gre ‘nâu. Hơ dai hăm tơ drong chih pơ jing luơ\t ‘no\h athei đei hla ar pơ tho tơ [ôh ăn dôm bơ ngai huơ\r gre ‘nâu, mă lăp hăm tơ drong hlôh vao đơ\ng kon pơ lei kon kông tơ\ âu. Tơ drong nai dơ\ng, jên năm ho\k athei tơ jur tôch ai păng athei ăn khul pơ tho jur pơ tho tơ\ tơ ring. Tơ dăh đei hla ar pơ tho lăp păng jên ho\k to\ se\t ‘no\h ưh jor đei lơ kon pơ lei năm ho\k vă io\k [ăng gre ko\ng no\ng păng đei đon hlôh vao mưh hao gre kơ dâu tơ\ trong, vă pơm tơ jur [iơ\ tơ drong tâm pre\h băl tơ\ trong nơ năm”.

VOV Tây Nguyên

Dơ\ng: Tơ blơ\