VOV4.Bahnar - Vă tơgăl ăn tơdrong ‘me\h vă ato\k tơ iung kơ tơpôl, đơ\ng khei blu\ng sơnăm au, Khu\l kơdră Te\h đak hlôi pơgơ\r io\k nơ\r tơgop đơ\ng kon pơle\i găh Tơdrong vă pơ jing Khôi luơ\t tơm Dân sự (hơmet ming). Đơ\ng tơdrong tơpă yan au lơ\m er^h sa tơpôl tơring, bơngai tah hla dêh char Dak Lăk hlôi tơgop lơ nơ\r ăn Tơdrong vă pơ jing Khôi luơ\t tơm au.

Tơ\ groi te\h juăt pơ tăm ‘long che\h phe păng lơ kơ loăi ‘long kăp g^t nai âu, kon pơ lei kăl đei lơ kon jên vă jang xa. Hơ dai hăm tơ drong to\k io\k jên đơ\ng dôm an^h mong jên, lơ bơ ngai oei to\k io\k jên đơ\ng ‘ngoăih, đơ\ng an^h te\ch mơ dro vă vei rong ‘long pơ tăm, gô truh pơ yan phe\ ‘no\h kla tôm jên kon hăm jên tơm hloi (kla hăm che\h phe, tiu…). Tơ drong to\k io\k jên tơ\ ‘ngoăih thoi âu [ônh, tôch hiôk, mă lei kon pơ lei lai yơ ku\m pu\ hiong răm, yoa jên kon tôch lơ, mă ưh ‘no\h đe pơ joă athei kăt kơ jă, te\ch re\h vă kla jên hre. Hơ met ming tơ drong ‘nâu, lơ\m luât dân sự oei chih hơ met ming chih hơ dăh, jên kon yoa dôm pang drơ\ng nơ\r ưh gơ\h lơ hlo\h 200% jên kon yoa An^h mong jên te\h đak tơ le\ch hăm tơ drong to\k io\k jên thoi âu. Bơ ngai tăh kơ ph^u Nguyễn Hoàng Diệu, tơ\ phường Thắng Lợi, pơ lei tơm Buôn Ma Thuột, akhan, tơ plih kơ ‘no\h, Luât athei chih mă hơ dăh jên kon dôm yơ vă dôm pang băt hloi đơ\ng blu\ng păng pơm kiơ\ [ônh tơ\ yă âu: “ Inh [ôh tơ pă tơ\ yăn âu hrei ‘nâu, tơ drong to\k io\k jên tơ\ ‘ngoăih đei nơ\r pơ kăp găh jên kon lơ [iơ\. Jên kon tơ\ an^h mong jên sư đei jur to\k, mă lei, bơ\n gơ\h chih pơ kăp tôch hơ dăh, pơ tih gia jên kon 200% kiơ\ hla ar pơ kăp, ‘no\h tơ drong pơm kiơ\ gô tơ păt ‘lơ\ng [iơ\.”

Tơ\ Dak Lak păng Tây Nguyên dôm sơ năm âu ki hơ nơ\ng đei tơ drong dôm an^h te\ch mơ dro che\h phe io\k vei che\h phe kon pơ lei gơih đơ\ng ro\ng kơ ‘no\h pơma akhan jang xa lôh, ưh ke\ kla jên hre. Pơm ăn kon pơ lei hiong đ^ jên, oei lu tơ ‘ngla an^h te\ch mơ dro ‘no\h pơ jao ăn kơ tum kơ to\ng ‘nho\ng o\h io\k anăn pơm hla ar hnam, te\h, gre… Vă găn tơ drong ‘nâu, bơ ngai tăh kơ ph^u Lưu Thị Thu Hiền, bơ\ jang lơ\m Khul te\ch kơ dro kơ dêh char Dak Lak, đei nơ\r, Khôi luât dân sự oei hơ met ming athei chih hơ dăh trong te\ch mơ dro xa, tơ gu\m vei lăng tơ mam drăm, tơ plih ăn tơ drong vei lăng bơ ngai mă 3 mưh tơ drong te\ch mơ dro xa ưh jing: “ Pơ tih gia me\ [ă hre đom tôch lơ, mă lei chă trong kuă kla hre ‘no\h sư pơm hla ar hnam, te\h, tơ mam drăm hăm anăn kon sư ngăl, pơm kiơ\ trong asong, hơ păh tơ mam. Dôm bơ ngai đei pơ jao ăn tơ mam ‘no\h ưh đei [ơm truh tơ drong hre [om kơ me\ [ă, vă akhan đe sư ưh đei kla jên hre nhen thoi te\ch mơ dro tơ mam, thoi no\h ưh kơ lăp ôh, athei đei trong vei lăng hơ to\ hơ nơ\ng ăn dôm pang lơ\m tơ drong thoi âu.”

Găh khei ‘năr tơ kêng păng khei ‘năr athei sek tơ lang tơ drong glăi dơ doă đơ\ng kon pơ lei, Luật sư Nguyễn Văn Lộc, găh An^h jang luật sư Đức Lưu akhan, hăm dôm tơ ring groi kông mơ mat tat, kon pơ lei hlôh vao ưh jru\, ưh kơ s^ lai yơ kon pơ lei ku\m pơ ngơ\t truh tơ drong đei yoa tro\ luât kơ dih răm kơ đe pơ gâm vă chă tơ kêng ôh. ‘Nâu oei tam mă jo# truh kơ lih yoa tơ drong kiơ ‘no\h mă an^h jang luât pơ dui khei ‘năr pơ gơ\r sek tơ lang kơ na jing tôch khei ‘năr gơ\h tơ kêng đơ\ng kon pơ lei. Yoa thoi no\h, Khôi luât sek tơ lang dơ doă kon pơ lei ưh gơ\h chih khei ‘năr gơ\h tơ kêng vă vei lăng tơ drong đei yoa tôch tơ găl đơ\ng kon pơ lei. Luật sư Nguyễn Văn Lộc, pơ ma: “Tơ drong tơ\ âu ‘no\h j^ hơ len năng tơ drong tơ pă mă tro\, vei lăng tơ drong đei yoa tro\ luât ăn kon pơ lei. Tơ drong sek tơ lang tơ drong tơ kêng athei pơm tro\ luât, vei lăng tơ drong gơ\h yoa, đei yoa tro\ luât đơ\ng rim bơ ngai, kiơ\ kơ inh ‘no\h le# tơ mât yoa khei ‘năr tơ kêng.”

Dak Lak j^ dêh char đei truh 47 hơ dre\ch ‘nho\ng o\h oei xa hơ dai. Tơ drong io\k hơ dre\ch ăn kon kiơ\ păng 33 Khôi luât dân sự (oei hơ met ming) ku\m tôch mơ mat, tơ dăh tơ drong juăt kơ hơ dre\ch me\-[ă pha ra băl. Bơ ngai tăh kơ ph^u Nguyễn Hải Ninh, tơ\ phường Tân Thành, pơ lei tơm Buôn Ma Thuột, tơ gop nơ\r: “Luât oei hơ met ming chih, tơ dăh ưh đei drơ\ng nơ\r ‘no\h chih hơ dre\ch ăn kon kiơ\ tơ drong juăt, ‘nâu j^ tơ drong ưh rơ đăh păng tôch mơ mat. Inh pơ tih gia, 1 ‘nu bơ ngai Rađe tơ\ âu oei kơ bơ ngai Tày đơ\ng nai truh, tơ dăh ưh đei drơ\ng nơ\r rơih hơ dre\ch yơ ăn kon, ‘no\h ưh kơ băt vă pơm kiơ\ tơ drong juăt yơ? Yoa kiơ\ bơ ngai Rađe ‘no\h athei chih măt kon kiơ\ găh me\; oei bơ ngai Tày ‘no\h kiơ\ găh [ă. Yoa thoi no\h, hăm tơ drong ‘nâu athei chih mă hơ len, mă rơ đăh [iơ\.”

Khôi luât dân sự (oei hơ met ming) đei 712 păng, pơm 6 jăl păng 26 chăl. Pơ têng hăm khôi luât oei yoa dang ei, Luât oei hơ met ming âu hut le# 147 păng, chih tơ mât dơ\ng 176 păng, atu\m hăm ‘no\h hơ met ming 298 păng. Tơ drong pơ gơ\r io\k nơ\r tơ gop ăn tơ drong chih hơ met ming Khôi luât dân sự âu vă hơ to\k tơ drong pơm tơm, ako\m đei jơ hngâm đon rơ gei đơ\ng kon pơ lei, pơm kiơ\ dôm tơ drong tơ chơ\t đơ\ng Khôi luât tơm găh năng kăl, vei lăng năng tông tơ drong pơm tơm kơ kon bơ ngai, tơ drong gơ\h jang đơ\ng kon pơ lei, vang hơ met pơ ke\h tơ drong jang mu\k drăm chăl ‘nao kiơ\ trong xã hội chủ nghĩa, hơ met pơ ‘lơ\ng luât ăn tơ drong jang ato\k tơ iung mu\k drăm tơ pôl kơ te\h đak păng tơ drong erih xa kơ kon pơ lei. Đơ\ng dang ei truh adrol kơ ‘năr 20/9/2015, mih ma duch nă păng bôl boăl gơ\h tơ gop nơ\r ăn luât oei hơ met ming âu kiơ\ đơ\ng khul kơ dră pơ gơ\r tơ\ tơ ring, mă ưh ‘no\h gơih kơ thơ ăn: Bộ Tư pháp Việt Nam, kơ so# 60 Trần Phú, Ba Đình, Hà Nội; dăh mă pơih kiơ\ hôp thư điên tư: boluatdansu@moj.gov.vn

                                                Dơng: Tơ blơ\