Bơ ngai tăh kơ ph^u pơ lei tơm Kon Tum păng dôm to\ trong [ônh hư

Lơ\m dôm sơnăm tơ je# au, đơ\ng kon jên jang kơ Trung ương păng tơring, lơ jăl trong nơnăm lơm pơle\i tơm Kon Tum, dêh char Kon Tum đe\i tiơ iung pơ jing, gơnơm đơ\ng no\h lơ\m tơring kơdrơ\m roi năr roi ‘lơ\ng hơ iă. Mă le\i, tơ je# hăm tơdrong chơt hơ iă tơ\ anăp dôm tơdrong ato\k tơ iung pơle\i pơla, lơ bơngai tăh hla lơ\m tơring je\i pơma tơbăt jơhngơ\m đon tơtăm, ư\h hơ iă tơ\ anăp m^nh [ar trong nơnăm đe\i tơ mơ\t jên jang ming man te\nh koăng hư răm.

Đunh kơ âu 7 sơ năm, trong A Khanh jung vă je# 2 km tơ\ phường Trần Hưng Đạo, pơ lei tơm Kon Tum tơ [ưh Trong gre kơ so# 14 hăm thôn 3 xăh Hòa Bình đei tơ le\ch jên man. ‘Nao tơ mât yoa ưh kơ đunh, lơ an^h tơ\ trong A Khanh hư pơ chăh. Pu\ng lu\ng, trong hư pơ chăh tơ til băl pơm ăn trong jing kơ ne#. {ok Mai Văn Đến, tơ\ Kueng kơ pho# 6, phường Trần Hưng Đạo pơ ma:“{ât pơm trong ‘nâu hnam nhôn che\ng song 2 met te\h vơ\l, tor kơ jung 27 met păng đ^ đăng kon pơ lei vang plang song te\h vă pơm đei trong xă, vă kon pơ lei nhôn chă nơ năm vih vât hiôk hian. Mă lei khei ‘năr âu ki, gre chơ tơ mam trăp hlo\h tơ drong kơ dâu vih vât pơm ăn trong hư đ^, nhôn apinh Khul kơ dră tơ ring pơm thoi yơ đei trong găn, tơ jur tơ mam hăm gre chơ trăp hlo\h tơ drong, mă ưh ‘no\h kâm ưh ăn sư kơ dâu tơ\ trong âu vă kon pơ lei nhôn chă tơ năm hiôk hian.”

          Tơ\ phường Trần Hưng Đạo, trong Ngô Đức Đệ hư pơ chăh nhen thoi trong A Khanh mơ\n. {ok Phạm Ngọc Hiếu, {ok pơ gơ\r Kueng kơ pho# 2 tơ roi:“Công ty cao su Kon Tum pơm trong ‘nâu. Kon pơ lei ]hôk ‘nă dêh, mă lei ‘mlăih ‘no\h j^ ‘nao lăp 1,2 sơ năm đe\ch trong hư pơ chăh bơih. Tơ drong tơm ‘no\h yoa hnam kơ măy Tiến Dung, Trường Long ... te\h, chơ tơ mo năm vih vât hơ nơ\ng kơ na trong jing hư pơ chăh nhen dang ei. Ku\m hăm ‘no\h j^ tơ ring [u\h tơ blô đei hlo\h 200 an^h jang dơ\ng, gre tih chơ tơ blô yak vih vât kơ na trong roi đunh roi kơ ne#.”

            Trong A Khanh păng Ngô Đức Đệ tơ\ phường Trần Hưng Đạo [ônh hơ pơ chăh ‘no\h yoa lơ gre tih chơ tơ mo, tơ blô vih vât, oei trong Nơ Trang Long, tơ\ phường Trường Chinh hư ‘no\h yoa 1 tơ drong nai. Trong âu ‘nao pơm hăm yâu hăk păng tơ mât yoa lơ\m sơ năm 2011. Mă lei truh dang ei đ^ 2 ‘măng pơm hơ met bơih, trong oei tôch kơ ne# đe\ch. ‘Nho\ng Trần Minh Triều, 1 ‘nu bơ ngai hơ nơ\ng yak tơ\ trong âu tơ tok: “Inh bơ ngai kon pơ lei, inh [ôh tơ to\ đon dêh, trong ‘nao pơm đang mă hư pơ chăh hloi. Lăp dang 1,2 sơ năm dang no\h đe\ch trong hư hloi bơih. Hư pơ chăh tr^t tr^t dang ei vă tôch trong bơih. Inh ưh kơ lăp kiơ hăm tơ drong ‘nâu. Ưh kơ băt dôm an^h jang kơ pal thoi yơ, hrei ‘nâu kon pơ lei nhôn nôp thue# pơm trong rim sơ năm thoi no\h mă lei trong kơ ne# thoi âu. 1 kây so# truh 1 ty. Ưh băt pơm thoi âu bu pu\ ‘nâu?”

Lơ hnam kon pơ lei oei xa tơ ter dôm to\ trong [ônh kơ hư âu… mưh băt trong vă jang đơ\ng pơ lei Kon Tum tơ\ hơ năp kơnh vă pơm hơ met ming dôm jăl trong âu ‘no\h hơ iă ku\m đei, pơ ngơ\t ku\m đei. Hơ iă yoa trong đei pơm hơ met ‘no\h ‘lơ\ng [iơ\, yak vih vât huei kơ krê [iơ\. Pơ ngơ\t yoa mưh rim ‘măng pơm trong, khei ‘năr pơm đa đunh đơ\ng 1 truh 2 sơ năm, ku\m hăm ‘no\h j^ hnam [e\nh kơ ‘mui, te\h pu\k, [ruih [răm te\ch mơ dro ưh kơ đei yă kiơ. Hơ doi hăm ‘no\h, kon pơ lei oei đei 1 tơ dronng pơ ngơ\t tih hlo\h dơ\ng, ‘no\h j^ đơ\ng ro\ng kơ pơm hơ met đang, trong [ônh hư pơ chăh dơ\ng dăh ưh? Bơ ngai tăh kơ ph^u tơ\ tơ ring akhan, ku\m hăm tơ drong tơ le\ch jên pơm hơ met trong, athei hơ to\k tơ drong dăr lăng đe pơm trong hai vă gơ\h pơm đei trong ‘lơ\ng. Păng lơ\m khei ‘năr tơ mât yoa, Khul kơ dră tơ ring păng an^h jang kơ pal athei hơ to\k tơ drong vei lăng trong mă ‘lơ\ng ‘năi.

                                                                                                                        Tơblơ\ nơ\r: Dơ\ng