VOV4.Bahnar - Hơ dai lơ\m jơ năr hop ako\m mă 9, Kuo#k ho#i jăl 13, Jơ nu\m pơ gơ\r kon pơ lei dôm dêh char Tây Nguyên ku\m bơ\ jang lơ tơ drong, hơ met ăn hop ako\m dêh char tơ\ hơ năp kơnh. Lơ\m no\h, tơ drong tơ [âp păng mơ\ng nơ\r pơ ma đơ\ng bơ ngai tăh hla đei năng kăl. {ai chih âu tơ roi truh dôm ‘măng tơ [âp bơ ngai tăh hla đơ\ng dôm bơ ngai tang măt Jơ nu\m pơ gơ\r kon pơ lei dêh char Lâm Đồng:

‘Năr 17-6, tơ [âp bơ ngai tăh hla tơ\ phương Lộc Tiến, pơ lei tơm Bảo Lộc, m^nh [ar ‘nu bơ ngai tăh hla vang pơ truh đon hơ pơi ăn bơ ngai tang măt Jơ nu\m pơ gơ\r kon pơ lei dêh char păng pơ lei tơm. Đei 8 ‘nu bơ ngai tăh hla, tang măt ăn 14 Kueng kơ pho# lơ\m phương Lộc Tiến pơ ma tơ le\ch 23 nơ\r apinh găh tơ drong che\ng te\h păng tơ le\ch jên man trong nơ năm; tơ drong tơ gu\m ăn kăn [o# tơ\ tơ ring; hơ to\k tơ drong cho\h jang xa; vei sơ đơ\ng tơ\ pơ lei pơ la, kueng [ôt păng tơ mam pơ yoa ăn tơ drong jo\h ayo\ kơ do\ xoang păng ho\k pơ hrăm. M^nh [ar nơ\r pơ ma tơ păt hăm bơ ngai tang măt Jơ nu\m pơ gơ\r kon pơ lei dêh char nhen tơ drong jang, pơm hơ met trong gre 20 năm kle\ch tơ ring păng m^nh [ar to\ trong nai jang hiơ\ hy^n, tôch kơ krê hăm gre kơ dâu vih vât; tơ drong ưh kơ măh te\h vă man an^h jang ăn dôm Kueng kơ pho# pơm ưh ‘lơ\ng truh tơ drong jang đơ\ng an^h jang chinh tr^ tơ\ tơ ring; tơ drong hru\ ‘mong jên mưh chưk pơ ‘ngoăih te\h ăn Tơ drong jang man hnam trưng Đăi ho\k Tôn Đức Thắng tam mă tơ găl, athei đei trong tơ gu\m ăn đei kăn [o# bơ\ jang tơ\ pơ lei, pơ la…

Đơ\ng ro\ng kơ mơ\ng [ok Nguyễn Quốc Bắc – Kơ dră vei lăng kon pơ lei pơ lei tơm Bảo Lộc tơl tơ blang m^nh [ar tơ drong găh pơ lei tơm sek tơ lang, [ok Nguyễn Xuân Tiến – Kơ dră Jơ nu\m pơ gơ\r kon pơ lei dêh char, dơ\ng tang ăn Grup tang măt 12, tơl tơ blang dôm tơ drong [ơm truh tơ drong che\ng io\k te\h vă pơ jing tơ ring jang kơ măy mă lei ưh đei jang đunh khei ‘năr tơ\ phường Lộc Tiến; tơ drong tơ mât jên jang păng hru\ ‘mong jên te\h vă man Hnam trưng Đăi ho\k Tôn Đức Thắng; tơ drong sek tơ lang pho\ng ya, pho\ng ưh kơ ‘lơ\ng, tơ drong tơ gu\m ăn kăn [o# tơ\ tơ ring...

{ok Nguyễn Xuân Tiến tơl tơ blang ăn dôm bơ ngai tăh hla

Tơ\ kơ sơ\ lơ\m năr, khul truh tơ [âp bơ ngai tăh hla tơ\ phương Lộc Sơn. Đei lơ nơ\r pơ ma ưh kơ lăp đon hăm tơ drong che\ng io\k te\h mă lei ưh jăh man Tơ ring jang kơ măy tơ\ Lộc Sơn ku\m nhen tơ drong pơ jing tơ ring oei xa ‘nao Đông Đô ưh tro\ hla ar chih, pơm ưh ‘lơ\ng truh tơ drong erih xa kơ kon pơ lei tơ\ âu; tơ drong pơm hla ar te\h hiơ\ hy^n, mơ mat tat; m^nh [ar tơ drong jang pơm trong ưh đei rơ đăh, kon pơ lei ưh kơ băt jên jang dôm yơ; bơ\ jang răh rai, [ơm kơ ne# truh tơ drong erih xa kơ kon pơ lei; kăn [o# tơ ring chih tơ roi tơ [ôh tơ mam ưh ‘lơ ‘lo\; tơ drong vei lăng tơ ring kơ drâm ưh sơ đơ\ng păng tam đei trong sek tơ lang tơ păt tơ drong glăi; vei lăng te\h tơ\ dôm tơ drong jang ưh tam bơ\ jang tam kơ jăp, pơm tơ le\ch lơ tơ drong kơ ne# lơ\m tơ pôl; tơ drong tơ le\ch jên vă pơ tăm ming che\h phe oei hiơ\, pơm hla ar to\k io\k mơ mat; tơ drong nôp jên yoa trong lơ\m tơ ring ưh đei lei lăi băl…

Lơ\m ‘năr 17-6 mơ\n, tơ [âp bơ ngai tăh hla tơ\ 4 xăh: Lộc Đức, Lộc Ngãi, Lộc Bảo păng Lộc Phú (apu\ng Bảo Lâm), kon pơ lei tơ\ dôm xăh âu tơ le\ch lơ nơ\r pơ ma [ơm truh tơ drong pơm trong tơ\ tơ ring, tơ drong che\ng song te\h cho\h jang xa ăn kon pơ lei kon kông, tơ drong tơ gu\m ăn bơ ngai đei ko\ng, te\h vă man hnam trưng, u\nh điên tơ\k rok trong păng yoa lơ\m hnam, tơ drong [ơk the [ao hiêm y te# ăn kon pơ lei păng trong pơ jao bri ăn tơ pôl... Bơ ngai tăh hla oei pơ ma truh tơ drong kăl đei trong tơ gu\m pơ tho tơ drong jang, chă tơ drong jang ăn kon hơ ‘lơ\p bơ ngai kon kông; athei hơ to\k hre\nh tơ drong jang pơm trong tơ\ tơ ring, pơ jing tơ drong ‘lơ\ng ăn kon pơ lei yak vih vât păng jang xa; tơ re\k truh tơ drong man dơ nâu, hơ bong đak vă tang găn to\ phang pơ đang, hơ to\k tơ drong vei lăng te\h, tơ mam bri brăh; tơ drong vei lăng bri ‘long lơ\m hơ găt te\h đei pơ jao ăn an^h jang oei tam kơ jăp...

{ok Nguyễn Xuân Tiến - Kơ dră Jơ nu\m pơ gơ\r kon pơ lei dêh char Lâm Đồng chih răk păng tơ che\ng ‘lơ\ng dôm nơ\r tơ gop đơ\ng kon pơ lei, năng ‘nâu j^ tơ drong tơ roi tôch g^t kăl vă tơ gu\m ăn kơ dră che\p kơ\l băt hơ dăh tơ drong hơ pơi ‘me\h đơ\ng kon pơ lei. {ok Nguyễn Xuân Tiến tơ blang păng athei tơ ring jang hơ doi mă ‘lơ\ng vă sek tơ lang dôm nơ\r apinh, athei đơ\ng bơ ngai tăh hla găh 6 tơ drong: Hơ met ming trong pơm hla ar te\h; sek tơ lang dôm tơ drong tơ hlăk tăk đơ\ng chưk pơ ‘ngoăih, hru\ jên te\h păng tơ le\ch trong tơ mât jên jang jăl 2 tơ\ Tơ ring jang kơ măy Lộc Sơn (pơ lei tơm Bảo Lộc); hơ to\k tơ drong jang tang găn xa pơ j^p; bơ\ jang tơ păt ‘lơ\ng tơ drong chih tơ roi tơ mam drăm hăm đe kăn [o# che\p kơ\l; bơ\ jang tơ drong tơ gu\m ăn bơ ngai đei ko\ng păng bơ ngai kră; tơ roi, pơ tho tơ [ôh ăn kon pơ lei găh tơ drong tơ gu\m đơ\ng [ao hiêm y te#...

            M^nh [ar tơ drong tam đei tơl tơ blang tơ\ âu, gru\p tang măt ăn Jơ nu\m pơ gơ\r kon pơ lei dêh char chih io\k păng pơ kă vă tơl tơ blang hăm hla ar ăn bơ ngai tăh hla. Dôm tơ drong kăl đei jơ pơ ma nuh mă hơ dăh ku\m đei Gru\p tang măt chih răk vă tơ roi ăn Jơ nu\m pơ gơ\r kon pơ lei dêh char lơ\m hop ako\m mă 13, jăl VIII, vă pơ gơ\r lơ\m khei 10 truh.

Dơ\ng: Tơ blơ\