VOV4.Bahnar – Jang kiơ\ “Tơdrong jang tơ iung pơ jing pơlei tơm ‘lơ\ng gơ\h hơge\i”, vă đ^ sơnăm sơ\, phương Thống Nhất, pơlei tơm Buôn Ma Thuột, dêh char dak lăk hlôi tơle\ch pơlăp pơlong năng kmăi kmo\k camera dăr hơlen tơdrong sơđơ\ng tơ\ tơring ngăl đe\i tơdrong chă tơtông kle\, ngăl đe\i tơdrong chă te\h tôn d^h băl, sơđơ\ng trong nơnăm. ‘Moi kiơ\ kmăi kmo\k camera au hlôi đe\i [o#h păng xek tơlang lơ tơdrong pơm glăi khôi luơ\t, rôp kron m^nh [ar ‘nu bơngai kơchu, ato\k kơtang jang ‘lơ\ng bơ\ jang ve\i lăng sơđơ\ng er^h sa, sơđơ\ng trong nơnăm lơ\m tơring.

Gơnơm rup lơ\m camera dăr lăng hơlen, vă je# mơj^t ‘măng pơm glăi khôi luơ\t đe\i xek tơlang keh đang koăng

Rim jăl trong tơm kơ pơlei tơm Buôn Ma Thuột nhen: Y Jút, Nơ Trang Long, Lý Thường Kiệt, Hai Bà Trưng, Điện Biên Phủ.... găh phương Thống Nhất, pơlei tơm Buôn Ma Thuột hơnơ\ng kơdrơ\m bơngai v^h vơ\t. Tơ\ au đe\i lơ an^h et sa, an^h hnam tep pơdơ\h t^h, an^h mong jên, an^h te\ch chehphe, an^h kơdrơ\m mơdro sa, kơchơ gơmăng chă te\ch mơdro.

Mo\ Mai Huỳnh Tiên, bơngai te\ch mơdro lơ\m kơchơ Buôn Ma Thuột tơbăt, sơ\ tơ\ au hơnơ\ng jing an^h ư\h sơđơ\ng kơtang hăm tơdrong chă tơtông kle\ tơmam drăm, kle\ tơmam drăm đe chă năm tơ\ kơchơ lơ\m gơmăng. Lăp đơ\ng ro\ng Dơno\ an^h ve\i lăng kon pơlei phương pơlăp kmăi kmo\k camera dăr hơlen sơđơ\ng, sơđơ\ng trong nơnăm tơ\ m^nh [ar trong kơpho#, găh lơ\m an^h kơchơ te\ch mơdro tơ\ gơmăng, tơdrong chă tơtông kle\ au to je\i hlôi dă [iơ\ bơih. Kon pơlei sơđơ\ng jơhngơ\m chă te\ch mơdro, tơmoi tơmang pơ hiơ\ je\i pă gan tơtăm tơdrong đe chă tơtông kle\ tơmam drăm po bơih.

 "&nh te\ch mơdro tơ\ au dôm sơnăm au bơih, tơdrong chă tơtông kle\ sơ\ j^ hơnơ\ng đe\ch. Rim bơngai tơtông kle\ pơm nhen bơngai bor đơ\ng no\h yak chơ cher hăm đe păng tơtông io\k jên, hla bơar, điên thoăi tơmoi năm răt tơmam drăm. Đơ\ng mă đe\i kmăi camera dăr lăng hơlen sơđơ\ng ‘no\h dă [iơ\ bơih, kơ yuơ bơngai tơtông kle\ hle kmăi camera [o#h đe sư. Tơmoi chă năm tơ\ kơchơ gơmăng au hlôi sơđơ\ng jơhngơ\m, pă đe\i tơtăm bơih, dôm bơngai te\ch mơdro nhen nhôn je\i pă gan tơtăm tơdrong hiong tơmam drăm bơih."

M^nh ‘măng tơhil tơte\h d^h băl đe\i xek tơlang keh đang gơnơm đơ\ng camera dăr lăng hơlen sơđơ\ng

Hơtuch trong Quang Trung, an^h tơ je# hăm phương Tân Tiến ngăl đe\i tơdrong đe te\ch mơdro ma tuý. Mư\h gơmăng, dôm bơngai dư ma tuý ngăl ako\m tơ\ au chă et, [et pơgang ma tuý. {ok Phạm Quốc Hưng, oe\i tơ\ hơtuch trong Quang Trung, phương Thống Nhất tơbăt, đơ\ng mă đe\i kmăi camera dăr lăng hơlen tơdrong sơđơ\ng tơ\ tơring au, tơdrong đe chă io\k yua ma tuý hlôi pă gan đe\i , kon pơlei hlôi “so\ng sa lu\, tep n^t bơih”.

 "Sơ\, rim pơgê iung đơ\ng tep ba hơnơ\ng le\ch lăng tơ\ anăp hnam, chă hơpuih hơmet pơ ‘lơ\ng kơ yuơ rim bơngai dư ngăl chă et, [et pơgang ma tuý klơ\m hu\t bơ\n jru\m chrech tơ\ j^h pơgar, cham hnam. Tơdăh ư\h chă lăng hơ,len ‘no\h hơmơt dêh kơ yuơ hơmơt kôn mon kon sau chă jo# [ơm. Mă le\i mư\h pơlei tơm pơlăp kmăi camera [ơ\t koeng kơpho# ‘no\h khu\l dư ma tuý hli kơna pă gan đe\i chă et, [et pơgang ma tuý bơih. Kon pơlei oe\i tơ\ au hlôi sơđơ\ng jơhngơ\m bơih”.

Thống Nhất ‘no\h phương to\k bo\k pơlei tơm Buôn Ma Thuột, dôm tơdrong chă te\ch mơdro au đe\i pơgơ\r prăt măng  prăt năr. Rim bơngai pơm yoch hơnơ\ng rơ\ih io\k an^h au vă chă tơtông kle\ tơmam drăm, pơm ăn ư\h sơđơ\ng kơtang.

Thiếu tá Nguyễn Đắc Linh, Kơdră Ko\ng ang phương Thống Nhất tơbăt, mư\h đe\i pơlăp kmăi camera, ‘moi kiơ\ rup, an^h bơ\ jang hlôi [o#h mơ j^t ‘măng đe pơm glăi khôi luơ\t, rôp 2 ‘nu bơngai tơtông kle\ mu\k drăm, gre bơb^t, tơdrong chă tơtông kơdu\ng tơmam drăm tơ\ an^h kơchơ gơmăng nhen le\ pă đe\i bơih. ‘Nao au hlo\h ‘no\h ‘măng chă te\h d^h băl tơ\ trong Điện Biên Phủ, gơnơm rup lơ\m camera koay kơna an^h bơ\ jang hlôi xek tơlang keh đang tơdrong pơm glăi au.  

 "Tơ\ trong Điện Biên Phủ đe\i 2 an^h te\ch mơdro kơđo\h tơpu điên thoăi hil d^h băl tru\h te\h d^h băl. Ko\ng ang phương jur bơ\ jang, lơ\m bơ\ jang ap^nh hơlen ‘no\h păh ayơ akhan sư [lep ngăl. Nhôn hlôi tơ [o#h ăn rup lơ\m Camera ăn [ar an^h lăng păng kon pơlei vang lăng ‘no\h mă đe\i [o#h an^h te\ch mơdro pơm glăi, te\h hơdrol kơna xek tơlang [ônh keh đang. ‘Moi kiơ\ tơdrong au, kon pơlei tơ\ au tôch lăp đon, hôn bơnê."

Yă Trịnh Như Ngọc, Kơdră che\p pơgơ\r phương Thống Nhất, pơlei tơm Buôn Ma Thuột tơbăt, kmăi kmo\k camera dăr lăng sơđơ\ng au đe\i pơlăp lơ\m vă đ^ sơnăm sơ\, hăm kon jên tơmơ\t jang vă tru\h 500 tr^u hlak jên. Lơ\m au găh lơ m^nh [ar an^h mơdro sa tơm vang chă tơgu\m djru, kon jên tơring vang chă tơra. Kmăi kmo\k au đe\i 48 to\ camera dăr lăng hơlen sơđơ\ng tơ\ 25 an^h lơ\m m^nh [ar jăl trong kơ pơlei tơm, an^h tơ je# kơchơ gơmăng, rim an^h ngăl đe\i tơdrong ư\h sơđơ\ng tơring, ư\h sơđơ\ng trong nơnăm. Rim camera au đe\i pơtru\h lơ\m m^nh tivi LCD kơ loăi t^h, ming lơ\m an^h bơ\ jang kơ Ko\ng ang phương Thống Nhất.

Gơnơm đơ\ng camera, tơdrong sơđơ\ng lơ\m phương Thống Nhất, pơlei tơm Buôn Ma Thuột đe\i ve\i lăng kơ jăp

Gơnơm kmăi kmo\k au, khu\l kơdră tơring păng an^h bơ\ jang tôch rơvơn lơ\m tơdrong dăr lăng sơđơ\ng lơ\m tơring. Rup đe\i ve\i răk lơ\m khe\i ‘năr đunh kơna an^h bơ\ jang ve\i lăng sơđơ\ng đe\i tơmam pơm kơnăl vă xek tơlang mơ j^t ‘măng đe chă tơtông kle\, rôp kron đe\i dôm bơngai pơm tơdrong kơne#, xek tơlang ‘lơ\ng hơ iă tơdrong gre chă tơtơ\m d^h băl ... Yă Trịnh Như Ngọc, Kơdră che\p pơgơ\r phương Thống Nhất tơroi tơbăt, khe\i năr tru\h au kơnh gô hơnơ\ng krao hơvơn kon pơlei vang tơgop kon jên vă pơ\ih să trong jang au.

"Vă pơ jing đe\i tơdrong au, nhôn hlôi pơgơ\r hop ako\m kon pơlei păng nhen le\ đ^ đăng kon pơlei vang tơgu\m djru ngăl. Nhôn oe\i ư\h kơ măh 700 tr^u dơ\ng, tơdrong mă au nhôn gô hơvơn kon pơlei vang chă tơra lơ\m 1 u\nh hnam 500.000 hlak jên, păng to\k bo\k hơvơn io\k đơ\ng kon pơlei. Đe\i tơdrong hơ iă hlo\h ‘no\h lơ\m ‘măng hop ako\m lơ u\nh hnam vang chă tơra ăn kon jên hloi, ‘no\h tơdrong rơvơn hlo\h. Kiơ\ kơ nhôn, kmăi kmo\k bơ\ jang ‘lơ\ng hơ iă hlo\h dơ\ng ‘no\h ro\ năng lơ\m khe\i 8 sơnăm au mă keh đang."

Kiơ\ trong tơ iung pơ jing  Buôn Ma Thuột jing “pơlei tơm gơ\h hơge\i, jơk [l^k, rơgo\h păng hơgơ\h hơge\i” đ^ đăng tơring, phương je\i kăl pơlăp kmăi kmo\k camera dăr lăng sơđơ\ng. Hăm tơdrong đe\i jơne\i blu\ng a tơ\ phương Thống Nhất, khe\i năr kơnh Dơno\ an^h ve\i lăng kon pơlei kơ pơlei tơm Buôn Ma Thuột, dêh char Dak Lăk gô hơnơ\ng chă hơvơn kon jên lơ hlo\h dơ\ng vă iung jang tơdrong au. Đơ\ng no\h, ato\k kơtang hlo\h dơ\ng bơ\ jang ve\i lăng sơđơ\ng dơ\ng kơ jăp, sơđơ\ng tơpôl, sơđơ\ng trong nơnăm lơ\m pơlei tơm ‘lơ\ng hlo\h.

Bơngai ch^h: Tuấn Long

Tơblơ\ nơ\r: Amazưt