VOV4.Bahnar - Hơ nơ\ng tơ roi truh dôm tơ drong tơ chơ\t lơ\m Luât io\k u\nh om chom go\ păng hnam tơ no\ sơ năm 2014, năr ‘nâu, nhôn tơ roi găh kơ so# jên, tơ mam athei tơ gu\m vă rong ‘me, trong tơ gu\m rong păng tơ drong gơ\h tơ le\ch nơ\r athei rong ku\m nhen pơ dơ\h rong ‘me.

Luât io\k u\nh om chom go\ păng hnam tơ no\ chih găh kơ so# jên, tơ mam tơ gu\m rong ‘me thoi âu:

- Kơ so# jên, tơ mam athei tơ gu\m vă rong ‘me yoa bơ ngai athei ăn jên rong păng bơ ngai io\k jên rong mă ưh ‘no\h bơ ngai vei lăng tơ gu\m ăn bơ ngai ‘no\h pơ kăp hăm băl, lăng kiơ\ tơ drong jang xa đei io\k yoa, tơ drong ke\ rong ‘me đơ\ng bơ ngai rong păng tơ drong ‘me\h vă tôch tơ găl đơ\ng dôm bơ ngai đei rong ‘no\h; tơ dăh ưh đei drơ\ng nơ\r hăm băl ‘no\h athei An^h sek tơ lang sek ăn.

- Mưh [ôh tơ găl kơ so# jên rong gơ\h tơ plih dơ\ng. Tơ drong tơ plih kơ so# jên rong yoa đơ\ng dôm pang drơ\ng nơ\r hăm băl, tơ dăh ưh đei drơ\ng nơ\r hăm băl ‘no\h athei An^h sek tơ lang sek ăn.

Găh trong kla ăn jên, tơ mam vă rong ‘me: Jên, tơ mam vă rong ‘me gơ\h kla kiơ\ rim khei, jăl khei, 1 puăt sơ năm, rim sơ năm mă ưh ‘no\h kla tôm 1 ‘măng hloi.

- Dôm pang gơ\h drơ\ng nơ\r tơ plih ming trong tơ gu\m rong ‘me, pơ dơ\h ‘mơ\i tơ drong tơ gu\m jên, tơ mam rong ‘me mưh bơ ngai rong tơ [âp mơ mat tat ưh đei jên, tơ mam vă rong ‘me; tơ dăh ưh đei drơ\ng nơ\r hăm băl ‘no\h athei An^h sek tơ lang sek ăn.

Tơ drong rong ‘me tôch hăm dôm bơ ngai âu:

- Bơ ngai đei rong đ^ ‘lo\ bơih păng gơ\h jang xa dăh mă đei tơ mam vă rong ‘me kơ dih;

- Bơ ngai đei rong ‘me đei đe io\k pơm kon rong;

- Bơ ngai athei tơ gu\m jên rong đ^ io\k rong bơ ngai đei rong ‘me ‘no\h bơih;

- Bơ ngai tơ gu\m jên rong ‘me dăh mă bơ ngai đei rong ‘me lôch;

- Bơ ngai đei xa jên rong ‘me đơ\ng ro\ng kơ hre\ch băl đ^ chă u\nh om plơ\ng bơih;

- Păng tơ drong nai hai kiơ\ luât chih.

Păng 119 chih găh Bơ ngai gơ\h tơ le\ch nơ\r athei pơm kiơ\ tơ drong tơ gu\m jên, tơ mam rong ‘me, đei:

- Bơ ngai đei rong ‘me, me\, [ă dăh mă bơ ngai vei lăng tơ gu\m ăn bơ ngai ‘no\h, kiơ\ tơ drong tơ chơ\t đơ\ng luât tơ kêng sek tơ lang dơ doă kon pơ lei, gơ\h athei An^h sek tơ lang pơ go\ bơ ngai ưh chu tơ gu\m jên rong pơm kiơ\ tơ drong athei tơ gu\m jên rong âu.

- Dôm bơ ngai, an^h jang, khul gru\p âu, kiơ\ tơ drong tơ chơ\t đơ\ng luât tơ kêng sek tơ lang dơ doă kon pơ lei gơ\h athei An^h sek tơ lang pơ go\ bơ ngai ưh chu tơ gu\m jên rong, pơm kiơ\ tơ drong athei tơ gu\m jên rong âu, đei:

+ Kơ tum kơ to\ng ‘nho\ng o\h;

+ An^h vei lăng te\h đak găh hnam tơ no\;

            + An^h vei lăng te\h đak găh đe hơ io\h;

+ Khul gru\p dro\ kăn.

- Dôm bơ ngai, an^h jang, khul gru\p nai mưh [ôh đe kuă pơm kiơ\ tơ drong athei tơ gu\m jên, tơ mam rong ‘me, gơ\h tơ roi ăn an^h jang, khul gru\p kơ pal athei An^h sek tơ lang pơ go\ bơ ngai ưh chu tơ gu\m jên rong pơm kiơ\ tơ drong athei tơ gu\m jên rong ‘nâu.

Dơ\ng: Tơ blơ\