VOV4.Bahnar - Kơ ‘năr dơ\ng brei, 17/4, An^h jang Kanh sat vei lăng cham char (PC 49 Ko\ng an de#h char Dak Nông) jang hơ dai hăm rim an^h jang kơ pal dăr lăng jo# hơ len, hơ nơ\ng dăr hơ len pơm hơ dăh dôm tơ drong glăi găh vei rơ go\h ‘lơ\ng tơ mam sa tơ\ an^h pơm tơ le\ch che\h phe đơ\ng pu\k tơ mo păng pil, đei hơ mơt pơm pơ răm tru\h jơ hngơ\m jăn kon bơ ngai.

‘Nâu j^ an^h pơm tơ le\ch che\h phe kơ yă Nguyễn Thị Thanh Loan, tơ\ thôn 13, xăh Đăk Wer, apu\ng Đăk Rlấp, de#h char Đăk Nông.

Kiơ\ an^h jang kơ pal, jo# pơ hlom an^h jang âu to\k bo\k mong răk dang hlo\h 20 tấn che\h phe đei pơm hăm kơ đo\h che\h phe, pu\k tơ mo tong hăm đak pu\k pil u\nh đeng. Pơ đ^ tơ mam âu hơ met ăn vă năm te\ch tơ\ rim de#h char tơ dăh ư\h kơ đei chă [o#h. Dang ei tơ drong âu oei to\k bo\k hơ nơ\ng dăr hơ len, pơm hơ dăh.

Thuem tơ blơ\