Lơ̆m dang 5 sơnăm truh, anih mơdro sa tơchĕng hơdrol hơtŏk tơiung hơnih rong să 2 triệu tŏ nhŭng, tơklep hăm pơm tơlĕch tơmam hiĕm kon tơrong păng pơm tơlĕch ‘nhĕm tơ̆ tơring. Grŭp jang Muyuan tơbăt, trong jang rong kon tơrong tơmơ̆t jên jang tơ̆ Gia Lai đơ̆ng pơm tơlĕch tơmam hiĕm kon tơrong, vei rong truh pơm tơlĕch ‘nhĕm, tơklep hăm dôm hơnih tơgŭm păng pơm tơlĕch phŏng.

Lơ̆m noh, hơnih rong đei pơm tơ̆ xăh Pờ Tó, tơlĕch jang ‘năr 11/10/2026, hơdrin pơm đang đơ̆ng rŏng 12 khei. Vă dôm tơdrong jang nai găh tơdrong jang đei tơlĕch jang tơtom, Kơdră Anih vei lăng kon pơlei dêh char Gia Lai Phạm Anh Tuấn athei dôm anih jang păng xăh Pờ Tó jăh hơmet pơ ‘lơ̆ng dôm tơdrong găh pơtruh unh điên, đak, teh păng asong hla ar gơh ming man kiơ̆ pơkăp; pơtho pơm hla ar kiơ̆ tơdrong hiôk, tơtom jang tơgŭm hơmet pơ ‘lơ̆ng tơdrong tơhlăk trŏ tơdrong hơgăt.