Hloh 100 ‘nu bơngai jang kơ Hơp tak xăh Choh jang sa păng Pơvih pơvăn Nam Yang (apŭng Đăk Đoa) tŏk bŏk hơmĕng pơyan jang âu gô hơnhăk ăn dôm jĭt ti hlak jên gơnang đơ̆ng 50hek tar tiu iŏk đei plei ‘lơ̆ng. Ƀok Nguyễn Tấn Công - Kơdră vei lăng Hơp tak xăh roi tơbăt, đơ̆ng sơnăm 2018 truh dang ei, anih jang hlôi tơplih trong pơtăm hơlam tiu păng cheh phe vă pơm tŏ sĕt ƀiơ̆ jên jang, hơtŏk tơdrong kơjăp tơ̆ hơnăp tơplih đơ̆ng anih tĕch mơdro.

Hơdai hăm ‘noh, Hơp tak xăh pơtrŭt kon pơlei iŏk yua pơtăm rơgoh, vei sơđơ̆ng tơdrong hơgăt ‘lơ̆ng tĕch tơ̆ teh đak đe. Bơ̆jang kiơ̆ tơdrong jang pơtăm lơ ‘long pơlơh băl ưh kơ pơm hơtŏk jên jang mă lei tơgŭm iŏk yua tŏk lơ. Gơnang đơ̆ng tơplih trong choh pơtăm trŏ lăp, teh pơtăm tiu ưh kơ đei pơih să nhen hơdrol, bơngai pơtăm tiu Gia Lai oei iŏk đei lơ gơnang đơ̆ng kơjă măk păng plei sơđơ̆ng.