Lăm pơhrăm hơvơn đei lơ tang măt ăn dôm Hơp tak xah, tơdrong pơtho đơ̆ng dôm bơngai juăt jang gah tơdrong jang marketing, iung pơm jang tơplih 'nao kơ teh đak. Ƀok Lê Văn Dần, Phŏ kơdră Anih jang Hơp tak xah dêh char Đăk Lăk ăn tơbăt, lăm pơhrăm ou jĭ minh lơ̆m dôm tơdrong jang kăp gĭt vă tơgŭm ăn dôm Hơp tak xah hơtŏk tơdrong tơgar, pơm jang kơjăp sơđơ̆ng păng tơgop sơkơ̆t hơdah anih dơ̆ng kơ kaphê Đăk Lăk lơ̆m tơring tĕch răt lơ̆m teh đak păng lơ̆ma pŭng plenh teh.

Lơ̆m khei năr truh, Anih jang Hơp tak xah gô pơtoi pơih lơ lăm pơhrăm tơm gah dôm tơdrong phara băl vă pơtrŏ hăm tơdrong kăl hơtŏk tơ-iung kơ rim Hơp tak xah pơm jang lơ̆m tơring teh kơ dêh char.