Tơdrong jang  “30 măng năr” chih tơmơ̆t lơ̆m kơmăi kơsô̆ pơkăp tơring pơtăm, hơnih tah 'nŭng đei Đăk Lăk pơtơm jang đơ̆ng năr 7/8 truh năr 7/9, akŏm chă hơlen, chih akŏm pơkăp tơring pơtăm, hơnih tah 'nŭng lơ̆m kơmăi kơsô̆ ăn tơm sâu riêng.

Dôm khul pơm jang năm jang atŭm hăm jơnŭm pơgơ̆r tơring jur truh tơ̆ tơring, hơlen hơdah tơdrong đei, brư̆ brư̆ chih tơmơ̆t tơring pơtăm lơ̆m kơmăi kơsô̆ vei lăng, đei hơgăt teh, hơnih, tơ-'ngla vei lăng, hô sơ pơkăp khôi luơ̆t păng tơdrong pơm jang. Atŭm hăm noh đei 60% teh pơtăm đei pơkăp kơsô̆ tơring pơtăm păng hơnih tah 'nŭng lơ̆m kơmăi kơsô̆, Đăk Lăk adoi băt hơdah dôm tơdrong oei đei tơ̆ tơring pơtăm, nhen tơdrong pơsuơ̆k pơsuơ̆l gah pơkăp jang, kih thuơ̆t păng hô sơ tam mă tôm tong.