‘Nâu jĭ 1 tơdrong jang yoa Khul jang cheh phe Buôn Ma Thuột pơgơ̆r, sơng đei tơdrong tơrek đơ̆ng rim bơngai juăt jang chĕh phe lơ̆m teh đak păng lơ̆m apŭng plenh teh. Lơ̆m 4 năr (đơ̆ng ‘năr 10 - 13/3), 36 ‘nu bơngai thi truh đơ̆ng 13 dêh char, plt lơ̆m teh đak vă thi 2 vŏng đei: Vŏng blŭng a hăm tơdrong thi hơdrĕng, ƀou lăng tơmam păng hơlen năng tơmam ‘lơ̆ng thoi yơ, kiơ̆ đơ̆ng noh chă rơih 20 ‘nu bơngai đei điêm lơ hlŏh mât lơ̆m vŏng thi mă hơtuch.

Tơ̆ vŏng thi mă hơtuch, bơngai thi hơdreng pơm tơmam vă pha Pour Over păng Pha Phin. Lơ̆m tơdrong thi âu, dôm bơngai thi athei tuh hrâu chĕh phe Arabica păng Robusta vă pơm đei tơmam ‘lơ̆ng hlŏh. Kơlih thoi noh, vang thi tơ̆ âu, bơngai hơdrĕng ưh lăp pơm ăn chĕh phe ƀou phu ‘lơ̆ng đĕch mă oei roi tơbăt ăn bơngai răt yoa, kŭm nhen băt hơlen năng chĕh phe đơ̆ng kơdih hơdrĕng ‘lơ̆ng ƀou phu thoi yơ hai.