'Nâu jĭ kơtơ̆ng ang ah 'măng pơma đam tơroi tơbăt gah dôm trong vei lăng păng hơmet pơ-'lơ̆ng rơm rĕk lơ̆m jang kaphê kơyuơ Anih pơtrŭt choh jang kơ teh đak pơgơ̆r tơ̆ dêh char Đak Nông. Tơ̆ pơma đam, rim bơngai akŏm pơma đam hlôi tơroi kơ minh ƀar tơdrong jang 'lơ̆ng tơgŭm kon pơlei jang kaphê kơjăp sơđơ̆ng. Mă kăl noh athei tơrĕk truh tơdrong hơmet pơ-'lơ̆ng rơm rĕk lơ̆m tơdrong pơm jang, tơdrong mă ngêh iĕ ioch mă lei kăp gĭt hăm cham char plenh teh.

Kiơ̆ kơ ƀok Lê Quốc Thanh, Kơdră Anih pơtrŭt choh jang xa kơ teh đak akhan, ah teh pơtăm păng kơjă kaphê hơnơ̆ng kơ tŏk noh tơdrong yua lơ phŏng, pơgang hoă chơ̆t adoi lơ mơ̆n. Tơdrong mă ou kăl chă akŏm hơmet pơ-'lơ̆ng rơm rĕk hăm tơdrong atŭm jơhngơ̆m đơ̆ng dôm khul jang đei tơrĕk, mă kăl noh tơdrong kơchăng đơ̆ng kon pơlei.