Talkshow “Kaphê păng tơroi kơ tơdrong pơm jang” akŏm đei 12 kơdră kơ dôm anih pơm jang dơnơm gah kaphê tĕch răt ăn teh đak đe, dôm anih hơdrĕng ot, atŭm hăm khul mơlôh yuk hơlou lơ̆m tơdrong tơplih 'nao pơm jang kaphê Việt Nam vang truh akŏm. Đe sư atŭm băl tơroi gah: Sơkơ̆t hơtŏk jang kaphê kăp gĭt tơguăt hăm tơdrong mơ̆ng lăng "Buôn Ma Thuột – Anih truh akŏm kơ kaphê apŭng plenh teh"; Trong jang tơplih păng hơtŏk kaphê kăp gĭt đơ̆ng pơtăm, pơm tơlĕch păng tĕch ăn teh đak đe; Kaphê kăp gĭt – Tơroh khul mơlôh păng kơjă hơnô̆ hơnăp kơnh ăn kaphê Việt Nam.

Tơdrong akŏm taklshow “Kaphê păng tơroi kơ tơdrong pơm jang” ưh hơdrô̆ jĭ 'măng vă dôm bơngai lăp kơ kaphê hŏk hơlen păng tơroi gah tơdrong pơm jang mă oei jing tơdrong tơm tơguăt tơpôl kaphê, hơtŏk tơdrong jang kaphê kăp gĭt Việt Nam khei năr hơnô̆ hơnăp kơnh.