Việt Nam dang ei đei dang 1,4 triu tơpu kơdrot păng 31 anih tĕch mơdro đak kơdrot tơ̆ teh đak đe. Mă lei, anih jangh kơdrot oei tơjră hăm tơdrong nol tih yoa jang xa iĕ, tơmam jang đei tam mă ‘lơ̆ng hơnơ̆ng păng tơdrong jang hơdoi tam mă pran ƀât mă tơdrong rơih răt tơmam tơ̆ anih tĕch mơdro lơ̆m apŭng plenh teh roi dêh, athei chih hơdăh anih jang đei tơmam.

Tơ̆ hop akŏm, dôm bơngai tang măt pơma nuh găh trong jang hơmet pơ ‘lơ̆ng yŏng, jang kiơ̆ ki thuơ̆t rơgei, tang găn pơrang jĭ păng hơtŏk tơdrong jang hơdoi hăm anih tĕch mơdro. Tơ̆ hơnăp kơnh, rim anih pơtrŭt choh jang xa vă hơtŏk pran tơdrong pơih xă dôm trong jang đei yoa tơ̆ dôm tơring bri brăh; pơgơ̆r ăn kon pơlei truh lăng, hŏk pơhrăm; atŭm hăm ‘nŏh hơnơ̆ng roi tơbăt kơmăy kơmŏk ‘nao păng tơgŭm ăn bơngai rong kơdrot chă anih tĕch mơdro, pơjing hơnăn tơmam OCOP kơjăp ‘lơ̆ng.