Vang jang tơdrong jang ‘noh tang măt dôm anih jang vei lăng, anih tơroi tơbăt, anih mơdro sa păng dôm bơngai jang tơdrong jang kơsô̆. Khŭl dăr hơlen yan âu tơ̆ dôm hơnih tơƀôh hăm um rup păng tơring tơmam cheh phe ‘lơ̆ng kơ Đắk Lắk nhen Anih ‘măn răk tơmam drăm Apŭng plĕnh teh Cheh phe, dôm pơgar choh jang sa, hơnih pơm tơlĕch păng dôm hơnih chă tơmang pơhiơ̆ tơklep hăm cheh phe. Tơ̆ dôm hơnih năm truh, dôm bơngai jang lơ̆m khŭl đei chă hơlen lăng jơhnơr hơrih, joh ayŏ cheh phe Tây Nguyên; kơtă lăng trong jang pơm tơlĕch đơ̆ng trong vei lăng, phĕ iŏk, sơ̆k, hơdrĕng truh huch cheh phe. Tơdrong jang kŭm pơm tơdrong hiôk vă kơ dôm anih jang roi tơbăt, anih mơdro sa păng tơpôl pơcheh tơdrong tơƀơ̆p pơma dơnuh, jang hơdai, vang tơgŭm tơdrong hlôh vao roi tơƀôh găh cheh phe Buôn Ma Thuột, Đắk Lắk.