Lêh Sầu riêng Đắk Lắk 2026 hăm hơnăn "Sầu riêng Đắk Lắk - Tơgoăt yak hơtăih” gô pơgơ̆r đơ̆ng ‘năr 15/8 truh 2/9 truh, ‘noh đei 17 tơdrong jang, lơ̆m noh đei 2 tơdrong jang roi tơbăt đei tơlĕch jang hơdrol kơ pơm lêh. Tơ̆ jơ pơm lêh, dôm bơngai tang măt kŭm tơgop nơ̆r hơmet ‘lơ̆ng tơdrong jang krao hơvơn tơgŭm, roi tơbăt păng roi tơƀôh vă hơtŏk ‘lơ̆ng iŏk yua pơgơ̆r lêh.

Ƀok Đào Mỹ, Phŏ Kơdră Anih vei lăng kon pơlei dêh char Đắk Lắk athei rim anih jang bơ̆jang kiơ̆ tơdrong jang, jăh jang đang dôm tơdrong jang kiơ̆ ƀlep trong jang. Akŏm bơ̆jang, hơlen lăng mă hơlen hơnăp jang păng jăh jang đang tơdrong rơih iŏk dôm anih mơdro sa, anih jang vang yak hơdai, vei sơđơ̆ng dôm tơdrong jang đei pơgơ̆r ‘lơ̆ng, sơđơ̆ng pơm đei tơdrong ‘lơ̆ng ăn năr lêh.