VOV4.Bahnar - Kiơ\ pơ tôch dăr lăng, dăr hơ len sơ năm 2017, lơ\m apu\ng Cư M’gar, de#h char Dak Lak, đei 9.510 u\nh hnam io\k đei hơ găt kon pơ lei jang chu\n mir jang sa, te\ch mơ dro hơ gei rim jăl.

U|nh hnam [ok Ama Hani (xăh Ea Tul) đei io\k yua hlo\h 300 triệu hlak jên 1 sơ năm đơ\ng pơ tăm sầu riêng, [ơ hơ lam che\h phe păng rong nhu\ng

Rim u\nh hnam kon pơ lei jang sa, te\ch mơ dro hơ gei hlôi hơ drin tơ gu\m bơ ngai dơ nu\h hin, mơ mat tat găh jên, kon yo\ng, hơ dre\ch ‘long, pơ tho khoa ho\k – ki thuơ\t, pơ tho trong jang sa, tơ mơ\t yua dôm tơ drong jang đei io\k yua nhen: tơ ru\ih đak kơ to\h, rong ie\r, pơ tăm hơ lam tiu păng ‘long sa plei lơ\m pơ gar che\h phe, vei rong rơ mo, pơ be bơ lơ\h băl... Lơ\m sơ năm, hlôi đei hlo\h 400 u\nh hnam dơ nu\h hin tơ\ Cư M’gar đei tơ gu\m hơ drin sơ đơ\ng tơ drong ar^h sa.

Thuem tơ blơ\