VOV4.Bahnar - Đơ\ng ro\ng kơ đunh khei năr da [iơ\, khei năr tơje# âu đei dơ\gn tơdrong tơdui tơmang pơhiơ\ tơ\ plei tơm Đà Lạt (Lâm Đồng) hlôi lang xă dơ\ng, pơm ăn tơmoi pơngơ\t kơ đon, pơrăm truh tơdrong hơto\k tơ iung kơ tơdrong jang tơmang pơhiơ\ kơ tơring păng pơdui lơ tơdrong ưh kơ ‘lơ\ng lơ\m tơpôl. Tơdrong tơgăl kơ pơma noh, mă anih jang kơpal dêh char Lâm Đồng hlôi tơle\ch lơ trong jang vă hơmet, mă lei tơdrong mă âu duh ưh kơ đei hơmet tơnăp.

           Dang ei lơ\m tơring kơ plei tơm Đà Lạt đei lơ khul jang chă tơdui tơmoi truh tơmang. Đơ\ng anih jang hnam xo\ng xa, anih pơdơh pơdei truh tơ\ anih te\ch tơmam et xa, hnam oei pơdơh reh jên, anih hri hơxuang, massage, karaoke... tơ\ yơ duh đei đe chă tơroi tơdui tơmoi âu to. Lơ\m noh, hơdăh hloh noh đei tơdrong năm tơmang tơ\ pơgar pơtăm plei dâu păng dôm anih te\ch tơmam kăp g^t kơ Đà Lạt, ưh kơ adro# pơm jang pơxơ\k pơxuơ\l, pơhlu\, pơđep tơmoi, pơm tơxu\l tơxa\l tơpôl tơ\ tơring.

          Kiơ\ kơ ‘nho\ng Nguyễn Trọng Phát, tơmoi đơ\ng plei tơm Hồ Chí Minh, hăm minh tơring tơmang pơhiơ\ mă đe ư ang nhen Đà Lạt mă le# đe tơdui lơ\m tơmang pơhiơ\ chă pơđep pơjuă tơmoi, pho\ noh teh tơmoi truh tơmang rơka athei năm [^ch tơ\ hnam pơgang... jing tơdrong ưh kơ ‘lơ\ng ôh. ‘Nho\ng Nguyễn Trọng Phát, ăn tơbăt: “Khul tơdui noh pơhlu\ tơmoi, đe xư akhan rim k^ plei dâu noh pơhlom minh j^t dôm rơbâu đe\ch oei năm tơ\ pơgar pơtăm noh truh minh hre\ng dôm j^t rơbâu minh k^, đe xư hơlenh kơ tơmoi noh đei. Tơdrong mă âu tơpă hlôi pơm ăn tơmoi pơngơ\t kơ đon, mă âu noh đe krao pơj^p. Inh kơche\ng athei dăh xek tơlang mă tơnăp tơdrong pơj^p âu, atu\m hăm noh pơih ăn tơmoi minh anih tơmang vă đe chă hơlen lăng pơgar plei dâu dăh mă ‘long xa plei gơh xơđơ\ng jơhngơ\m hloh”

Hơdăh đei tơdrong pơhlu\, teh dong tơmoi đei [ôh tơ\ Đà Lạt lơ\m khei năr tơje# âu noh ăh khei 5 âu ki. Minh ‘nu drăkăn oei tơ\ dêh char Đồng Nai hlôi [ơm minh ‘nu bơngai teh măh hơngơ\t [ơ\t pơkăl pơdreo tơmam hơnăn “đặc sản Đà Lạt” yuơ [ơm pơđep kơjă răt kăp dêh hnang. Tơdrong mă âu hlôi pơm ble\k kơ đon hăm kon pơlei tơ\ tơring păng ja#p teh đak mă lei bơngai teh tơmoi âu adro# [ơm hru\ hăm jên đe\ch.

Kiơ\ kơ yă Phùng Thi Vân, bơngai jang lơ\m Anih jang tơmang pơhiơ\ Hồng Kông tơ\ Hà Nội, noh tơdrong mă chă tơdui pơđep tơmoi tơmang pơhiơ\ hlôi pơm ăn bơngai năm tơmang pơngơ\t kơ đon, răk ăn đon kơche\ng ưh kơ đei hơ iă, pơrăm truh um ai ‘lơ\ng ro\ kơ plei tơm tơmang pơhiơ\ Đà Lạt, yuơ noh athei đei dôm trong jang kơtang vă hơmet. Yă Phùng Thi Vân ăn tơbăt: “{ơ\t ‘nao truh tơ\ âu noh tơmoi ưh kơ lăp kơ đon bơih, ‘nao truh noh [ơm đe chă tơdui pơđep năm truh anih xo\ng xa mă âu mă to... ‘Nâu jing tơdrong hlôi pơm pơngơ\t kơ đon hăm dôm bơngai jang găh tơmang pơhiơ\ duh nhen tơmoi truh tơmang tơ\ âu. Inh kơche\ng jơnu\m pơgơ\r tơring Lâm Đồng athei io\k jang, chă trong jang kơtang hloh noh pơtơm ke\ tang găn tơdrong mă âu”

          Yă Nguyễn Thị Nguyên, Kơdră Anih jang joh ayo\ Tơplo\ng kơdâu păng Tơmang pơhiơ\ dêh char Lâm Đồng xơkơ\t, tơdrong chă tơdui pơđep tơmoi truh tơmang pơm kơne# um ai Đà Lạt, pơrăm truh tơdrong hơto\k tơ iung kơ anih jang tơmang pơhiơ\. Tơdrong mă âu kăl đei hơmet. Adrol kơ noh, anih jang tơmang pơhiơ\ hlôi đei lơ nơ\r pơtruh păng Anih vei lăng kon pơlei dêh char Lâm Đồng duh đei hla bar pơkăl pơgơ\r dôm anih jang đei tơre\k jang atu\m vă hơmet pơ ‘lơ\ng tơdrong mă âu, vei xơđơ\ng tơpôl mă hlôi đei kơ plei tơm âu noh băt ‘mêm kơ tơmoi, hơ ‘nhăk um ai ‘lơ\ng hơ iă ăn tơmoi lơ\m păng ‘nguaih kơ teh đak truh tơmang. Yă Nguyễn Thị Nguyên ăn tơbăt: “Dang ei, dêh char hlôi đei hla bar pơgơ\r hơdăh, plei tơm Đà Lạt duh hlôi đei tơdrong xek tơlang mă tơnăp tơdrong mă âu. Hăm anih jang, lơ\m dôm tơdrong pơjao jang đei nơ\r pơkăl,  anih jang ko\ng ang duh hlôi pơgơ\r chă hơlen vă tơdrong jang hơmet tơdrong chă tơdui pơđep tơmoi gơh đei xek tơlang tơnăp. Kơlih khei năr dang ei hăp hlôi pơjing um ru\p ưh kơ ‘lơ\ng, pơm ăn kơ tơmoi đei tơdrong kơche\ng ưh kơ hơ iă, pơrăm truh tơdrong hơto\k tơ iung ăn tơdrong tơmang pơhiơ\ kơ tơring”.

         Vă hơmet pơ ‘lơ\ng hăm tơdrong chă tơdui pơđep tơmoi truh tơmang, pơm ăn tơmoi pơngơ\t kơ đon, đơ\ng blu\ng xơnăm truh dang ei, Anih vei lăng kon pơlei dêh char Lâm Đồng hlôi tơle\ch pơgơ\r lơ trong jang. Păng ‘măng pơgơ\r ‘nao âu hloh noh ăh [lon adrol ki. Mă lei, yuơ tơdrong xek tơlang oei rơdu, ưh kơ pran vă pơjuă noh tơdrong tơdrong tơdui pơđep tơmoi tơmang pơhiơ\ tơ\ Đà Lạt adoi oei [ôh lơ, tam mă đei hơmet keh kong.

Lan chih păng rapor