VOV4.Bahnar - Oei xa 30 xơnăm, mă lei thôn Nà Ven, xăh Ea Wer, apu\ng Buôn Đôn, dêh char Dak Lak duh tam đei unh hơyuh. Duh yuơ tam mă đei unh hơyuh, kon pơlei ưh ke\ ato\k tơ iung mu\k drăm, pơm ăn kơxo# unh hnam hin dơnuh to\k truh 93%, je# tong ane# kơxo# unh hnam lơ\m thôn athei jăk oei tơ\ anih nai.  

Xơnăm 1988, unh hnam yă Phạm Thị Thơm atu\m hăm 74 unh hnam jăk đơ\ng pơlei pơla Thái Bình năm oei tơ\ thôn Nà Ven, xăh Ea Wer, apu\ng Buôn Đôn, dêh char Dak Lak. Tôm 30 xơnăm jang hrat tơ\ tơring teh ‘nao, unh hnam yă Thơm duh oei hin dơnuh, oei klo yă lôch hơchăng [ơ\t tam mă tom [ôh hơdăh đơ\ng unh hơyuh teh đak. Hlôi đei 34 unh hnam tơ\ thôn Nà Ven ưh ke\ gô unh hơyuh teh đak, noh năm jăk oei tơ\ nai: Xơnăm mă yơ duh akhan je# đei unh hơyuh, ăh je# đ^ xơnăm pă [ôh unh hơyuh tơ\ yơ. Đak xo\ nhă noh nhôn yua hơlu\ng đak kuai hăm ti. Đak xo\ nhă noh mong đak ‘mi ‘măn yua, đ^ đak ‘mi noh xo\ nhă đak krong mă lei ‘me# ‘mach. Adrol ki năm tơ\ âu kơdra#m dêh, hloh 70 unh hnam, mă lei đang kơ noh đe jăk tơ\ nai dơ\ng. Tơnap tap jat, đe xư ưh ke\ erih noh jăk tơ\ nai. Bơngai yơ xơ\n nhen nhôn âu noh oei oe\i tơ\ âu”.

Lăp 30 xơnăm oei tơ\ hơgăt teh ‘nao, đơ\ng 74 unh hnam mă blu\ng truh dang ei thôn Nà Ven oei pă 40 unh hnam, hăm kơxo# unh hnam hin dơnuh đei hloh 93%. Tơdrong erih kơ kon pơlei oei tơnap tap, kơ[ah dôm tơdrong kăl hloh, noh jing unh hơyuh păng đak.

Hloh 13 xơnăm jang tơ\ Anih hơlen kon pơlei păng jang Kơdră thôn Nà Ven, [ok Nguyễn Đức Giang hơnơ\ng kơche\ng găh tơdrong erih kơ kon pơlei oei tơnap tap tôch dêh. Lơ ‘măng [ok tang măt ăn kon pơlei pơtruh nơ\r hăm kơdră jang tang măt ăn Kuôk ho#i, Anih vei lăng kon pơlei dôm jăl găh tơdrong tơnap tap yuơ ưh đei unh hơyuh, pơkăl jơnu\m pơgơ\r tơring păng anih jang kơpal tơre\k truh. Đunh kơ âu 4 xơnăm, [ok Giang atu\m hăm Kơdră Khul jang Mặt trận kơtă năm truh Anih jang unh hơyuh apu\ng Buôn Đôn apinh păng ho\k hôp kon pơlei, hơvơn kon pơlei tơgop tơgu\m vă dăng unh hơyuh đơ\ng thôn tơje#; rim bơngai drơ\ng nơ\r, mă lei yuơ hin dơnuh jat noh ưh ke\ jang keh.

Kiơ\ kơ [ok Nguyễn Đức Giang, yuơ ưh đei unh hơyuh, noh mu\k drăm – tơpôl kơ thôn Nà Ven tơnap tap lơ\m dôm j^t xơnăm kơ âu. Kon pơlei adro# pơtăm dôm hơdre\ch ‘long đei yua to\ xe\t găh mu\k drăm nhen [um [lang, hơ[o păng [a. Tơdrong ho\k pơhrăm kơ kon hơ ioh duh tơnap mơ\n. Lơ\m thôn đei hnam trưng jăl kơđeh, mă lei ho\k truh lăm 4 đe\ch, oei ho\k tro lăm 5 păng jăl THCS noh me\ [ă ho\k tro athei chơ năm ho\k tơ\ anih jang xăh ataih pơhlom 7km. Dôm tơdrong tơroi tơbăt, pơchơt noh ưh đei hiôk ôh. Pho\, yuơ mu\k drăm tơnap tap noh pơrăm truh tơdrong jang hơto\k Đảng: “Adrol ki đei 5 đảng viên, mă lei đang kơ noh 3 đảng viên kơdih apinh xut hơnăn yuơ athei chă tơmam xo\ng xa rim kơ năr. Mưh dang ei đei unh hơyuh noh gô tơjur [iơ\ hin dơnuh tơnap tap. Mă mônh noh đak xo\ nhă rơgoh gô hiôk găh ruih ăn tơmam pơtăm, rong kon tơrong. Mih ma duch nă ‘meh pơtăm lơ hơdre\ch ‘long pơtăm vă hơmet tơdrong erih nhen tơm kro#i kuich, tơm pơ o\ mă lei yuơ ưh đei đak ruih noh chiu chăi đe\ch. Mưh đei unh hơyuh noh tơdrong erih kon pơlei gô pha hloh. Đe gô pơtăm dôm hơdre\ch ‘long đunh xơnăm nhen ‘long xa plei, gô đei io\k yua lơ, hăp tơjur hin dơnuh đei pơhlom 50%.”

{ok Lê Văn Bình, Pho\ Kơdră Anih jang unh hơyuh Buôn Đôn (Anih jang unh hơyuh Dak Lak) ăn tơbăt, tơ\ tơring adro# oei thôn Nà Ven, xăh Ea Wer tam mă đei unh hơyuh teh đak. Tơdrong mă âu đei tơroi lơ\m ‘măng hop ako\m Anih vei lăng kon pơlei, mă lei tam mă axong đei tôm jên axong jang. ‘Nao âu, thôn Nà Ven hlôi đei tơmơ\t lơ\m Tơdrong axong unh hơyuh tơ\ dôm apu\ng Buôn Đôn, mă lei tenh hloh duh athei đ^ xơnăm đơ\ng ro\ng kơnh pơtơm đei unh hơyuh.

Oei xa 30 xơnăm păng ataih đơ\ng anih tơm axong unh hơyuh 4km, mă lei thôn Nà Ven, xăh Ea Wer, apu\ng Buôn Đôn, dêh char Dak Lak duh tam mă đei unh hơyuh jing minh tơdrong ưh pu\n ai. Tơdrong ưh pu\n ai noh pơdui hloi lơ tơdrong găh mu\k drăm – tơpôl kơ 74 unh hnam kon pơlei (lơ\m noh je# tong ane# hlôi jăk đơ\ng hnam oei, kơxo# nai noh hin dơnuh. Hăm tơdrong jang axong unh hơyuh ăn apu\ng Buôn Đôn, ‘meh vă lơ\m dôm xơnăm truh, thôn Nà Ven, xăh Ea Wer gô đei trong klaih đơ\ng hin dơnuh.

Lan chih păng rapor