VOV4.Bahnar - Tơ\ hơ năp tơ drong to\k hre\nh đơ\ng kơ măy kơ mo\k ‘nao, tơ drong tơ mât yoa phân mêm vei lăng, kla jên hăm điên thoăi che\p ti oei to\k pran tơ\ rim an^h jang. Tơ\ Dak Lak, đơ\ng ro\ng vă je# 2 sơ năm tơ le\ch, truh dang ei đei hlo\h 50 rơ bâu ‘nu bơ ngai tơ mât yoa phân mêm “Vei lăng tơ moi" hăm điên thoăi rơ gei. 

Dak Lak bơ ngai pơ lăp phân mêm điên lơ hlo\h kơ Tơ ring To\k bo\k păng Tây Nguyên

Kơ măy phân mêm “Vei lăng tơ moi" đei pơ lăp ưh kơ đei hiong jên lơ\m điên thoăi rơ gei ăn tơ moi. Kiơ\ kơ ‘no\h, kơ măy chă roi tơ băt găh kơ so# jơ, kơ so# jên athei kla, jơ năr kla păng hla ar chih kla jên điên tư hăm tơ moi cho# yoa u\nh điên. ‘Ngoăih kơ ‘no\h, kơ măy âu oei roi tơ băt jơ năr ku\p điên vă hơ met ming păng cho# hơ met unh điên đơ\ng hư cham. Kiơ\ đơ\ng phần mềm âu bơ ngai răt yoa păng công ty gơ\h tơ jur [iơ\ jơ năr, jên huach vei lăng păng io\k yoa u\nh điên.

Công ty jang u\nh điên Dak Lak hrei ‘nâu oei pơ vih ăn 522 rơ bâu ‘nu bơ ngai yoa điên, lơ\m no\h hlo\h 50 rơ bâu ‘nu bơ ngai pơ lăp phân mêm “Vei lăng tơ moi”, io\k đei 11%, ‘nâu j^ kơ so# lơ hlo\h tơ\ tơ ring To\k bo\k păng Tây Nguyên.

Dơ\ng: Tơ blơ\