VOV4.Bahnar - Khei năr âu ki, atu\m hăm dôm jăl jang đoàn dêh char Dak Lak, khul mơlôh Đoàn tơ\ Anih jang Unh hơyuh Dak Lak hlôi hăt hot jang hadoi, tơgu\m tơdrong jang tơ\k hơdăh jăl trong pơlei pơla tơ\ tơring ataih yaih kơ dêh char, hơ ‘nhăk ăn kon pơlei dôm jăl trong hơdăh unh hơyuh ăh kơmăng, vang jang tơnăp atu\m hăm tơring vă pơjing tơring pơxe\l ‘nao.

Blu\ng xơnăm âu, kon pơlei tơ\ xăh Ea Drông, th^ xăh Buôn Hồ, dêh char  Dak Lak chơt hơ iă [ơ\t minh [ar jăl trong tih tơ\ rim pơlei pơla lơ\m xăh đei hơmet trong tơlei unh hơdăh. Jăl trong tơlei unh ataih 2 km, hăm 40 jrăng unh tơ\k găn 7 pơlei păng 2 thôn kơ xăh Ea Drông, jên pơlăp noh je# 50 triu hlak jên noh tơdrong jang “Tơ\k hơdăh trong pơlei pơla” yuơ Anih jang Đoàn dêh char jang atu\m hăm Anih jang Đoàn kơ Anih jang unh hơyuh Dak Lak io\k jang. ‘Nho\ng Y Hùng Niê, oei tơ\ pơlei Alê Gõ, xăh Ea Drông, th^ xăh Buôn Hồ ăn tơbăt, đơ\ng đei unh kiơ\ jăl trong, tơdrong vih vơ\t ăh kơmăng kơ kon pơlei [ônh hiôk hloh, tơdrong chă pơ\k gre yuơ kơmăng kơmu dăh mă kle\ tơtông duh tơjur [ôh hơdăh: “Anih jang đoàn dêh char păng Anih jang unh hơyuh tơgu\m ăn tơring đei unh tơ\k hơdăh jăl trong kon pơlei vih vơ\t. Kơdih po inh păng kon pơlei tơ\ xăh duh chơt hơ iă păng hăt hot tơgu\m, đei unh hơyuh tơ\k hơdăh ăn kon pơlei vih vơ\t hiôk hian păng duh tơgop ăn tơdrong pơkăp jang tơ iung pơjing tơring pơxe\l ‘nao kơ tơring roi năr roi đei hơmet hơto\k hloh”.

Duh gơnơm đei tơdrong jang Tơ\k hơdăh jăl trong pơlei pơla mă đơ\ng je# đ^ xơnăm 2016 truh dang ei, dôm jăl trong tơ\ xăh xơlam teh Ea Bung, apu\ng Ea Súp jing hơdăh ăh kơmăng. Vă jang đei tơdrong jang âu, Khul Đoàn kơ Anih jang unh hơyuh Dak Lak jang atu\m hăm Anih jang Đoàn dêh char tơle\ch pơlăp 80 jrăng unh hơdăh ataih truh 4 km tơ\ dôm jăl trong tơm lơ\m xăh. Yă Trần Thị Hoài, oei tơ\ xăh Ea Bung, apu\ng Ea Sup tơroi, tơ\ âu kon pơlei mă lơ noh jang mir, mă hăt noh ăh khei kăt yua tơmam choh pơtăm roi vih vơ\t kiơ\ trong kơdra#m hloh măng năr hloi. Đơ\ng đei unh hơdăh kiơ\ trong, tơdrong vih vơ\t kơ kon pơlei hiôk hian hloh kơ adrol ki: “Adrol ki, jăl trong tơ\ xăh xơlam teh âu tơnap tap yuơ ưh đei hơdăh, truh dang ei đei tơdrong tơgu\m đơ\ng Anih jang unh hơyuh noh jăl trong âu đei tơ\k hơdăh noh nhôn xơđơ\ng jơhngơ\m vih vơ\t ăh kơmăng, hăp da [iơ\ kơ xar bar. Lơ ‘măng unh hnam inh jang mir vih măng vă chă hơ ‘nhăk đak nhă, jăl trong tơnap kơ vih vơ\t noh adoi hrat mơ\n”.

Đơ\ng xơnăm 2014 truh dang ei, dôm tơdrong jang “tơ\k hơdăh jăl trong pơlei pơla” hlôi đei tơle\ch jang truh lơ pơlei pơla ataih yaih tơ\ Dak Lak, hơ ‘nhăk ăn tơdrong chơt hơ iă ăn kon pơlei tơring tơnap tap. Lơ\m xơnăm 2017 dôm jăl jang đoàn dêh char Dak Lak hlôi jang đei 3 tơdrong jang hăm kơxo# ataih truh 5 km. Ưh adro# dui unh hơyuh tơ\k hơdăh dôm jăl trong, khul đoàn viên hơdruh tơdăm oei tơgu\m ăn rim unh hnam yua unh hơyuh xơđơ\ng păng mong [iơ\.

‘Nho\ng Phạm Trọng Phát, Pho\ kơdră Jơnu\m jang găh hơdruh tơdăm Việt Nam dêh char  Dak Lak ăn tơbăt, lơ jên axong ăn tơdrong jang Tơ\k hơdăh trong pơlei pơla yuơ Anih jang Đoàn dêh char hơvơn tơdrong tơgop tơgu\m đơ\ng dôm anih jang mu\k drăm, rim anih jang đoàn tơ\ tơring tơgu\m tơmam drăm păng bơngai jang. Mă kăl noh, dôm tơdrong jang đei io\k tơdrong tơgu\m kăp g^t đơ\ng anih jang Đoàn kơ anih jang Unh hơyuh Dak Lak lơ\m tơdrong ming man păng tơgu\m kih thuơ\t: “Io\k jang tơdrong jang âu noh nhôn hlôi đei tơdrong tơgu\m đơ\ngJơnu\m jang kơ anih jang mu\k drăm dêh char păng mă kăl noh anih jang Unh hơyuh Dak Lak hlôi đei tơdrong tơgu\m găh bơngai jang duh nhen tơgu\m găh kih thuơ\t păng dôm tơdrong nai tơre\k truh vă jang tơdrong pơkăp. ‘Meh vă dôm tơdrong jang gô hơ ‘nhăk tơdrong hơdăh ăn dôm tơring lơ\m tơdrong vei xơđơ\ng tơpôl kơ kon pơlei păng tơgu\m ăn tơdrong ako\m ho\k hôp Đoàn – Jơnu\m jang duh nhen tơdrong vih vơ\t kơ kon pơlei, tơgop hơto\k mu\k drăm tơ\ tơring”.

Dôm tơdrong jang Tơ\k hơdăh trong pơlei pơla tơ\ Dak Lak hlôi tơgop pơjing tơdrong hơ iă tơ\ rim pơlei pơla ăh kơmăng, pơm trong hiôk hloh ăn kon pơlei vih vơ\t. Ưh adro# pơm pơguăng um ai tơring pơxe\l, ang hơdăh unh tơ\k rom jăl trong mă oei tơgop kăp g^t lơ\m tơdrong vei xơđơ\ng tơpôl tơ\ tơring.

Lan chih păng rapor