VOV4.Bahnar - Mă oei 'la#p mă lei lơ khul hơmuh tơ\ Dak Lak hlôi đei lơ tơdrong jang rơgei găh khoa ho\k, io\k yua păng jang đei jơnei lơ\m tơdrong erih jang xa.

Bơ\ng pang păng tơmơ\ng tơroi kơ dôm tơdrong xar bar kiơ\ trong nơnăm yuơ bơngai vơ\r gre kơdâu renh, kơdâu kư\ kă, oh Vũ Thanh Sơn, ho\k lăm 9C, Hnam trưng THCS Dray Bhăng, xăh Dray Bhăng, apu\ng }ư\ Kuin, dêh char Dak Lak hlôi pơm tơle\ch minh pôm kơmăi hơlen trong nơnăm ăn gre hơyuh, vă pơm hơda gre kơdâu, tơroi adrol đei tơmam pơgăn trong. Đơ\ng ro\ng 6 khei chă hơlen păng yua pơlong năng, Sơn hlôi pơm tơle\ch lơ kơmăi tơnăp vă hơlen gre honđa hăm 5 tơdrong 'lơ\ng: [ôh bang păng hơlen gre kơdâu renh; pơkă ataih đơ\ng tơmam pơgăn tơ\ anăp, tơjur ge gre kơdâu, kơdih gơ\t phrăn; hơlen tơdrong kơdâu renh; tơbang đak xăng oei dôm yơ lơ\m kơmang um; tơbăt găh unh xinhal.

Kơmăi âu hlôi đei pôk hơpăh mă mônh lơ\m 'măng pơlong khul hơmuh rơgei kơ dêh char Dak Lak xơnăm 2017, jơnei mă mônh lơ\m tơdrong pơlong rơgei khoa ho\k kih thuơ\t khul hơmuh dêh char Dak Lak xơnăm ho\k 2016 – 2017 păng hơpăh hơlêm jơhngơ\m lơ\m 'măng pơlong rơgei găh khoa ho\k kih thuơ\t khul hơmuh ja#p teh đak xơnăm 2016.

Oh Vũ Thanh Sơn tơroi: Lơ\m tơdrong erih rim năr, [ơ\t inh le\ch tơ\ trong vih vơ\t noh inh [ôh xar bar trong nơnăm lơ dêh. Inh 'meh tơmam mă inh pơm tơle\ch đei io\k yua đơ\ng dôm anih jang kơpal, mă kăl noh hăm dôm anih pơm tơle\ch păng io\k yua kơmăi inh pơlăp lơ\m gre honđa vă tang găn [iơ\ gre kơdâu renh duh nhen tơroi găh tơmam pơgăn tơ\ anăp lơ\m tơdrong vih vơ\t.

  Duh đơ\ng tơdrong tơnăp chă hơlen băt, oh Nguyễn Trần Nhất Phi, ho\k lăm 9B, hnam trưng THCS 19/8, xăh Ea Tiêu, apu\ng }ư\ Kuin, dêh char  Dak Lak hlôi kơdih chă hơlen đơ\ng mạng Internet găh tơdrong ako\m kơmăi kơmo\k đie#n tưh. Oh hlôi pơm tơle\ch keh kong Robot trep [ruih pơ 'nguaih lơ\m hnam po. 'Nao âu, Phi pơtoi hơlen băt păng ako\m kơmăi hơlen unh hơyuh lơ\m hnam hăm đie#n thoăi 'nao. Hăm kơmăi âu, kăl pơtoi hăm đie#n thoăi kiơ\ bluetooth, tơdrong tơpăt păng pơih dôm tơmam drăm yua unh hơyuh nhen kơ[o\ng unh, hla pơi, ti vi,... jing [ônh [o\ hloh ăn bơngai yua, mă hăt noh hăm bơngai kră, bơngai hơven hơvo, Nguyễn Trần Nhất Phi ăn tơbăt, yuơ kơdih chă ho\k hơlen noh tơjra#m lơ tơnap tap păng ưh đei jơnei, mă lei hăm tơdrong hơlêm đơ\ng 'nho\ng oh unh hnam păng thây pơtho noh jing jơhngơ\m pran vă oh pơtoi keh đang tơmam drăm po pơm tơle\ch: Mă blu\ng noh inh pơm không hnam đe\ch. Đang kơ noh inh ho\k găh tơdrong ako\m lập trình găh hơlen đơ\ng ataih păng hơlen dôm tơmam đie#n tưh tro\ [lep hăm hnam. Đơ\ng ro\ng kơ noh inh pơtoi dôm trong tơlei hăm dih băl păng kơdâu hơlen lăng. Ăh oh bơ\ noh minh [ar trong tơlei đie#n tưh, mă blu\ng tam mă keh đang ôh, noh hăp ưh gơh kơdâu, pơm ăn inh lao đon. Đang kơ noh đei unh hnam tơgu\m, mă hơtuch noh inh pơm tơle\ch keh kong.

Oei hăm oh Nguyễn Ngọc Hồng Ánh, ho\k tơ\ hnam trưng THCS Cao Bá Quát, xăh }ư\ M’gar, apu\ng }ư\ M’gar, dêh char Dak Lak, kơche\ng vă pơm tơle\ch gre kơdâu kơdih vă ako\m rơm re\k, ako\m hơ um tăh cà phê lơ\m kơ[ao yuơ [ôh me\ [ă jang hrat lơ\m dôm pơyan pe\ yua păng xơ\k  cà phê. Đơ\ng ro\ng chă hơlen băt, păng gơnơm đei tơdrong tơ\gu\m đơ\ng thây pơtho păng bôl boăl,  Ánh hlôi pơm tơle\ch đei gre kơdâu pran 4 jơhngơ\m axeh, đei 'long dui kơxo# vă kơdâu păng đei tơlei kurua vă ako\m păng kôch cà phê tăh lơ\m kơ[ao. Hăm gre âu, tơdrong ako\m cà phê jing [ônh [o\ hloh, mong [iơ\ jơ păng jơhngơ\m jang ăn bơngai yua.

Oh Nguyễn Ngọc Hồng Ánh tơroi: Tơdrong hơlen pơm tơle\ch gre âu noh đunh khei năr. Pơtih nhen tơlei kurua hăp noh inh athei tuh lơ\m tong hnong noh hăp hơto\k tơple\ng tơ\ 'nguaih, athei hơmet jơva đôh lu\k lăk vă hăp hơda hloh. Păng oei đei lơ tơdrong kăl hơmet noh inh gơnơm thây pơtho tơgu\m ăn. Inh 'meh vă ăh pơm tơle\ch keh kong păng pơm tơle\ch lang xă ăn kon pơlei da [iơ huach jơhngơ\m jang hloh. Kơjă gre âu pơhlom 5 triu hlak jên noh inh kơche\ng gơh pơm tơle\ch lơ vă te\ch ăn bơngai jang io\k yua.

Đơ\ng dôm tơdrong kăl lơ\m tơdrong erih, lơ khul hơmuh tơ\ Dak Lak hlôi chă hơlen ho\k pơm tơle\ch lơ kơmăi kơmo\k khoa ho\k kih thuơ\t. Đơ\ng noh tơgu\m đe oh hơto\k tơdrong rơgei păng pơ 'nam hơlen khoa ho\k, io\k yua tơdrong hlôh vao hlôi đei ho\k vă io\k yua lơ\m tơdrong erih.

Lan chih păng rapor