VOV4.Bahnar - Đ^ 30 sơ năm mơ\t tơ\ Dak Lak ar^h sa mă lei kơ hre\ng u\nh hnam kon pơ lei tơ\  xăh Ea Toh, apu\ng Krông Năng oei tam mă đei yua u\nh điên te\h đak. Kon pơ lei hơ pơi ‘me\h an^h jang u\nh điên hro#ih tơ mơ\t jên jang hơ nhăk tơ ley u\nh điên v^h tơ\ tơ ring tơ rang vă pơ yua ăn ‘me\h vă oei sa păng jang sa.  

Thôn Tân Trung B lăp hơ tăih kơ an^h kơ drơ\m xăh Ea Toh tam mă tru\h 1 km mă lei dôm j^t sơ năm kơ âu, pơ đ^ kơ hre\ng u\nh hnam kon pơ lei kơ thôn oei tam mă đei cho# u\nh điên. Lơ u\nh hnam kon pơ lei athei chă tăh jên kơ d^h, cho# u\nh điên hơ tăih đơ\ng 1 tru\h 3 km, đơ\ng thôn nai vă yua..

Mă hơ tuch u\nh điên tơ\ Tân Trung B dang ei jing dôm jrăng tơ jră chă pơm pơ gia, tơ ley u\nh điên cho# hr^l hrăl, lơ jăl hor jur tơ\ trong.

Yua đơ\ng cho# u\nh điên ư\h kơ vei sơ đơ\ng ‘me\h vă ki thuơ\t kơ na hiong hoach tôch kơ lơ. Lơ\m jơ tơ\k yua tơ\ gơ măng, kon pơ lei vă đ^ đăng ư\h kơ gơ\h yua dôm tơ mam u\nh điên. Dôm u\nh hnam ‘me\h [ôm đei đak kuay vă yua, athei gô tru\h măng mơt ‘mơ\i. {ok Nguyễn Công Hoàn, kon pơ lei thôn Tân Trung B tơ băt:“M^nh, [ar jơ pơ gê kon pơ lei tep ‘mơ\i mă  gơ\h [ôm đei đak, oei tơ\ kơ ‘năr rim ‘nu kon pơ lei u\nh điên ư\h kơ jăng yua ư\h kơ gơ\h. {ơ\t lăp dôm bơ ngai tơ\ hnam cho# u\nh điên blu\ng, đe sư [ôm đak ‘no\h dôm hnam tơ\ găh ro\ng pai por ư\h kơ gơ\h, u\nh điên năr ‘no\h kơ [o\ng u\nh đeng, tơ mam u\nh điên sa đ^.” 

{ok Nguyễn Văn Trung ku\m jing kon pơ lei thôn Tân Trung B ‘no\h tơ roi: “U|nh điên ư\h kơ jăng hloi, 5 jơ kơ sơ\ [ôm đak ư\h kơ gơ\h, tru\h 6 jơ kơ sơ\ pai por ku\m hơ dr^h, so\ng sa hăm u\nh kơ đeng, tep hăm u\nh điên, gơ măng tep ‘no\h u\nh điên jăng. ‘Me\h vă đơ\ng kon pơlei đei u\nh điên vă ăn kơ kon sâu sư ho\k pơ hrăm”.

Trong tơ ley u\nh điên kơ plei Tân Trung B rơ do tơ ter trong

{ok Phạm Ngọc Kỳ-Bí thư chi bộ thôn Tân Trung B tơ băt, hăm tơ drong tơ mơ\t jên jang cho# u\nh điên chă pơ gia nhen dang ei, kon pơ lei athei pu\ kơ jă u\nh điên măk hlo\h 2 ‘măng pơ têng hăm kơ jă hmă đơ\ng an^h jang u\nh điên. Tơ drong u\nh điên ư\h kơ jăng ku\m pơm ăn lơ hiong răm ăn kon pơ lei: “Kơ jă u\nh điên tôch kơ măk ro\lăng tru\h hlo\h 3 rơ bâu hlak jên 1 k^. U|nh điên ư\h kơ jăng sư hư đ^ dôm tơ mam yua lơ\m hnam. Kon pơ lei tôch kơ ‘me\h vă đei u\nh điên ‘nao.”

{ok Trần Thái Thạnh- Kơ dră an^h vei lăng kon pơ lei xăh Ea Toh tơ băt, ư\h khan lăp hơ dro# thôn Tân Trung B, tơ\ xăh Ea Toh lơ pơ lei nai ku\m yua u\nh diên chă pơm pơ gia kơ d^h, hiong tôch kơ lơ. “Lơ\m xăh Ea Toh, tru\h dang ei mă đơ\ng 100% u\nh hnam hlôi yua u\nh điên. Mă lei tơ drong u\nh điên chă cho# kơ d^h oei ư\h kơ vei sơ đơ\ng. Tơ pă yan âu lơ\m xăh oei đei hlo\h 5 pơ lei tam mă đei u\nh điên đei tơ mơ\t jên jang kiơ\ [lep hơ găt. ‘Me\h vă an^h jang kơ pal, mă loi ‘no\h j^ an^h jang u\nh điên bơ ngơ\t tru\h tơ mơ\t jên jang hro#ih vă pơm tơ ley u\nh điên vei sơ đơ\ng ‘me\h vă đơ\ng kon pơ lei.”

Kiơ\ kơ an^h jang u\nh điên Krông Năng, dang ei đei hlo\h 600 an^h kon pơ lei tơ\ lơ pơ lei pơm tơ\ tơ ring, to\k bo\k chă tăh kơ d^h jên cho# u\nh điên yua, ako\m tơ\ dôm xăh Ea Toh, Dliê Yang, Ea Tân. Tơ drong ư\h kơ măh u\nh điên pơ dui đunh hlôi [ơm ư\h kơ ‘lơ\ng t^h tru\h tơ drong ar^h sa oei sa păng jang sa đơ\ng kon pơ lei./.

          Tuấn Anh: Ch^h

          Thuem: Tơ blơ\