Tơ̆ jơ sơng, Thủ tướng ‘meh vă 2 păh hơnơ̆ng jang hơdai kơjăp tơlĕch jang đei yua hlôh vao atŭm iŏk đei đơ̆ng 2 ‘nu Tổng Bí thư, Kơdră teh đak, mă loi ‘noh jĭ pơvei joăt joe ‘lơ̆ng hơiă đơ̆ng tơƀơ̆p băl kơdră kơpal, tŭn pran jang hơdai tơpă ‘lơ̆ng lơ̆m rim tơdrong jang, hơdrin jang kiơ̆ jơnei dôm tơdrong hơgăt hơtŏk tơiung kơ 2 teh đak.

Thủ tướng athei Trung Quốc tơgŭm, pơm tơdrong hiôk vă Việt Nam vang jang đei yua tơdrong jang “Vang tơgŭm anih tĕch mơdro tih - Tĕch tơlĕch tơ̆ teh đak Trung Quốc", pơih ‘măng hiôk hloh dơ̆ng hăm dôm tơmam đơ̆ng choh jang sa, ka hơdang păng vei rong kon tơrong kơ Việt Nam; tŭn pran jang hơdai khoa hŏk kơmăy kơmŏk, pơtho pơhrăm; pơjing trong tơlĕch jang hơdăh vă tơlĕch jang Sơnăm jang hơdai tơmang lăng Việt - Trung 2026 - 2027; hơtŏk loi dơ̆ng jang hơdai pơgang.