Tơ̆ hop akŏm, ƀok Lữ Ngọc Bình, Kơdră Khŭl pơgơ̆r jang kơ Anih jang Đảng dêh char Quảng Ngãi hlôi roi tơbăt Tơdrong tơchơ̆t đơ̆ng Ban Bí thư Trung ương Đảng găh tơdrong athei ƀok Đặng Quang Hà, Bí thư Đảng ủy, Kơdră Jơnŭm vei lăng kon pơlei xăh Măng Đen; ƀok Nguyễn Văn Trọng, Kơdră Anih vei lăng găh Jên hu vang jang lơ̆m Khŭl chĕp kơ̆l pơgơ̆r Đảng bộ dêh char Quảng Ngãi, jăl jang 2025 - 2030.

Ban Bí thư kŭm tơlĕch ăn Tơdrong tơchơ̆t athei Đại tá Mai Kim Bình, Chính ủy Anih tơm pơgơ̆r Khŭl lĭnh dêh char vang jang lơ̆m Khŭl chĕp kơ̆l pơgơ̆r Đảng bộ dêh char Quảng Ngãi, jăl jang 2025 - 2030. Ƀok Hồ Văn Niên, Bí thư Anih jang Đảng dêh char Quảng Ngãi lui ngeh, kiơ̆ lơ̆m hơnăp jang ‘nao, dôm bơngai ‘nao đei vang jang lơ̆m Khŭl chĕp kơ̆l pơgơ̆r Đảng bộ dêh char gô hơnơ̆ng hơtŏk jơhngơ̆m đon jang tơnăp, pôm ƀơ̆r đon, tơplih ‘nao, pơcheh hơgei, vang hơdai hăm đĭ đăng Khŭl chĕp kơ̆l pơgơ̆r Đảng bộ dêh char bơ̆jang jơnei dôm hơnăp jang chĭnh trĭ, tơdrong hơgăt hơtŏk tơiung kơ dêh char jăl jang 2025 - 2030.