VOV4.Bahnar - Vă je# 7 sơnăm au ki, hăm kơchư\k Kơdră che\p pơgơ\r Ko\ng ang tơring Ea Ô, apu\ng Ea Kar, dêh char Dak Lăk, [ok Bùi Trọng Lực hlôi iung jang kơtang hăm rim an^h bơ\ jang tơring tơ iung pơ jing rim trong jang “Jơva teng neng ve\i lăng sơđơ\ng”; “Bơngai jang mơdro sa hăm tơdrong ve\i lăng sơđơ\ng dơ\ng kơ jăp”; păng “Al loa chă rapor pơro# pơrôp” vă pơm sơđơ\ng dơ\ng kơ jăp lơ\m tơring.

Thôn 12 ‘no\h jing thôn [ơ\t an^h kơdrơ\m tơring Ea Ô, apu\ng Ea Kar, hăm lơ an^h te\ch mơdro, pơchơt pơ hiơ\ pơgơ\r. Lơ khu\l hơdru\h tơdăm lơ\m tơring hơnơ\ng rơ\ih io\k an^h au chă ako\m, pơm ngôi, pơm tơdrong ư\h sơđơ\ng kơtang.

{ok Phan Tiến Sỹ, oe\i tơ\ thôn 12, tơring Ea Ô, apu\ng Ea Kar tơbăt, dôm sơnăm hơdrol, tơring au jing an^h ư\h sơđơ\ng kơtang mư\h tơdrong chă tơtông kle\, te\h d^h băl đe\i [o#h hơnơ\ng. Mă le\i jo# đơ\ng mă đe\i trong jang “Jơva teng neng sơđơ\ng” đe\i tơle\ch jang hlôi sơđơ\ng bơih. " Đơ\ng mă ko\ng ang tơring pơ jing trong jang “Jơva teng neng sơđơ\ng”, mư\h teng neng tơbăt ư\h kơ ăn chă ngôi đe\i tôn ‘no\h đ^ đăng kon pơlei, an6h te\ch mơdro et sa au to jang kiơ\ [lep jơ ‘năr ăn pơdơ\h pơgơ\r te\ch mơdro hloi. Trong jang jơva teng neng đe\i pơ jing ‘no\h tôch ‘lơ\ng hơ iă, kơ yuơ tơdăh ư\h kơ đe\i jơva teng neng ‘no\h đe\i tơdrong ư\h hơ iă kơ yuơ rim ‘măng khu\l ko\ng ang chă pơtrui ư\h kơ ke\ chă pơtho khan kon pơlei, athe\i rim an^h te\ch mơdro pơdơ\h. Mư\h đe\i jơva teng neng đe\i chă tôn le\i hơdru\h tơdăm pă đe\i jơ vă pơgau, tơdrong chă te\h [e\ng kơ [o\ng sa jên, tơtông kle\ pă đe\i bơih."

Đơ\ng tơdrong jơne\i kơ trong jang “Jơva teng neng sơđơ\ng”, vă đ^ sơnăm 2014, [ok Bùi Trọng Lực hlôi chă ap^nh athe\i Kơdră che\p pơgơ\r Dơno\ an^h ve\i lăng kon pơlei tơring Ea Ô pơ jing trong jang “Bơngai mơdro sa hăm tơdrong sơđơ\ng dơ\ng kơ jăp''. ‘Moi kiơ\ trong jang au, rim bơngai jang mơdro sa vang chă tơra kon jên vă tơgu\m djru ăn an^h mong jên tơgu\m djru ăn to\k io\k jên ư\h kơ io\k jên che\h ăn dôm bơngai pơnă hlôi le\ch đơ\ng hnam pơnă bro\k v^h tơ\ tơring jang sa oe\i sa ‘lơ\ng hơ iă hăm kon pơlei pơla.

{ok Phạm Xuân Bính, 59 sơnăm oe\i lơ\m thôn 5A, tơring Ea Ô, apu\ng Ea Kar tơroi tơbăt, [ơ\t blu\ng sơnăm 2015, lăp đơ\ng ro\ng le\ch đơ\ng hnam pơnă bro\k tơ\ tơring tơdrong er^h sa tôch tơtap tap kơ yuơ kơdơ\ kon pơlei pơla, ‘me\h vă jang sa mă le\i ư\h kơ măh kon jên tơmơ\t jang, tim mă băt trong jang sa yă kiơ.

{lep lơ\m jơ ‘năr ‘no\h, rim an^h bơ\ jang lơ\m au bơngai tang măt ‘no\h [ok Bùi Trọng Lực, Kơdră che\p pơgơ\r Ko\ng ang tơring Ea Ô hơnơ\ng chă năm ngôi, pơtho khan, tơgum djru. Ư|h khan lăp lơ lo\h đe\ch ôh, [ok Lực oe\i to\k io\k kon jên đơ\ng An^h mong jên “Bơngai mơdro sa hăm tơdrong sơđơ\ng dơ\ng kơ jăp” vă tơgu\m ăn tơmơ\t jên jang rong kon tơrong. Đơ\ng kon jên au atu\m hăm kon jên đơ\ng u\nh hnam kơtum kơto\ng chă tơgu\m ăn [ok hlôi răt rong nhu\ng yo\ng păng nhu\ng rong te\ch. Tru\h dang e\i [ok hlôi rong đe\i vă je# 100 to\ nhu\ng, lơ\m m^nh sơnăm te\ch mơdro io\k đe\i hlo\h kơ hre\ng tr^u hlak jên. {ok Phạm Xuân Bính tơroi:"Kơte\ch sơnăm rôp ch^t bro\k v^h tơ\ hnam ‘no\h ba sơ ‘ngon dêh, u\nh hnam tơnap tap dơ\ng. Đơ\ng ro\ng ‘no\h păh ko\ng ang, mă kăl ‘no\h j^ ‘nho\ng Lực, tang măt ăn tơring jur năm chă pơma dơnu\h, pơtho khan, hơlêm đơ\ng no\h ăn to\k io\k 50 tr^u hlak jên, ^nh hlôi chă ako\m hăm kon jên to\k io\k đơ\ng bôl boăl vă răt rong nhu\ng. Đơ\ng no\h u\nh hnam chă rong đe\i nhu\ng yo\ng hlo\h 30 to\, hăm hlo\h 100 to\ nhu\ng rong te\ch kơna m^nh sơnăm chă te\ch io\k đe\i đơ\ng 150-200 tr^u hlak jên. Gơnơm đơ\ng no\h kơna mă đe\i kon jên ăn kon hơ ‘lơ\p t^h vơ\ djơ\ ‘lơ\ng, đe\i hnam oe\i sơđơ\ng."

Kiơ\ đơ\ng [ok Bùi Trọng Lực, tơring Ea Ô ‘no\h jing tơring atăih yăih kơ apu\ng Ea Kar, hăm vă je# 12.000 ‘nu măt bơngai păng 10 hơdre\ch hơdrung vang er^h sa, jang sa. Ea Ô hơnơ\ng jing “Tơring tơm hlo\h” găh tơdrong ư\h sơđơ\ng kơ apu\ng Ea Kar. Vă hơmet pơ ‘lơ\ng tơdrong au, [ok hlôi ho\k pơ hrăm jang kiơ\ đơ\ng lơ tơring păng tơbăt kơdră che\p pơgơ\r Dơno\ an^h ve\i lăng kon pơlei tơring Ea Ô, ko\ng ang apu\ng Ea Kar ăn pơ jing rim trong jang ve\i lăng kơ d^h tơdrong sơđơ\ng dơ\ng kơ jăp. Đơ\ng mă rim trong jang đe\i tơle\ch jang kiơ\, khu\l bơ\ jang găh au atu\m hăm kon pơlei lăp đon jang kiơ\ kơna tơdrong ư\h sơđơ\ng hlôi tơpu\h hu\t ke\.

{ok Lực tơroi tơbăt, lơ\m rim trong jang to\k bo\k đe\i tơle\ch jang ‘no\h [ok lăp đon hlo\h hăm trong jang “Jơva teng neng ve\i lăng sơđơ\ng”. Trong jang au đe\i pơ jing 3 tơdrong: teng neng pơtru\t ho\k pơ hrăm, teng neng tơbăt sơđơ\ng dơ\ng kơ jăp păng teng neng tơbăt đe\i tơdrong vă kon pơlei atu\m hăm khu\l ve\i lăng năng tông sơđơ\ng pơlei pơla jang kiơ\. ‘Moi kiơ\ trong jang jơva teng neng tơbăt đe\i tơdrong, dôm sơnăm au ki khu\l ko\ng ang tơring atu\m hăm kon pơlei hlôi [o#h păng rôp đe\i lơ bơngai kơ chu, lơ ‘măng đe tơtông kle\ mu\k drăm: "Tơ\ thôn 1B, kon pơlei [o#h đe\i khu\l hao gre bơb^t tơtông ko\. Kon pơlei hlôi tôn teng neng tơbăt đe\i tơdrong hơvơn kon pơlei vă răp rim trong vă rôp 2 ‘nu bơngai păng gre bơb^t hăm 2 to\ ko\ mă sư tơtông. Lăp rôp đe\i, bơngai tang măt pơlei tơroi ăn ko\ng ang jur năm, pơjao ăn ko\, gre bơb^t păng 2 ‘nu bơngai ăn ko\ng ang chơ v^h tơ\ apu\ng xek tơlang."

{ok Vũ Huy Khôi, Kơdră che\p pơgơ\r Dơno\ an^h ve\i lăng kon pơlei tơring Ea Ô tơbăt, tơring đe\i Dơno\ an^h ve\i lăng kon pơlei apu\ng Ea Kar rơ\ih io\k jing tơring jang tơm kơ dêh char lơ\m tơ iung pơ jing tơring tơrang ‘nao. Lơ\m tơ iung pơ jing tơring tơrang ‘nao, trong pơkăp jang găh ve\i lăng sơđơ\ng dơ\ng kơ jăp ‘no\h trong pơkăp jang [ônh pơm kiơ\ mă le\i tôch tơnap ve\i lăng kơ jăp hơnơ\ng pơtêng hăm rim trong pơkăp jang anai. Lơ\m dôm sơnăm au ki, Ea Ô hơnơ\ng ve\i kơ jăp trong jang au vă jang keh đang hrôih tơdrong jang tơ iung pơ jing tơring tơrang ‘nao. Io\k đe\i jơne\i au đe\i tơdrong tơgop t^h tên đơ\ng kơd^h [ok Bùi Trọng Lực, kơdră che\p pơgơ\r Ko\ng ang tơring. {ok Vũ Huy Khôi tơbăt: “ Lơ\m dôm sơnăm au ki, kiơ\ trong jang tơbăt ăn, che\p pơgơ\r đơ\ng khu\l ko\ng ang tơring lơ\m au đe\i [ok Bùi Trọng Lực, Kơdră che\p pơgơ\r Ko\ng ang tơring, sư hlôi pơ cho\h trong ăn tơring che\p pơgơ\r păng pơro# jang kiơ\ ‘lơ\ng lơ\m bơ\ jang ve\i lăng sơđơ\ng dơ\ng kơ jăp. Đơ\ng mă jing tơring ư\h sơđơ\ng kơtang ‘no\h tru\h dang e\i tơdrong sơđơ\ng dơ\ng kơ jăp lơ\m tơring hlôi ve\i kơ jăp gơnơm rim trong jang ve\i lăng sơđơ\ng đe\i tơle\ch jang kiơ\. Tru\h khe\i năr dang e\i gơ\h vă sơkơ\t hơdăh tơdrong jơne\i đơ\ng rim trong jang au to\k bo\k tơle\ch jang ‘lơ\ng, mă kăl ko\ng ang apu\ng Ea Kar hlôi rơ\ih io\k trong jang “Jơva teng neng ve\i lăng sơđơ\ng” vă lang sa\ pơm kiơ\ lơ\m apu\ng au hloi”.

Hăm tơdrong hlôi io\k đe\i jơne\i lơ\m dôm sơnăm au ki, Kơdră che\p pơgơ\r Ko\ng ang tơring Bùi Trọng Lực hlôi đe\i an^h bơ\ jang tơring, Ko\ng ang dêh char Dak Lăk pôk ăn lơ anăn g^t kăl, mă kăl ‘no\h Thủ tướng Te\h đak pôk ăn Hla bơar hôn bơnê kơ yuơ vang tơgop ‘lơ\ng hơ iă g^t kăl lơ\m tơdrong jang ve\i lăng sơđơ\ng dơ\ng kơ jăp Te\h đak. Mă le\i, hăm [ok Lực tơmam pôk hơpăh t6h tên hlo\h, g^t kăl hlo\h hăm [ok ‘no\h ro\ năng tơdrong lui kiơ\ kơ jăp đơ\ng kơdră kơpal, rim bôl boăl bơ\ jang, atu\m hăm rim răih kon pơlei păng tơdrong oe\i sa sơđơ\ng dơ\ng kơ jăp tơ\ tơring ‘no\h kăl hlo\h.

Bơngai ch^h: Tuấn Long

Tơblơ\ nơ\r: Amazưt