VOV4.Bahnar - Hnam kơ măy tang ‘măng, hu\t le# kơ hre\ng ha kơ tao lôch tơ\ mir; kơ ti hlak jên jang, hlo\h 1 sơ năm hu\t jơ hngâm, đak pơ uh pơ ang đơ\ng kmon pơ lei oei vă hiong pơ đ^ ưh đei xa kiơ... ‘No\h j^ tơ drong oei đei tơ\ 2 apu\ng Ea Súp păng Buôn Đôn (de#h char Dak Lak). Đon hơ me\ng jang hơp doi đơ\ng an^h te\ch mơ dro hăm vă pơm sơ đơ\ng mu\k drăm, hơ to\k tơ drong pơ jing tơ ring tơ rang ‘nao ‘nao vă iung ‘no\h đ^ dơ\ng tơ\ hơ năp tơ drong ưh kơ jing bơih.

Nhôn năm dơ\ng tơ\ apu\ng Ea Súp păng Buôn Đôn (de#h char Dak Lak) [ât pơ yan jang kơ tao ‘nao truh dơ\ng. Hơ dai hăm pơ gar kơ tao ‘lơ\p kơ jung hlo\h kơ kơ\l, lơ pơ gar kơ tao kră đ^ jô ho\nh, păk yoa ưh jăh ko\h. Mo\ Đinh Thị Hằng, thôn 11, xăh Ya Tơ Mốt, apu\ng Ea Súp tơ roi, kơ tao đei pơ tăm lơ tơ\ âu đơ\ng sơ năm 2017. Kơ plăh do\h sơ\, pơ tăm kơ tao j^ trong jang đei kon pơ lei hơ me\ng hlo\h, yoa đei Công ty jang kơ tao pơm s^k Dak Lak tơ mât 1 păh jên jang păng pơm hla ar răt io\k đ^ tơ mam jang đei. Mă lei truh sơ năm ‘nâu, kơ tao jing ‘long pơ tăm pơ răm lơ hlo\h. Pơ yan ro\l kơ tao 2018 đ^ tôch hlo\h 1 khei mă lei oei đei tôch lơ pơ gar kơ tao tam mă ko\h, athei hu\t sư kră tơ\ mir. Mă đơ\ng kon pơ lei păng hnam kơ măy âu đei hla ar pơ kăp răt io\k tơ mam ră, mă lei kiơ\ mo\ Hằng, jang hơ dai kiơ\ trong “te\h hơ gơ\r hu\t tơ lo\” vă akhan hơ năp bu bu jang, pơm ăn kon pơ lei roi mơ mat hlo\h dơ\ng:  

Hnam nhôn oei đei 1 ha tam mă ko\h. Dang ei ‘mi jur, bơ\n kơ ne xa pơ đ^. Kle\p truh đ^ sơ năm ‘nâu mă ko\h ‘no\h vă đei kiơ dơ\ng... Mă lei đe sư oei khan, hơ tuch sơ năm, khei 11 kơnh đe sư vă răt păng đe sư tơ gu\m 1 u\nh hnam 3 triu, ưh đei tôm jên vă pơ tăm 1 sao. Ku\m đei hnam nhen tơ\ lăm to, ko\h bơih mă lei ưh đei chơ, hu\t le# ưh đei io\k yă kiơ yoa ‘mi te\h hlu\t, kơ na hu\t ho\h hloi. Đang ei đơ\ng ro\ng 1 sơ năm jang mă ưh đei io\k yă 1 hlak, oei jên hre kơ hnam kơ măy, jên tơm, jên kon ke\ kơ kiơ kla…”

Kon pơ lei pơ tăm kơ tao năm tơ kêng tơ\ xăh

Je# Ea Súp ‘no\h j^ apu\ng Buôn Đôn, tơ ring pơ tăm kơ tao g^t kăl mă 2 kơ Công ty jang kơ tao pơm s^k Dak Lak. Tơ\ âu ku\m ưh đei [ôh ‘lơ\ng yă kiơ, mưh đei lơ bơ ngai pơ tăm năm tơ\ xăh vă tơ kêng công ty ưh đei răt io\k kơ tao kiơ\ Hla ar pơ kăp, le# pơ gar lôch kră tơ\ mir. {ok Buôn Săn Viêng, tơ\ buôn Yang Lành, xăh Krông Na, apu\ng Buôn Đôn ăn tơ băt, [ok tam mă ko\h 1 tơm kơ tao yơ lơ\m 2 ha kơ tao hnam [ok pơ tăm păng công ty athei pu\ 1 păh hiong răm:   

Hnam nhôn đei 2 ha kơ tao. Truh dang ei kơ tao păk tơ gơ\ lôch, [ât lăp chat tơ [ie\ng plơ\ng bơih. Hnam kơ măy ưh pă đei răt bơih. Hnam kơ măy tang ‘măng bơih le\, đ^ hlo\h khei bơih vă răt kiơ dơ\ng. Inh đei hla ar pơ kăp tôm hăm công ty. Kiơ\ hla ar pơ kăp ‘no\h pơ tơm ko\h đơ\ng khei 11 truh khei 5 ‘no\h ko\h đang. Mă lei dang ei đ^ hlo\h 2 khei bơih, kơ na kon pơ lei nhôn năm tơ\ xăh vă pơm thoi yơ công ty đei trong sek tơ lang ăn kon pơ lei mă ‘lơ\ng.

Hiong răm nhen thoi [ok Buôn Săn Viêng mơ\n, yă H’Sồi ÊBan, tơ\ buôn Drêch A, xăh Krông Na akhan, tơ drong an^h te\ch mơ dro tang ‘măng hnam kơ măy, ư\h đei răt kơ tao ăn kon pơ lei ‘no\h pơm glăi hla ar pơ kăp. Đơ\ng ro\ng pơm hơ dăh hơ năp jang đơ\ng an^h te\ch mơ dro, u\nh hnam yă gô đei kla jên, phă pơ đ^ kơ tao vă pơ tăm ‘long nai dơ\ng:

Hnam nhôn đei đ^ đăng 2 ha dôm, dang ei tơ dăh công ty ưh đei răt ‘no\h le# công ty duh. Mă lei duh to\ se\t đe\ch yoa đ^ bơih. 1ha ‘no\h đe duh 10 triu đang kơ ‘no\h sut pơ đ^ jên hre, păng kơ tao gô đei ko\h phă đ^ ưh pă đei pơ tăm kơ tao dơ\ng bơih.

M^nh păh hu\t le# m^nh păh lôch kră

Kiơ\ [ok Nguyễn Ngọc Phú, Kơ dră An^h vei lăng choh jang xa păng ato\k tơ iung tơ ring tơ rang apu\ng Ea Súp, tơ drong kơ tao tam đei ko\h io\k mă công ty jang kơ tao pơm s^k Dak Lak đ^ tang ‘măng hnam kơ măy bơih hlôi pơm tơ le\ch đon pơ ngơ\t păng ưh hiôk jơ hngâm hăm kon pơ lei tơ\ tơ ring. Io\k đei hla ar tơ kêng đơ\ng kon pơ lei găh tơ drong ‘nâu, khul kơ dră tơ ring pơ tơm truh hơ len vă chă trong sek tơ lang:

Xăh Chư Mlan hlôi gơih hla ar vă jet hơ len công ty, lăng năng công ty tơl thoi yơ găh dôm pơ gar mă công ty ưh đei răt ‘no\h. Gơ\h dăh mă ưh năr ‘no\h kơnh công ty athei tơl mă rơ đăh.

Pơ yan kơ tao 2017, 2018, Công ty jang kơ tao, pơm s^k Dak Lak pơ jing tơ ring pơ tăm kơ tao xă hlo\h 5.000 ha tơ\ 2 apu\ng Ea Súp păng Buôn Đôn, ku\m jing pơ yan jang mă blu\ng, hnam kơ măy pơm s^k man tơ\ apu\ng Ea Súp mât jang xa. Mă lei, dôm tơ drong ưh kơ lăp lơ\m tơ drong pơ jing ming man, ăn hnam kơ măy kơ dâu ku\m hăm kơ jă s^k jur tôch reh, hlôi pơm ăn tơ drong pơ vei, jang hơ doi đơ\ng an^h te\ch mơ dro păng kon pơ lei, jing tơ hlăk đơ\ng blu\ng pơ yan hloi. Adrol kơ hnam kơ măy tang ‘măng, hu\t le# kơ hre\ng ha kơ tao lôch kră tơ\ pơ gar ‘no\h [ât blu\ng pơ yan, Công ty jang kơ tao, pơm s^k Dak Lak hlôi le# đei tơ drong hiơ\ hy^n mưh răt kơ tao, pơm ăn kơ hre\ng ha kơ tao jing kră, đak s^k jur păng u\nh xa, pơm ăn lơ kon pơ lei jang xa lôh. Tơ drong kăl pơ ma dơ\ng ‘no\h, hăm dôm tơ drong ưh hơ iă đơ\ng blu\ng pơ yan truh dang ei, lơ kon pơ lei lao đon ‘me\h ko\h hu\t pơ đ^ kơ tao vă pơ tăm ‘long nai dơ\ng. An^h jang kơ tao pơm s^k Dak Lak gô tơ [âp tơ drong nol tih mưh tơ drong đei yoa găh mu\k drăm ưh đei vei lăng ‘lơ\ng păng kon pơ lei ưh pă lui kiơ\.

Thuem tơ blơ\