VOV4.Bahnar - Oei xa hloh 25 xơnăm, mă lei pơlei SêĐăng2, xăh Ea Sar, apu\ng Ea Kar dêh char Dak Lak duh tam mă đei unh hơyuh. Tơle\ch jang kiơ\ pơkăp axong unh hơyuh tơ\ tơring pơxe\l đơ\ng unh hơyuh teh đak, dang ei anih io\k jang oei hăt hot dui unh hơyuh vă đei unh yua adrol kơ Tết nguyên đán. Kon pơlei tơ\ âu oei hăt hot xơng io\k tơdrong kăp g^t âu.  

Hloh 25 xơnăm kơ âu, tơdrong erih unh hnam ‘nho\ng Pul duh nhen kơ hre\ng unh hnam tơ\ pơlei SêĐăng 2, xăh Ea Sar, apu\ng Ea Kar (dêh char Dak Lak) tơjra#m lơ tơnap tap yuơ tam mă đei unh hơyuh. Đei teh đak tơgu\m rim xơnăm 500 rơbâu hlak jên đak dâu vă tơ\k hơdăh, mă lei ưh măh, athei tơkuh ‘long unh dăh mă tơ\k unh jre\ng. Khei năr tơje# âu, [ôh bơngai jang unh hơyuh [u\ jrăng rok trong păng oei dui tơlei unh vih truh pơlei. Hăm đon bơnôh xo# hơ\k, ‘nho\ng Pul kơche\ng truh tơdrong pơkăp kơ[o\ng unh tơ\k hơdăh, răt kơmăi [ôm đak xo\ nhă păng vă ‘măn ruih ăn ‘long pơtăm: “Inh truh oei tơ\ âu đunh bơih, đơ\ng xơnăm 1991. Kon pơlei tơ\ âu tơnap dêh. Ưh đei unh hơyuh ôh, tơ\k unh jâu đe\ch, unh khơ\ng đơ\ng tơnuh dăh mă tơ\k unh jre\ng. Unh hnam yơ đei kơ[^nh ắc-quy noh sạc tơ\ ‘nguaih đe\ch, rim kơ[^nh noh 10 rơbâu hlak jên mă lei trong trôk trăp thoi âu noh tơnap dêh. Mưh đei unh hơyuh noh kon pơlei xo# xôn. Unh hnam yơ mă đei hơlu\ng đak noh ‘nhăk kơmăi ka-ma [ôm đak vă ruih ăn tơm cà phê, tiu dăh mă ‘nhot pơtăm. Hơlu\ng đak kuay hăm ti noh mưh đei unh noh ba pă đei kuay hăm ti bơih. Ba răt kơthu\ng tih mong đang kơ noh [ôm đak hơto\k. Mưh đei unh hơyuh adrol kơ Noel noh roi ‘lơ\ng hloh”. 

Ưh kơ chiu hăm tơdrong erih gơmăng gơmơ\t yuơ ưh đei unh hơyuh teh đak, đunh kơ âu 3 xơnăm, unh hnam [ok Ninh Trọng Chính atu\m hăm 7 unh hnam nai lơ\m pơlei SêĐăng 2 hlôi tơgop jên je# 100 triu hlak jên vă dui unh hơyuh vih. Mă yua vă tơ\k hơdăh đe\ch păng phơ pho\ lăng ti vi, mă lei rim khei unh hnam [ok Chính athei kla jên đơ\ng 250.000 truh  300.000 hlak jên unh hơyuh. Tơdrong tơm noh yuơ trong tơlei unh ataih dêh hnang, ưh ‘lơ\ng dơ\ng, unh kơdâu trong ataih noh hăp huach lơ unh. Dang ei [ôh unh hơyuh teh đak hlôi vih truh pơlei pơla, [ok Chính chơt hơ iă, kơlih je# đei unh hơyuh xơđơ\ng păng ưh đei klă jên kăp: “Jrăng unh noh đei bơih, tơlei noh dui đei tong ane# pơlei bơih. Noh nhôn gô răt ti vi, răt kơtuh hơ ngeo vă ‘măn tơmam xa. Dôm tơmam unh hơyuh kăl noh athei răt, Unh hơyuh noh pơyua ăn kon pơlei jang mir, hu\m ‘nhao, ruih đak ăn ‘long pơtăm, tơ\k hơdăh, por ăh pơgê pai tơ\ go\ unh ‘năr dơ\ng vih noh đei xa bơih; hiôk tơpă hăm bơngai jang mir nhôn. Mă 2 noh tơ\k hơdăh ăn bơngai. Mă pêng noh băt kơtơ\ng ang tơroi âu to”.

{ok A Uak (oei krao [ă Tin) – Kơdră pơlei SêĐăng 2 ăn tơbăt, tơ\ âu đei 194 unh hnam, je# 1.000 măt bơngai, mă lơ noh kon pơlei SêĐăng. Đơ\ng xơ\ truh dang ei, kon pơlei tơ\k hăm unh jâu. Unh hnam yơ ke\ đei [iơ\ noh răt kơ[^nh ắc-quy vă mơ\ng radio păng lăng tivi. Yuơ ưh đei unh hơyuh noh rim tơdrong jang, erih xa kơ kon pơlei tơjra#m lơ tơnap tap, tơdrong ako\m hlôh vao đơ\ng khoa ho\k kih thuơ\t duh ưh tơnăp, kơxo# unh hnam hin dơnuh duh oei hloh 50%. Kơdră pơlei A Uak lui ngeh, truh âu kơnh đei unh hơyuh teh đak, tơdrong erih kon pơlei tơ\ pơlei SêĐăng 2 tơpă gô đei tơplih lơ: “ ‘Năr noh xơ\ đei khul kơpal kơ xăh, apu\ng păng dêh char truh tơ\ âu, dôm anih jang tôm ngăl. Truh tơ\ âu tơroi hăm kon pơlei noh nhôn gô dui unh keh đang adrol kơ Tết, dang gô đei unh hơyuh yua adrol kơ Tết ăn kon pơlei. Tơdrong hơpơi dôm j^t xơnăm kơ âu, kon pơlei xo# xôn dêh. Đei unh hơyuh tơ\k hơdăh păng lăng tivi bơih, ho\k kiơ\ đe, [ôh đe jang thoi yơ noh ba jang thoi ăi; pơtih gia pơtăm cà phê, pơtăm tiu hia”.

Kiơ\ Anih jang Ko\ng thương dêh char Dak Lak, tơdrong jang axong unh hơyuh ăn pơlei SêĐăng2, xăh Ea Sar, apu\ng Ea Kar, lơ\m tơdrong pơkăaxong unh hơyuh ăn tơring pơxe\l đơ\ng unh hơyuh teh đak. Tơdrong jang âu đei 2km trong tơlei trung áp, 5km trong tơlei hạ áp păng 2 anih tơ[ăk tơjur unh hơyuh ăn je# 200 unh hnam. Mă pơm jang lơ\m khei năr hơyuh to# ‘mi ưh xơđơ\ng ‘lơ\ng, ‘mi kial păng tơhlăk trong tơlei unh găn jăl trong 29, mă lei tơdrong axong jang hloh kơ pơkăp; kơche\ng lơ\m khei 12 âu gô keh đang. Âu jing minh lơ\m dôm pơlei mă hơtuch lơ\m kơxo# 31 pơlei pơla kơ dêh char Dak Lak đei yua đơ\ng pơkăp axong unh hơyuh ăn tơring pơxe\l đơ\ng unh hơyuh teh đak lơ\m xơnăm 2017.

{ok Trần Văn Dũng – Pho\ kơdră Anih jang unh hơyuh Ea Kar ăn tơbăt, đơ\ng ro\ng kơ anih io\k jang keh đang trong tơlei unh hơyuh hạ áp, anih jang gô pơlăp tơmam pơkă, tơgu\m ăn kon pơlei tôm trong tơlei đơ\ng jrăng unh mơ\t truh tơ\ hnam, tenh kuăng dui unh truh tơ\ hnam: “Kiơ\ tơdrong pơkăp jang đơ\ng jơnu\m pơgơ\r teh đak, truh dang ei tơring âu oei lơ\m jăl keh đang dui unh hơyuh ăn kon pơlei. Atu\m hăm trong jang noh găh Anih jang unh hơyuh Ea Kar nhôn duh hơmet lơ trong axong unh hơyuh tơtom; noh jing pơlăp kơmăi pơkă, tơgu\m dăng tơlei unh đơ\ng anih pơkă truh tơ\ rim unh hnam kon pơlei. Nhôn gô axong tơ tom adrol kơ tết nguyên đán xơnăm âu ăn kon pơlei.”. 

Tam mă tôm minh khei dơ\ng noh yak ăh xơnăm ‘nao 2018, pơlei  SêĐăng2, xăh Ea Sar, apu\ng Ea Kar, dêh char Dak Lak gô xơng đei tơdrong kăp g^t, noh jing ‘măng mă blu\ng đei unh hơyuh teh đak. ‘Nâu jing tơdrong kăp g^t tơgu\m ăn kon pơlei tơplih tơdrong erih, hơto\k mu\k drăm – tơpôl, dar deh klaih đơ\ng hin dơnuh.

Lan chih păng rapor