VOV4.Bahnar - Đơ\ng ro\ng hloh 10 xơnăm tơ iung pơjing, pơlei Bình Lợi, xăh Chư\ Mlan, apu\ng xơlam teh Ea Súp, dêh char Dak Lak duh tam mă đei unh hơyuh. Tơdrong erih jang xa kơ kon pơlei tơjra#m lơ tơnap tap. Dang ei, Anih jang unh hơyuh Ea Súp, Anih jang găh unh hơyuh Dak Lak oei hăt hot dui unh hơyuh vih truh pơlei tơnap tap âu vă axong unh tơ\k păng hơto\k jang mu\k drăm tơpôl.

Đơ\ng th^ tra#n Ea Súp truh pơlei Bình Lợi, xăh Chư\ Mlan, hloh 30km jăl trong teh. Oei tơklăh hloi ăh tong ane# mir na jơk [l^k, kông krang, tơdrong erih kơ hloh 250 unh hnam kon pơlei tơjra#m lơ tơnap tap yuơ tam mă đei unh hơyuh.

Hloh 10 xơnăm đơ\ng Lạng Sơn mơ\t jang xa tơ\ pơlei Bình Lợi, unh hnam [ok Lý Văn Viền (bơngai Nùng) đei 3 ha điều, 1ha cà phê pơtăm hrâu hăm tiu păng bơ\ hnam drơh kơjing tơje# trong vă chă te\ch tơmam. Mă pơ ‘nam pơm jang, mă lei tam mă đei unh hơyuh noh tơdrong erih tam mă ke\ hơto\k yao. Dang ei trong tơlei unh hơyuh oei đei dui truh ăh anăp hnam, [ok Lý Văn Viền păng kon pơlei chơt hơ iă tôch dêh: “Unh hnam inh truh jang tơ\ âu đơ\ng xơnăm 2006. Tơdrong erih kon pơlei tơ\ âu tơnap tap dêh. Adrol ki ưh kơ đei unh hơyuh – trong nơnăm – hnam trưng ho\k, mă lei dang ei hlôi đei trong teh, đei hnam trưng mẫu giáo păng teh đak oei dui tơlei unh hơyuh. Inh chơt hơ iă kơlih đei unh vă tơ\k păng răt kơmăi [ôm đak ruih ăn tơm cà phê, tiu. Anih te\ch tơmam kơ unh hnam inh yuơ noh mă gơh xo# kơdra#m bơngai hloh”.

Kơdră pơlei Bình Lợi – noh ‘nho\ng Lý Tòn Chuống ăn tơbăt, kon pơlei tơ\ âu mă lơ noh kon kông đơ\ng tơring groi kông găh tuh truh oei hloh mơj^t xơnăm kơ âu bơih, Truh xơnăm 2011, pơlei đei tơ iung pơjing, hăm 252 unh hnam, hloh 1000 măt bơngai. Yuơ oei ataih đơ\ng anih tơm xăh Chư\ Mlan hloh 40km, trong nơnăm tơnap tap, mă hăt noh tam mă đei unh hơyuh, noh tơdrong erih oei lơ tơnap tap, mă lơ noh oei lơ\m unh hnam hin dơnuh.

Prăt năr jang tơ\ mir na, kơmăng vih tơ\ hnam noh tơ\k unh kơđeng jâu, rim unh hnam ưh kơ đei tivi rađiô vă chă mơ\ng lăng, kon hơ ioh hơlăh kơ ho\k [ai, tơdrong tơroi tơbăt duh kơplăh kơplơt yuơ đie#n thoăi đ^ pil.  Jing tơdăm pơ ‘nam pơm jang, [ơ\t đei pơkăp dui unh hơyuh vih tơ\ pơlei, ‘nho\ng Chuống hlôi hơvơn kon pơlei pơ ‘nguaih dôm anih đei jăl trong tơlei unh găn ga, vă dăh hiôk tenh ăn tơdrong jang păng vei xơđơ\ng ăn unh hơyuh. Kơdră pơlei Lý Tòn Chuống tơroi: “Tam mă đei unhhơyuh noh kon pơlei pơm jang tơjra#m lơ tơnap tap. Jên chă ruih đak ăn ‘long pơtăm noh huach lơ dêh. Rim ‘măng ruih ăn 1 ha noh đ^  3 - 4 triu hlak jên răt jâu. Kon pơlei ‘meh đei unh vă choh jang, ruih đak ăn ‘long pơtăm, vă kon hơ ioh ho\k pơhrăm. Đei unh noh ăh kơmăng kon pơlei chă ako\m pơma dơnuh hri hơxuang pơchơt  ‘nâu nai hia”.

Rok kiơ\ jăl trong đơ\ng xăh Ea Lê truh tơ\ pơlei Bình Lợi, xăh Chư\ Mlan, trong tơlei unh hơyuh đei dui xơđơ\ng, Kơdră Anih jang găh unh hơyuh Dak Lak ăn tơbăt, tơdrong jang âu đei trong tơlei tih kơjăp 22kV, ataih 22km, 11km trong tơlei unh păh lăp păng 4 anih tơ[ăk tơjur unh hơyuh, hăm tơdrong axong unh truh 520kVA, yuơ Anih jang unh hơyuh tơring to\k bo\k axong hloh 15 tih hlak jên vă axong unh ăn pơlei Bình Lợi. {ok Nguyễn Văn Sỹ – Kơdră anih jang unh hơyuh apu\ng Ea Súp ăn tơbăt, mă pơm jang ăh pơyan ‘mi noh tơjra#m lơ tơnap tap, mă lei anih jang gô adrin dui unh hơyuh lơ\m khei 8 âu, tro\ ăh tơbăt 40 xơnăm tơklăh pơjing apu\ng: “Kon pơlei truh oei răh rai noh tơdrong pơkăp axong unh hơyuh đei lơ tơnap tap; axong jang noh lơ mă lei kon pơlei erih răh rai tơ\ âu tơ\ to hăm minh [ar unh hnam tơ\ minh anih. Tơdrong jang dui unh hơyuh ăn pơlei Bình Lợi, xăh Chư\ Mlan gô vă axong unh hơyuh tơtom lơ\m ‘măng tơbăt 40 xơnăm tơ iung pơjing apu\ng. Nhôn duh adrin hloh vă keh đang xơnong jang âu”.

          Tơ\ apu\ng xơlam teh Ea Sup, dêh char Dak Lak lơ\m pơyan âu, ‘năr pho\ to# pho\ ‘mi; trong nơnăm noh trôk trăp, tơdrong dui tơlei unh tơjra#m lơ tơnap tap, mă lei khul kang [o#, bơngai jang kih thuơ\t kơ Anih jang unh hơyuh Ea Sup adrin dru\t tenh tơdrong jang vă keh đang. Hloh 250 unh hnam kon pơlei tơ\ pơlei Bình Lợi, xăh Chư\ Mlan oei hăt hot gô chang minh tơdrong tơplih ‘nao. Lơ\m dôm j^t năr dơ\ng, tơ\ tơring ataih yaih âu gô ang hơdăh đei unh hơyuh teh đak, pơm trong hiôk ăn kon pơlei erih jang xa, hơto\k tơ iung tơdrong hlôh vao ăn kon pơlei.

Lan chih păng rapor