VOV4.Bahnar - Hăm tơdrong tơgu\m đơ\ng tôm tơpôl, pơyan pơdơh ho\k âu, lơ hơ ioh tơnap tap tơ\ Dak Lak hiôk hian tơre\k hăm tơdrong ako\m pơchơt pơhiơ\ tro\ [lep, đei hơmet ăn tôm tơdrong hlôh vao vă vei vêr dơh po, tang găn rơka hơbur, tơgu\m đe oh đei minh pơyan pơdơh ho\k tơnăp xơđơ\ng.

Rim pơyan pơdơh ho\k, oh Lục Thị Thắm, tơ\ thôn 6, xăh Ea Hiu, apu\ng Chư\ Kuin, dêh char Dak Lak kiơ\ me\ [ă năm jang tơ\ mir. Mă ‘nao 10 xơnăm mă lei oh hlôi juăt hăm tơdrong jang nhen hleh tơ ‘mơ\ng, tuh pho\ng, choh ‘nhe\t lơ\m pơgar cà phê. Lục Thị Thắm ăn tơbăt, tơring oh ưh đei anih vă pơchơt. Yuơ noh, đơ\ng ro\ng kơ đ^ xơnăm ho\k, pơyan pơdơh ho\k đunh đunh oh năm truh hnam trưng vă chă pơxuh hao d^ng du\ng, pơxuh tơdrong âu to atu\m hăm đe ‘nho\ng pơmai đoàn viên hơdruh tơdăm lơ\m xăh: “Lơ\m dôm khei pơdơh ho\k, kon hơnơ\ng kiơ\ me\ [ă năm jang, đunh đunh noh kon đei axong năm tơ\ hnam trưng pơxuh pơchơt atu\m hăm ‘nho\ng pơmai hơdruh tơdăm”.

Mưh nhen hăm hơ ioh tơ\ tơring kơdra#m dăh mă tơring tơje# plei tơm tih, pơyan pơdơh ho\k jing khei năr chă năm ho\k lăm ho\k găh tơdrong erih âu to noh tơ\ tơring pơxe\l, yuơ lơ me\ [ă đe oh jang mir, tơdrong erih oei lơ tơnap tap, ưh ke\ đei axong ăn kon hơ ioh năm ho\k dôm lăm ho\k âu. Lơ\m kơplăh noh, tơ\ tơring pơxe\l Đak Lăk oei kơ[ah dôm anih ako\m pơchơt pơxuh ăn hơ ioh, noh me\ [ă ho\k tro hơnơ\ng chơng ‘nhăk kon năm tơ\ mir. ‘Nâu duh jing trong tơgu\m ăn me\ [ă vei lăng kon hơ ioh po, tang găn dôm tơdrong xar bar đei [ôh [ơ\t kon hơ ioh oei tơ\ hnam adro#.

{ôh đei tơdrong mă âu, vă pơjing lơ cham pơhiơ\ duh nhen pơgơ\r lơ tơdrong pơxuh pơchơt lơ\m khei pơdơh ho\k ăn hơ ioh, anih jang kơpal, rim anih jang tơpôl tơ\ Dak Lak hlôi pơkăp tơle\ch minh [ar tơdrong pơxuh pơchơt ăn hơ ioh tơ\ tơring tơnap tap. Lơ\m tơdrong jang ăh khei pơdơh ho\k xơnăm âu, Anih jang Đoàn dêh char Dak Lak tơle\ch lơ xơnong jang păng pơkăp ăn dôm anih jang đoàn tơ\ tơring nhen: pơih lăm ho\k ôn khei pơdơh ho\k, ako\m joha yo\ kơdo\ xuang, pơtho glơi ưh io\k jên... ăn hơ ioh tơ\ tơring. ‘Nho\ng Y Nhuân Buôn Yă, Bí thư Anih jang Đoàn dêh char Dak Lak ăn tơbăt, atu\m hăm dôm tơdrong jang tơgu\m axong jên ho\k, pơjing hnam ako\m kơn cho# brê noh tơdrong pơjing cham pơhiơ\ pơchơt ăn hơ ioh jinh tơchơ\t mă dôm jăl jang đoàn athei adrin jang keh đang: “Xơkơ\t xơnong jang tơm lơ\m khei pơdơh ho\k âu, mă mônh, pơgơ\r dôm tơdrong ako\m ăh khei pơdơh ho\k ăn hơ ioh, pơjing anih pơxuh pơchơt ăn hơ ioh păng pơtho glơi đak ưh io\k jên hăm hơ ioh ăh khei pơdơh ho\k âu. Tơchơ\t pơjing anih pơxuh pơchơt ăn hơ ioh jing tơdrong athei adrin keh lơ\m xơnăm âu. Truh ăh khei Hơdruh tơdăm iung jang hlôi pơjao đei 18 anih pơxuh pơchơt. Păng lơ\m khei pơdơh ho\k âu pơtoi adrin keh đang đơ\ng 10 truh 15 anih dơ\ng, păng gô adrin pơjing đei pơhlom 50 anih pơchơt ăn hơ ioh dơ\ng. ‘Nâu jing tơdrong adrin đơ\ng khul kang [o# jang đoàn.”

Duh lơ\m khei pơdơh ho\k xơnăm âu, je# 1.000 ‘nu hơ ioh đei tơdrogn erih tơnap tap lơ\m 8 apu\ng, th^ xăh, plei tơm kơ dêh char Dak Lak noh: Buôn Ma Thuột, Ea Kar, Buôn Hồ, Krông Búk, M’Drak, Krông Năng, Krông Bông, Ea Súp đei ho\k găh glơi đak ưh huach jên. Tơdrong jang âu yuơ Anih pơtho pơhrăm pơgơ\r lơ\m je# 2 khei kơ âu vă hơmet ăn đe oh gơh glơi păng băt chă tang găn xar bar lôch glơ\k tơ\ đak. Oh Trần Ngọc Giang Linh, 12 xơnăm, tơ\ xăh Ea Tal, apu\ng Ea Kar chơt hơ iă tơroi: “Kon xo# hơ\k yuơ đei năm ho\k lăm pơtho glơi ưh huach jên lơ\m khei pơdơh ho\k xơnăm 2018. Tơdrong mă âu gô tơgu\m ăn kơ kon gơh glơi păng ưh đei glơ\k tơ\ đak, gô tơgu\m nhôn vei vêr kơdih po păng tơgu\m bôl boăl mưh đei tơdrong tơ\ đak; tơgu\m nhôn grăng pran păng dôm tơdrong hlôh vao tơnăp lơ\m tơdrong erih”.

Kiơ\ Anih Axong jang – Linh j^ rơka păng Tơpôl dêh char Dak Lak, tơring dang ei oei đei hloh 6.300 ‘nu hơ ioh đei tơdrong erih tơnap tap. Đơ\ng blu\ng xơnăm truh dang ei, dêh char hlôi hơvơn đei hloh 3 tih hlak jên vă tơgu\m; jang atu\m chă khăm hơlen j^ plei nuih ăn hloh 1.600 ‘nu hơ ioh; tơgu\m păh hơmet j^ plei nuih, hơven hơvo, păh hơmet hong [ơ\r ăn 58 ‘nu hơ ioh... Kiơ\ đơ\ng noh hlôi tơgop tơgu\m ăn hloh 5.100 ‘nu hơ ioh tơnap tap lơ\m tơring.

{ok Nguyễn Duy Tuyết, Kơdră Anih jang vei hơlen hơ ioh păng Hơto\ hơnơ\ng dro\ nglo drăkăn, lơ\m Anih Axong jang – Linh j^ rơka păng Tơpôl dêh char Dak Lak ăn tơbăt, Anih jang adoi tơle\ch lơ tơdrong jang tơ\ tơring nhen: tơdrong jang “Hnam vei xơđơ\ng tang găn păng tơjră xar bar hăm hơ ioh” păng tơdrong jang pơjing tơring tơrang tro\ [lep hăm hơ ioh. Tơchơ\t truh je# đ^ xơnăm âu, ja#p dêh char gô đei 150/184 xăh, phường, th^ tra#n đei xơkơ\t tro\ [lep hăm hơ ioh. Atu\m hăm noh, rim kâu lak [o# Xơnong pơyua ăn hơ ioh păng Kâu lak [o# vei vêr hơ ioh tơ\ dôm apu\ng đei pơtoi dôm tơdrong jang hơ iă. Mă kăl lơ\m khei pơm jang Yuơ hơ ioh xơnăm âu, Anih jang hlôi jang atu\m hăm Anih vei lăng kon pơlei apu\ng Krông Ana păng Chư\ Mgar hlôi pơm Lêh tơle\ch jang tơ\ tơring, pơjao kơ rơbâu tơpu tơmam ăn hơ ioh tơnap tap hăm jên huach truh kơ 1 tih hlak jên: “Rim xơnăm noh tơdrong hơvơn dôm anih jang, rim bơngai jang ‘mêm bơnat tơgăl kơ pôk bơnê hăm tơdrong hlôi tơgu\m kơ rơbâu ‘nu hơ ioh tơnap tap đei tơgu\m găh khăm hơmet j^, ho\k pơhrăm. Hăm dôm tơdrong đei jơnei noh hlôi tơjur kơxo# hơ ioh tơnap tap lơ\m tơring kơ dêh char. Kơxo# hơ ioh tơnap tap đei tơgu\m hăm rim tơdrong jang đei jơnei pơhlom 80%”.

Đơ\ng tơdrong tơre\k tơgu\m đơ\ng dôm anih jang kơ dêh char Dak Lak, lơ hơ ioh tơ\ tơring tơnap tap hlôi đei tơre\k hăm dôm tơdrong pơchơt tro\ [lep lơ\m khei pơdơh ho\k, atu\m hăm noh hơmet ăn đe oh dôm tơdrong hlôh vao g^t kăl vă vei vể dơh po păng bôl boăl, tang găn [iơ\ tơdrong xar bar âu to, tơgu\m đe oh ako\m tơnăp hăm minh pơyan pơdơh ho\k chơt hơ iă păng xơđơ\ng.

Lan chih păng rapor