VOV4.Bahnar - Pho\ng ưh ‘lơ\ng đei dơ\ng tơ\ dêh char Dak Nông păng đei te\ch tôch rơ đăh lơ\m dôm ‘măng ho\k hôp kon pơ lei. Mă tơ pă tơ\ xăh Nhân Cơ, apu\ng Dak Rlâp, lơ kon pơ lei oei tôch pơ ngơ\t [ât răt [ơm kơ loăi pho\ng âu, mưh pơ dreu, an^h te\ch mơ dro lăp chu kla 1 puăt kơ so# jên răt đe\ch. Vei lăng tơ drong jang xa đơ\ng dôm an^h te\ch pho\ng tơ\ Dak Nông ăn [ôh oei đei lơ tơ drong ưh kơ lăp.

‘Nho\ng Hoàng Văn Sóng, tơ\ thôn 4, xăh Nhân Cơ, răt 1 tân pho\ng vi sinh BM001 kơ công ty VIETSTAR, yoa Công ty TNHH Nam Long, xăh Kiến Thành, apu\ng Dak Rlâp pơm an^h te\ch mơ dro. ‘Nho\ng Sóng ăn tơ băt, khei 5 âu ki, Công ty TNHH Nam Long pơ gơ\r hôp tơ\ thôn 4, xăh Nhân Cơ vă roi tơ băt pho\ng hăm tơ drong vang ako\m đơ\ng lơ kon pơ lei. Tơ\ hơ năp lơ nơ\r pơ ma tôch nhop đon găh tơ drong ‘lơ\ng đơ\ng pho\ng, ku\m nhen lơ bơ ngai nai, ‘nho\ng răt 1 tân pho\ng vi sinh BM001 hăm kơ jă jên 6 triu đăm păng đei công ty hơ păh thim 1 kơ chai pho\ng đak.

{ao pho\ng BM001 lăng tôch ‘lơ\ng

{ât vih tơ\ hnam, kơ chai pho\ng đak đei hnam ‘nho\ng Hoàng Văn Sóng pruih ăn che\h phe hloi. Mă lei [ât pơih pho\ng vi sinh BM001 ‘no\h [ôh lơ kơ chơ\t pha [iơ\. Tơ\ hơ năp tơ drong dơ\ng lăng đơ\ng lơ bơ ngai, klo kăn ‘nho\ng Sóng io\k dang 2kg pho\ng tuh lơ\m đak hơ vơ\r ‘no\h [ôh bơ\n kơ che\h go\ch, tơ [lô, si măng păng kơ chai pơ chăh.

Hli pho\ng ưh ‘lơ\ng, klo kăn ‘nho\ng Sóng krao điên thoăi ăn an^h te\ch mơ dro vă pơ dreu pho\ng păng io\k dơ\ng jên, mă lei găh công ty lăp chu kla jên 1 puăt đe\ch. Oei 1 puăt ‘no\h ăn dơ\ng 10 [ao pho\ng kơ loăi ‘nâu mơ\n.

‘Nho\ng Hoàng Văn Sóng ăn tơ băt: “Kơ chai pho\ng đak năm hôp ki đei song đe\ch ‘no\h ba tơ che\ng j^ tơ mam đe song kơ na io\k pruih, oei pho\ng ‘nâu ‘no\h le# đơ\ng ro\ng. {ôh lơ hnam nai tuh pho\ng đei lơ kơ che\h tơ blô, go\ch kơ na gơ\t le# ‘mơ\i, ưh kơ pơ\n săy. Hơ drol ki công ty ap^nh io\k dơ\ng kơ chai pho\ng đak, tơ dăh ưh đei pruih pho\ng pơ gang âu ‘no\h đe chu pơ dreu dơ\ng tôm kơ so# jên, mă lei ba đ^ bơ\h [ơm pruih bơih ‘no\h đe pơ go\ hnam bơ\n ch^u 1 puăt.”

Tơ drong pho\ng vi sinh BM001 đơ\ng Công ty Vietstar đei bơ\n hơ ga tơ blô, go\ch roi [ôh hơ dăh dơ\ng, mưh tơ\ thôn 4 mơ\n, u\nh hnam ‘nho\ng Hoàng Văn Dạt truh hop ako\m păng răt 1 tân pho\ng ‘nâu vă tuh ăn pơ gar tiu kơ u\nh hnam. ‘Nho\ng Hoàng Văn Dạt, ăn tơ băt: “Kơ sơ\ săy đang gơ măng ‘mi pơ gê đơ\ng ro\ng le\ch năng kơ jơ\r [ôh bơ\n tơ blô, go\ch, pơ nhan, kơ chai…, tôm te\ch hloi. Đơ\ng io\k [ao plơ\ng vih tuh pơ long năng ‘no\h ‘nao băt sư lei lăi băl.’

Chuơh, hơ ga, kơ chai đei đơ\ng ro\ng kơ tuh hơ vơ\r 2 k^ pho\ng lơ\m đak.

{ok Vũ Thành Đoan, Kơ dră vei lăng Khul kon pơ lei jang chu\n mir xăh Nhân Cơ, tơ roi, lơ u\nh hnam tơ\ tơ ring răt pho\ng đơ\ng công ty TNHH Nam Long. Mưh te\ch tơ mam, công ty âu pơ ma nuh hăm lơ kon pơ lei vă te\ch ăn đe sư. {ât [ôh pho\ng ưh kơ ‘lơ\ng, công ty TNHH Nam Long tơ plih hăm pho\ng nai dơ\ng. Mă lei yoa hli pho\ng kơ ne# kơ na kon pơ lei oei ưh kơ pơ\n săy kơ loăi pho\ng âu.

{ok Vũ Thành Đoan, tơ roi: “Dang ei 1 kơ so# kon pơ lei oei ‘măn le# tôch lơ pho\ng âu. Ap^nh kon pơ lei kơ loăi pho\ng ‘nâu hăm ‘lơ\ng ưh ‘no\h đe sư akhan, đơ\ng blu\ng sơ năm truh dang ei, săy pho\ng ăn tiu lơ ‘măng bơih mă lei ưh kơ băt pho\ng ya ‘năi. Lăp pôm khul kơ dră tơ ring păng an^h jang kơ pal truh set hơ len pho\ng âu đe\ch na gơ\h băt pho\ng thoi yơ vă kon pơ lei gơ\h sơ đơ\ng jơ hngâm cho\h jang.”

Tơ\ apu\ng Dak Rlâp, Dak Nông, nhen Radio nơ\r pơ ma Việt Nam chih tơ roi, tam mă đunh ki, kon pơ lei ku\m răt [ơm pho\ng vi sinh hrâu hre\k bơ\n kơ chai, tơ blô. Mưh kon pơ lei chă hơ len năng kiơ\ đơ\ng hlo\ng hăm đak ‘no\h [ôh bơ\n chuơh, nhuơ\, xi măng, tơ blô, dang 40%. Mă lei, tơ drong hơ len năng đơ\ng An^h vei lăng cho\h jang xa păng ato\k tơ iung tơ ring tơ rang Dak Nông ‘no\h akhan lăp đei 6% đe\ch, ưh đei pơm glăi găh tơ drong hơ găt pho\ng ‘lơ\ng. Tơ drong hơ len năng păng tơ drong đei [ôh tơ pă tơ\ yăn âu pha ra băl pơm ăn kon pơ lei Dak Nông tôch tơ tăm hăm pho\ng ya, pho\ng ưh kơ ‘lơ\ng.

Hoàng Qui: Chih

Dơ\ng: Tơ blơ\