VOV4.Bahnar - Đơ\ng blu\ng xơnăm âu, Anih jang unh hơyuh Dak Nông hlôi dăng tơlei unh hơyuh truh thôn 5 tầng, xăh Đăk Rla, apu\ng Đăk Mil, dêh char Dak Nông. ‘Nâu jing tơdrong kăp g^t hăm tơring ataih yaih âu, kơlih unh hơyuh gô tơgu\m kon pơlei hơto\k tơdrong erih, hơto\k pơm jang, xut le# pơngot tơjur hin dơnuh.

Truh erih tơ\ thôn 5 tầng erih jang xa đơ\ng xơnăm 2005, lơ\m khei năr thôn đei tơ iung pơjing noh hloh kơ đe ăh nai [ok Vy Văn Tới, thôn 5 Tầng, xăh Đăk Rla hlôh vao hơdăh tơdrong tơplih tơ\ âu, mă hăt noh đơ\ng đei unh hơyuh. Unh hơyuh ưh adro# ‘măn tơ\k hơdăh yua kơmăi kơmo\k, mơ\ng bro\, lăng tivi, mă hăp oei tơlang đei tơdrong kăl hloh, noh jing [ôm đak xo\ nhă đơ\ng dôm hơlu\ng đak kuai ăn tơring tơnap tap âu. {ok Vy Văn Tới ăn tơbăt: “Xơ\ noh tam đei unh hơyuh, kon pơlei hrat găh đak nhă, kơmăng đei minh pôm hơlu\ng đak đe\ch mă kon pơlei pơtăl băl văk đak. Đơ\ng năr đei unh hơyuh, tơdrong erih da [iơ\ hloh, đơ\ng năr đei unh hơyuh 3 to\ hnam atu\m minh hơlu\ng đak noh tơdrong erih kon pơlei tơplih [ôh hơdăh”.

Duh đei unh hơyuh, um ai tơring pơxe\l tơ\ âu hlô đei lơ tơplih. Lơ anih te\ch tơmam unh hơyuh, kơmăi kơmo\k păng te\ch tơmam drăm nai duh đei pơih, hăm lơ tơmam [ônh hiôk ăn kon pơlei chă răt yua. ‘Nho\ng Phạm Ngọc Hưng, tơ ‘ngla anih te\ch tơmam tơ\ thôn 5 Tầng ăn tơbăt, gơnơm đei unh hơyuh mă tơdrong jang te\ch pơdro kơ unh hnam jing hơto\k hloh, rim tơdrong jang, erih xa kơ kon pơlei đei lơ toplih: “Đơ\ng năr đei unh hơyuh kon pơlei pha hloh kơ adrol ki, đei ti vi, kơtuh hơ ngeo, tơdrong erih, kon hơ ioh đei năm ho\k pha hloh, mir na adrol ki ruih đak hăm kơmăi đôh mă lei dang ei ruih hăm unh hơyuh noh hăp rơvơn hloh, mih ma duch nă hơto\k hloh adrol ki”

Thôn 5 Tầng ataih đơ\ng anih jang xăh Đăk R’la, apu\ng Dak Mil je# 30km, trong nơnăm tơnap tap. Găh pơyan ‘mi, ‘meh năm tơ\ anih jang xăh duh athei năm trong găn xăh Cư K’nia, apu\ng Cư Jut. Thôn dang ei đei hloh 250 unh hnam hăm 850 măt bơngai, mă lơ noh kon pơlei Mông păng Dao. Lơ\m dôm xơnăm kơ âu, yuơ anih jang trong nơnăm tam mă đei axong ming man, noh tơdrong erih kon pơlei tơjra#m lơ tơnap tap.

Mă lei, đơ\ng blu\ng xơnăm âu, unh hơyuh teh đak đei dui vih thôn 5 Tầng. ‘Nâu jing tơdrong kăp g^t, tơgop dru\t hơto\k mu\k drăm – tơpôl, hơto\k tơdrong erih ăn kon pơlei. Yă Nông Thị Thuyết, B^  thư Chi bộ thôn 5 Tầng, xăh Đăk Rla, apu\ng Dak Mil ăn tơbăt: Đei unh hơyuh, kon pơlei đei [ôm đak ruih, đơ\ng noh tơplih hơdre\ch ‘long pơtăm đơ\ng hơdre\ch to\ xe\t năr pơtăm hơdre\ch ‘long đunh khei năr nhen cà phê, tiu... Đơ\ng noh hơto\k tơdrong pơyua: “Đơ\ng năr đei unh hơyuh truh dang ei tơdrong erih kon pơlei xơđơ\ng [iơ\, mih ma duch nă yua unh tơ\k hơdăh păng tơplih hơdre\ch ‘long pơtăm, tơdrong erih kon pơlei roi năr roi hơto\k hloh. Găh anih jang unh hơyuh ‘nao pơlăp minh kơ[^nh hơto\k tơjur unh hơyuh ba pha tơmơ\t pơm jang, unh hơyuh tơ\ thôn xơđơ\ng bơih, mă trong nơnăm tơnap tap, ataih đơ\ng anih jang xăh mă lei tôch kơ xơđơ\ng”

{ok Nguyễn Xuân Huy, Kơdră dơnơm Anih jang unh hơyuh Dak Mil, Dak Nông ăn tơbăt, tơdrong dăng tơlei unh hơyuh ăn thôn 5 Tầng, xăh Đắk R’la lơ\m Tơdrong jang hơ ‘nhăk unh hơyuh truh tơring pơxe\l. Tơdrong pơkăp jang đei dăng tơlei unh hơyuh, pơlăp dôm anih tơ[ăk tơjur unh hơyuh, vei xơđơ\ng unh hơyuh yua păng axong unh hơyuh ăn tơdrong jang, {ok Nguyễn Xuân Huy ăn tơbăt: “Lơ\m khei năr âu ki, anih jang unh hơyuh Dak Mill hlôi axong unh hơyuh ăn tôm unh hnam kon pơlei lơ\m tơring, ataih đơ\ng anih vei hơlen kơ khul jang je# 30 kơxo#, mă kăl noh ăh pơyan ‘mi năm vă je# minh năr pơtơm truh tơring đei pơkăp jang. Vă pơm kiơ\ [lep pơkăp atu\m, noh anih jang unh hơyuh hơnơ\ng pơtruh khul jang năm hơlen tơ\ tơring vă băt hơdăh tơdrong kăl đơ\ng bơngai yua unh hơyuh. Mưh ưh đei unh hơyuh kơte\ch dăh mă dăh mă hư răm noh gô đei hơmet tơnăp kiơ\ pơkăp. Tơje# hăm noh, unh hơyuh dơnơm kơ tơring âu, kơdih vei hơlen hơmet jo# hloi hăm trong tơlei păng công tơ pơkă unh yua, ưh đei le# răm ‘mơ\i noh pơtơm truh ôh”.

Tơdrong axong dăng tơlei unh hơyuh ăn thôn 5 Tầng, xăh Đắk R’la, apu\ng  Dak Mil, dêh char Dak Nông jing hơyak kơtang dru\t hơto\k mu\k drăm – tơpôl tơ\ tơring teh tơnap tap âu. ‘Nâu jing tơdrong kăp g^t vă thôn 5 Tầng hơto\k jang klaih đơ\ng hin dơnuh.

Lan chih păng rapor